NREGS inhlawhna rate a sang
NREGS hnuai ni 1 inhlawhna rate Rs. 110 chu Rs. 129 ah tihpun a ni a. Inhlawhna siam leh hmasak berah rate thar hi hman tur a ni. Ram chhung hmun hrang hrangah rate punna hi a inang lo.
Assembly dawn
Vawiin chawhma dar 11 hian 407/709 Truck Owners Association Serchhip chuan Pu B.Vanlalhruaia In Tuikhuah Vengah Assembly an hmang dawn a. Chawhnu lamah MJA-te kaihhruaiin hruaitu thar an thlang nghal ang.
PYD Conf. a tiak
UPC Kohhran thalai pawl PYD Serchhip Bial inkhawmpui, Serchhip Biak Inpuia neih chu nizan khan a tiak ta.
Savawm man sak
Serchhip Chanmari Venga Pu Lalbiaktluanga te nupa-in hun rei tak fa ang maia an lo enkawl, Savawm sum 7 vela lian chu tunhnai khan Forest Department chuan manin, thubuai an siam sak. He savawm; a enkawltu ten ‘Mawite-i’ tia an koh hi Deptt. lam chuan lak sak lovin a vulhtute kutah a la awm mek a ni.
Monday, January 31, 2011
Lawrkhawm
Hindi result ti chhuak
Mizoram Hindi Prachar Sabha Board of examination chuan Inrinni khan Pawl 10, Pawl 12 leh BA 2nd session exam result a ti chhuak a. Pawl 10-ah exam zingah 75.47% an pass a. Pawl 12-ah 86.36% pass-in, BA ah chuan 82% in an pass a ni.
YWCA Jubilee lawm
Young Women Christian Associa tion (YWCA), Aizawl chuan Zirtawp tlai khan Archive Hall, Babutlang-ah an pawl kum 25-na Silver Jubilee an lawm a, Indian Society on Tobacco & Health, Mizoram Chapter president Lal Riliani'n khuallian niin a hmanpui.Pi Lal Riliani chuan YWCA ten kum 25 zet an tling ta chu a lawmpui thu a sawi a. He pawlin hmeichhiate chawikanna leh tanpui ngaite tanpui kawnga a hnathawhte chu fakawm a tih thu sawiin, rethei leh chhumchhia zawkte khaichhuah kawngah nasa lehzuala tan la turin a fuih bawk.
Rabungah In 3 a kangral
Nimin zing khawvar hmaa Khawzawl RD block huamchhung Rabung khuaa kangmei chhuakah In 3 a kangral vek a, mihring thi leh hliam erawh an awm lo. Kangmei hi zing lam dar 3 vela chhuak niin, Pi Thantluangi In Assam type a kang a, In kan lai hian thli a thawt nasat avangin a thenawm Pu Laihnuna In kang kaiin, bungrua engmah chuh hman lovin a kangral ve ve a. An thenawm hnai Pu K.Lalhmuak liana In pawh kangmei hian mankai ve lehin, bungrua erawh an chuh hman na-in, In erawh a kangral vek thung.
IOC-in tui lak sak dawn
Indian Oil Corporation (IOC) chuan nimin khan Mualkhang mipuite tui thianghlim in tur lakna siamna tur sum Rs. 8,19,000 an hlan. Mualkhang mipuite tui in tur Paihte lui atanga lakna tur hian IOC chuan he hna thawk tura thlan Goodwill foundation Aizawl kutah sum hi a hlan a ni.
Kangmeiah mi 12 an thi
Philipines ram khawpui Manila-a nimin zinga miretheite chenna Venga kangmei nasa tak chhuakah mi 12 an thi a, chenna In 100 vel a kangral vek a ni. He kangmeiah hian In chhunga tang mi 11 an thi a, damdawi inah hliam 1 a thi bawk. Thi zingah hian naupang 5 an tek a, kang mei chhuah chhan hi chhui mek a ni.
Mizoram Hindi Prachar Sabha Board of examination chuan Inrinni khan Pawl 10, Pawl 12 leh BA 2nd session exam result a ti chhuak a. Pawl 10-ah exam zingah 75.47% an pass a. Pawl 12-ah 86.36% pass-in, BA ah chuan 82% in an pass a ni.
YWCA Jubilee lawm
Young Women Christian Associa tion (YWCA), Aizawl chuan Zirtawp tlai khan Archive Hall, Babutlang-ah an pawl kum 25-na Silver Jubilee an lawm a, Indian Society on Tobacco & Health, Mizoram Chapter president Lal Riliani'n khuallian niin a hmanpui.Pi Lal Riliani chuan YWCA ten kum 25 zet an tling ta chu a lawmpui thu a sawi a. He pawlin hmeichhiate chawikanna leh tanpui ngaite tanpui kawnga a hnathawhte chu fakawm a tih thu sawiin, rethei leh chhumchhia zawkte khaichhuah kawngah nasa lehzuala tan la turin a fuih bawk.
Rabungah In 3 a kangral
Nimin zing khawvar hmaa Khawzawl RD block huamchhung Rabung khuaa kangmei chhuakah In 3 a kangral vek a, mihring thi leh hliam erawh an awm lo. Kangmei hi zing lam dar 3 vela chhuak niin, Pi Thantluangi In Assam type a kang a, In kan lai hian thli a thawt nasat avangin a thenawm Pu Laihnuna In kang kaiin, bungrua engmah chuh hman lovin a kangral ve ve a. An thenawm hnai Pu K.Lalhmuak liana In pawh kangmei hian mankai ve lehin, bungrua erawh an chuh hman na-in, In erawh a kangral vek thung.
IOC-in tui lak sak dawn
Indian Oil Corporation (IOC) chuan nimin khan Mualkhang mipuite tui thianghlim in tur lakna siamna tur sum Rs. 8,19,000 an hlan. Mualkhang mipuite tui in tur Paihte lui atanga lakna tur hian IOC chuan he hna thawk tura thlan Goodwill foundation Aizawl kutah sum hi a hlan a ni.
Kangmeiah mi 12 an thi
Philipines ram khawpui Manila-a nimin zinga miretheite chenna Venga kangmei nasa tak chhuakah mi 12 an thi a, chenna In 100 vel a kangral vek a ni. He kangmeiah hian In chhunga tang mi 11 an thi a, damdawi inah hliam 1 a thi bawk. Thi zingah hian naupang 5 an tek a, kang mei chhuah chhan hi chhui mek a ni.
Friday, January 28, 2011
Tualchhung
NLUP sem a ni
A tum thumna atan nimin khan Serchhip DC Conference Hall-ah NLUP sem leh a ni a, Serchhip District huam chhunga Industries Department hnuaia NLUP Trade thlangtu chhungkaw 228 te hnenah kum 2010-2011 chhung atan NLUP sum thawhkhatna (first instalment) sem a ni a, Pu Malsawmtluanga, SDIO, Serchhip leh Pu H.Thantluanga, Extension Officer (Industries) Serchhip ten a hmunah an buaipui a ni.
Nimina NLUP sum dawngtute hi Serchhip Constituency atangin chhungkaw 100, Tuikum Constituency atangin chhung kaw 78 leh Hrangturzo Constituency atang in chhungkaw 50 an vaiin chhungkaw 228 an ni a, an Trade thlan dan azirin Rs. 10,000/- atanga Rs. 25,000/- thlenga sem a ni.
Zeng hri danna pe
Ram chhung hmun dang rualin nimin zing atang khan Serchhip khawpui chhunga naupang kum 5 hnuai lamte hnenah zeng hri danna pek beihpui thlak a ni a. Nimin zinga damdawi la ei ve lo te chu vawiin atang hian thawktu ten In tinah lutin an ei tir dawn.
A tum thumna atan nimin khan Serchhip DC Conference Hall-ah NLUP sem leh a ni a, Serchhip District huam chhunga Industries Department hnuaia NLUP Trade thlangtu chhungkaw 228 te hnenah kum 2010-2011 chhung atan NLUP sum thawhkhatna (first instalment) sem a ni a, Pu Malsawmtluanga, SDIO, Serchhip leh Pu H.Thantluanga, Extension Officer (Industries) Serchhip ten a hmunah an buaipui a ni.
Nimina NLUP sum dawngtute hi Serchhip Constituency atangin chhungkaw 100, Tuikum Constituency atangin chhung kaw 78 leh Hrangturzo Constituency atang in chhungkaw 50 an vaiin chhungkaw 228 an ni a, an Trade thlan dan azirin Rs. 10,000/- atanga Rs. 25,000/- thlenga sem a ni.
Zeng hri danna pe
Ram chhung hmun dang rualin nimin zing atang khan Serchhip khawpui chhunga naupang kum 5 hnuai lamte hnenah zeng hri danna pek beihpui thlak a ni a. Nimin zinga damdawi la ei ve lo te chu vawiin atang hian thawktu ten In tinah lutin an ei tir dawn.
Serchhip MZP ten LFCS School fee sang chungchangah Complaint thehlut
Vawiin khan MZP Hqrs. Serchhip te chuan Serchhip P&E Veng a Little Flower Convent School in Middle Section a Class V – VII Deficit ni chung si a an School a lut tur zirlai naupang te hnena sorkar phal loh Admission Fee leh Fee dang dang sang uchuak taka an lak chungchangah SDEO Pu Lawmawma hnenah Complaint an thehlut a, zirlaite hnena Fee an lo lak tawh hi pek let leh vek a nih theihnan hmalaksak turin an ngen a ni. SDEO Pu Lawmawma hian nimin la la khan LFSC School thuneitute hnenah Explanation a Call nghal tur thu a lo hrilh. Hemi hnu hian MZP te hian thuchhuah siam nghalin an thuchhuah chu a ngai ngaiin hetiang hi a ni:
“The RTE Act Chapter IV Clause 13 in a phut angin kum 2011 – 2012 atana Elementary School a Admission la tur hnenah naupangte admit na turin eng Fee mah chawitir tur a ni lo” tih Office Order Pi Esther Lalruatkimi, Director of School Education, Mizoram : Aizawl in a chhuah (Vide No. A.23022/2/2010-DTE(EDN)) zawm lovin Serchhip P & E Veng a Little Flower Convent School(Deficit) chuan Kum 2011 – 2012 Acedemic Session atan Admission Fee leh Fee dang dang to uchuak takin an la a, Class V – VII tan Rs.1400/- zel, mipakhat tan an la a ni.
Admission Fee leh Fee dang dang an lak te chu hetiang hi a ni.
1) Admission Fee Rs.20
2) Computer Fee Rs.100(For January -
Hei hi thla tin Rs.100 chawi chhunzawm tur)
3) Maintenance Fee Rs.230
4) Establishment Fee Rs.400
5) Examination Fee Rs.200
6) Activity Fee Rs.200
7) Teachers’ Welfare Fund Rs.100
Games/Medical/Library Fee Rs.150
Total - Rs.1400/-
Hemi chungchangah hian MZP Hqrs. Serchhip chuan tum 2 lai Little Flower Convent School Headmistress Sr. Veera lenchilh a, ziak meuhva kan ngen hnu ah pawh awmzia a awm tak loh avangin ni 28th Jan. 2011 Fri. hian Pu Lawmawma, Sub-Divisional Education Officer, Serchhip hnenah Complaint thehlutin Little Flower Convent School in Admission Fee leh Fee dang dang Dan lova an lak hi zirlai te hnena peklet leh vek a nih theihnana hma la turin Complaint kan thehlut a. Pu Lawmawma SDEO hian vawiin ni la la hian Explanation a Call tur thu min lo hrilh nghal a, kan lawm hle.
He kan ngenna hian awmzia a neilo a nih chuan a tul dan anga zirlaite thlavang hauh turin MZP Hqrs. Serchhip chuan puanven a sawichhing zui zel dawn a ni.
Tuesday, January 25, 2011
Serchhip District DC thar tur
Mizoram sorkar chuan Serchhip DC thar atan Pu P.Lalchhuanga a ruat. Pu P.Lalchhuanga hi MCS Association ah pawh an President nilai a ni a, mi hmingtha leh hriathhlawh tak a ni a,Serchhip DC thar tur hian Mizoram sorkar chuan Vai, IAS rawn dah a tum ut ut thin a, mahse a dawrtu tur tam ber hi tawng lamah an buai hlauhthawnna avangin Mizo bawk an rawn dah leh ta nia hriat a ni a, Republic Day kan hman zawh hnu rei vak lovah DC hlui leh a thar te hian charge an inhlan thuai rin a ni.
Monday, January 24, 2011
SERCHHIP-AH NLUP SEM LEH A NI
Tun thla ni 14-a Serchhip District-a NLUP sem anih hnuah vawiin khan Serchhip District chhunga Fisheries Department hnuaia NLUP tanpuina dawng turte hnenah a thawhkhatna atan NLUP sum pekchhuah a ni.
Vawiin (24.1.2011)a NLUP sem inkhawm hi Serchhip DC’s Conference Hall-ah Pu Robert Lalhmangaiha, ADC-in a kaihruai a, Pu C. Laldinliana, Asst. Fisheries Officer chuan NLUP hnuaia Sangha khawi thlangtute tana hriatur pawimawh hrang hrang sawiin, tun tumah hian sum thawhkhatna Rs. 25,000/- theuh pekchhuah anih thu leh he sum hi dik taka hmang te hnenah March thla chawhnu lamah 2nd Instalment pekchhuah leh theih beisei anih thu a sawi a, hemi hnu kumin September thla ralhma in a thawhthumna pawh pekchhuah leh hman tum anih thu a sawi bawk. Vawiin ah hian NLUP hnuaia Sangha khawi Trade thlangtu mi 80 hnenah NLUP tanpuina sum Rs. 25,000/- hi Cheque hmanga pekchuah a ni a, cheque neitute hian MRB New Serchhip Branch atangin a sum te hi an lachhuak thei dawn a ni. Serchhip District-ah hian Fisheries Department a la awmloh avangin vawiin-a NLUP sum sem tur hian Aizawl atangin Fisheries Department-a thawk te an rawn kal a ni. Ruahman lawk ang chuan tun thla ni 27 hian Serchhip District chhunga Industry Department hnuaia Trade thlang te hnenah NLUP sum hi pekchhuah leh a ni ang.
Vawiin (24.1.2011)a NLUP sem inkhawm hi Serchhip DC’s Conference Hall-ah Pu Robert Lalhmangaiha, ADC-in a kaihruai a, Pu C. Laldinliana, Asst. Fisheries Officer chuan NLUP hnuaia Sangha khawi thlangtute tana hriatur pawimawh hrang hrang sawiin, tun tumah hian sum thawhkhatna Rs. 25,000/- theuh pekchhuah anih thu leh he sum hi dik taka hmang te hnenah March thla chawhnu lamah 2nd Instalment pekchhuah leh theih beisei anih thu a sawi a, hemi hnu kumin September thla ralhma in a thawhthumna pawh pekchhuah leh hman tum anih thu a sawi bawk. Vawiin ah hian NLUP hnuaia Sangha khawi Trade thlangtu mi 80 hnenah NLUP tanpuina sum Rs. 25,000/- hi Cheque hmanga pekchuah a ni a, cheque neitute hian MRB New Serchhip Branch atangin a sum te hi an lachhuak thei dawn a ni. Serchhip District-ah hian Fisheries Department a la awmloh avangin vawiin-a NLUP sum sem tur hian Aizawl atangin Fisheries Department-a thawk te an rawn kal a ni. Ruahman lawk ang chuan tun thla ni 27 hian Serchhip District chhunga Industry Department hnuaia Trade thlang te hnenah NLUP sum hi pekchhuah leh a ni ang.
Friday, January 21, 2011
Serchhip Dist. a zirlaibu a thlawna sem tur vailiam
Tukin zing dar 9:30am khan SSA Mission, Serchhip District chuan kum danga tih thin angin kum 2011 academic session atana sorkar sikul leh sorkar puihnaa din sikul (Govt. & Govt. Aided Schools)-a zirlai, Pawl 1 atanga Pawl 8 zirlaite hnenah zirlaibu a thlawna sem tur Motor 7 a phurh chu Pu C. Lalthanzira, District Project Coordinator, SSA Mission, Serchhip District chuan Town Hall kawt atangin a vailiam.
DPC Pu Zira chuan thusawina hun tawi te neiin “Tun dinhmunah Supplier hnen atanga la dawn loh zirlaibu tlem ala awm avangin zirlaite hnena semchhuah tham an dawn chin zawngte semchhuah a ni” a ti a. Tuna la dawnloh te pawh dawn a nih veleh a rang thei ang bera sem a nih tur thu a sawi tel bawk.
A sawizelna ah Pu Zira chuan SSA Mission, Serchhip District chuan zirlaibute hi sikul tanni-a semchhuak nghal thei turin theih tawka lo inbuatsaih lawk a ni a ti a. Tin, zirlaiten an dawn tur ang angte a kim ngeia semchhuah an tum avangin a thlen kim hun an han nghak ren rawn a, amaherawhchu, supplier lamin sikul tan hmaa an phurh thlen kim hman tak loh avang leh vawiin ni thleng pawha dawnloh an la neih avangin an dawn ang angte zirlaite hnenah an semchhuak ta a ni tiin tuna la dawnloh te pawh an dawn thuai beisei a ni a, tuna semchhuah tak hmanga a remchan dan ang anga zirlai leh zirtirtu ten zirna an kalpui theih nghal a beisei thu a sawi tel bawk.
Thursday, January 20, 2011
Tualchhung
Tlawmngaiin thisen pe
Serchhip Medical Staff-te leh mi tlawm ngaite chuan nimin khan Serchhip Blood Bank-a dah turin thisen unit 40 an pe.
Bekang eisual
Nimin khan Chhingchhip Venglhuna cheng mi 26 te chu Bekang an eisual avangin Chhingchhip PHC ah enkawl mek an ni a, an zinga mi 10 chu Damdawi Inah dahin, ngaihtuahawm erawh an ni lo.
R.Day inbuatsaih mek
Republic Day lo thleng tur atan inbuat saih mek a ni a, a bik takin March pass entir turte an inbuatsaih nasa zual hle.
Serchhip Medical Staff-te leh mi tlawm ngaite chuan nimin khan Serchhip Blood Bank-a dah turin thisen unit 40 an pe.
Bekang eisual
Nimin khan Chhingchhip Venglhuna cheng mi 26 te chu Bekang an eisual avangin Chhingchhip PHC ah enkawl mek an ni a, an zinga mi 10 chu Damdawi Inah dahin, ngaihtuahawm erawh an ni lo.
R.Day inbuatsaih mek
Republic Day lo thleng tur atan inbuat saih mek a ni a, a bik takin March pass entir turte an inbuatsaih nasa zual hle.
Tuesday, January 18, 2011
Tualchhung
Pu Khawla vuiliam a ni
Pu Khawlsiamliana (67) f/o Thanglianmawia Serchhip P&E Veng chu nizan dar 12:15 khan Aizawlah lungna avangin a boral a, a ruang hi vawiin chawhma dar 11 khan Serchhip rawn thlenpuiin, vawiin vek chawhnu dar 3 khan vuiliam a ni.
Ruang 3 vuiliam a ni
Pi Khuangawii(84) m/o Lalengliana Serchhip Chhim Veng, B.Lalnunpari(29) d/o B.Zamlunga P&E Veng leh Pi Hrangluaii(64) w/o RL.Chhunthanga New Serchhip Kudamkawn te chu lumen an nih hnu nimin khan vuiliam an ni.
Class la mumal rih lo
Kumin atana School hrang hrang ten school an kai hnuah zirlaibu an la neih kim loh avangin Class an la la mumal thei lova, hetihlai hian SSA chuan zirlaibu sem turin ngawrh takin hma a la mek a ni.
Bethel-ah camping
Nizan atang khan Bethel Kohhran chuan an Biak Inah camping buatsaihin, chanchin buatsaih lai thleng hian mi 90 zet an inziak lut tawh a ni.
Pu Khawlsiamliana (67) f/o Thanglianmawia Serchhip P&E Veng chu nizan dar 12:15 khan Aizawlah lungna avangin a boral a, a ruang hi vawiin chawhma dar 11 khan Serchhip rawn thlenpuiin, vawiin vek chawhnu dar 3 khan vuiliam a ni.
Ruang 3 vuiliam a ni
Pi Khuangawii(84) m/o Lalengliana Serchhip Chhim Veng, B.Lalnunpari(29) d/o B.Zamlunga P&E Veng leh Pi Hrangluaii(64) w/o RL.Chhunthanga New Serchhip Kudamkawn te chu lumen an nih hnu nimin khan vuiliam an ni.
Class la mumal rih lo
Kumin atana School hrang hrang ten school an kai hnuah zirlaibu an la neih kim loh avangin Class an la la mumal thei lova, hetihlai hian SSA chuan zirlaibu sem turin ngawrh takin hma a la mek a ni.
Bethel-ah camping
Nizan atang khan Bethel Kohhran chuan an Biak Inah camping buatsaihin, chanchin buatsaih lai thleng hian mi 90 zet an inziak lut tawh a ni.
Mualcheng South-ah kangmei a chhuak Pafa an kanghlum
Serchhip 18th Jan. 2011 : Lunglei District Mualcheng South ah tun Pathianni zan dar 9:35 khan Pu Lianchhunga In a kang a, amah Pu Lianchhunga kum 76 mi leh a fanu Chhuansangi (23) te chu an kanghlum a, an fanu te ber Remruatdiki chu na takin a hliam a, Lunglei Civil Hospital ah enkawl mek a ni a, a dinhmun a thalo hle a ni.
He In kangah hian chhungkaw nu ber Pi Zalawmi leh an fapa Vanlalzawna te chu engtin tin emaw scarting atangin a chhuak thei hram a, a him a ni. Kangmei chhuah chhan hi hriat a ni chiah lo na-in Sikri atanga chhuak nia ring an awm laiin, thenkhat chuan electric kalsual a ni ang an ti a. In hi Assam Type niin, a hnuai hi furniture workshop a ni a, phuai a tam hle a ni.Kangmei chhuah lai hian an mu tawh a, chhuahna tur kawngka lam a kan hmasak avangin an chhuak thei lo nia ngaih a ni. He kangmei chhuakah hian pawisa Rs. 10 note Rs. 8000, Rs. 500/- note 11,000 leh pawisa thir engemawzat bakah bungrua cheng nuai thum man vel a kang chhia nia sawi a ni a, Bible erawhchu a kang lo nia thu dawn a ni.
Lawrkhawm
March ni 15 hmaa lo Hal tur
State Level Fire Prevention Com mittee nimina Aizawla thukhawm chuan kumin chhunga ram kang veng turin YMA-te thawhpui leh tha an ti a. Kum 2010 chhunga ram kang thelhnaa nunna chan, hliam tuar leh ramtuileiloh phahte zangna dawmna pek dan tur sawiho a nih bakah kumina hmalak dan tur an sawiho bawk. Ruahmanna lo siam tawh angin kumin Lo hal tur neite chu March ni 15 aia tlai lovah Lo hal hman ngei nise an ti a, Dist. tin DC-te chu hma lo la se an ti bawk.
SHG hnenah sum sem
SJSRY hnuaia eizawnna nghial nghet siam tura tanpuina sum nimin khan Lawngtlaia Urban Women Self Help Group 6-te hnenah Lawngtlai DC-in Rs.15000 theuh a sem a, hei hi tanpuina an dawn tum khatna a ni. DC chuan an pawisa dawnte chu tangkai taka hmang turin a chah a ni.
In 17 ti chhia
Sakawrdai leh Vanbawngah ruah, rial leh thlipui thawkin In 17 ti chhiain, In 4 luah zui tlak lovin a chhia vek a ni.
LADC-a NLUP sem loh chhan
Lai Autonomous Dist.Council CEM Pu C.Ngunlianchunga chuan Mizoram chhung hmun dang ruala LADC-a NLUP semchhuah a nih loh chhan chu kum hlui November thlaa Council inthlan neih a nih vang a ni a ti a. NLUP chu LADC ah pawh hun reilote hnuah sem chhuah a ni ang a ti a. Sorkar chuan hma sawnna tak tak nei turin mipuite a duh tih sawiin, a thlawna hmuh tum an tam lutuk erawhchu a lu hai thlak a ni a ti.
Bike chesualah thi
Nizan hmasaa Champhai Venglai kawngkama Auto Rickshaw dinglai chu Bike 1 in na taka su-in, a su tu Vanlalmuana(33)Champhai Venglaia khawsa Myanmar mi chu a thi. Vanlalmuana hian a hna thawhna handloom neitu Pu C.Chawi liana bike a ruka la chhuakin, vanduaina hi a tawk ta nia sawi a ni.
Huaisen lawmman
Kum 2010 chhung atana naupang huaisen lawmman dawng turin ram chhung hmun hrang hrang atangin naupang 23 thlan chhuah an ni a, an zingah hian hmeichhia 9 an tel a ni.
State Level Fire Prevention Com mittee nimina Aizawla thukhawm chuan kumin chhunga ram kang veng turin YMA-te thawhpui leh tha an ti a. Kum 2010 chhunga ram kang thelhnaa nunna chan, hliam tuar leh ramtuileiloh phahte zangna dawmna pek dan tur sawiho a nih bakah kumina hmalak dan tur an sawiho bawk. Ruahmanna lo siam tawh angin kumin Lo hal tur neite chu March ni 15 aia tlai lovah Lo hal hman ngei nise an ti a, Dist. tin DC-te chu hma lo la se an ti bawk.
SHG hnenah sum sem
SJSRY hnuaia eizawnna nghial nghet siam tura tanpuina sum nimin khan Lawngtlaia Urban Women Self Help Group 6-te hnenah Lawngtlai DC-in Rs.15000 theuh a sem a, hei hi tanpuina an dawn tum khatna a ni. DC chuan an pawisa dawnte chu tangkai taka hmang turin a chah a ni.
In 17 ti chhia
Sakawrdai leh Vanbawngah ruah, rial leh thlipui thawkin In 17 ti chhiain, In 4 luah zui tlak lovin a chhia vek a ni.
LADC-a NLUP sem loh chhan
Lai Autonomous Dist.Council CEM Pu C.Ngunlianchunga chuan Mizoram chhung hmun dang ruala LADC-a NLUP semchhuah a nih loh chhan chu kum hlui November thlaa Council inthlan neih a nih vang a ni a ti a. NLUP chu LADC ah pawh hun reilote hnuah sem chhuah a ni ang a ti a. Sorkar chuan hma sawnna tak tak nei turin mipuite a duh tih sawiin, a thlawna hmuh tum an tam lutuk erawhchu a lu hai thlak a ni a ti.
Bike chesualah thi
Nizan hmasaa Champhai Venglai kawngkama Auto Rickshaw dinglai chu Bike 1 in na taka su-in, a su tu Vanlalmuana(33)Champhai Venglaia khawsa Myanmar mi chu a thi. Vanlalmuana hian a hna thawhna handloom neitu Pu C.Chawi liana bike a ruka la chhuakin, vanduaina hi a tawk ta nia sawi a ni.
Huaisen lawmman
Kum 2010 chhung atana naupang huaisen lawmman dawng turin ram chhung hmun hrang hrang atangin naupang 23 thlan chhuah an ni a, an zingah hian hmeichhia 9 an tel a ni.
Saturday, January 15, 2011
Naupang khuaikhem vangin Lungpho khawtlang lungawi lo
Serchhip : Kum 2010 Krismas leh Kumthar vuakvet lai khan Lungpho khuaa hmeichhe naupang kum tling lo pakhat chu ei tur leh nepnawi thil dang hmanga thlema khuaikhem fo-ah Lalengmawia s/o Lalhmingliana, Lungpho chu puh a ni a, hei vang hian Lungpho khawtlang chu an lungawilo hle nia hriat a ni.
He thil thlen hunlai hi Krismas leh kumthar bawr vel lai a ni nain tunkar tir lamah khan hetiang thil hi a thleng a ni tih hriatchhuah a ni chauh va. He thil thlen thu hriat anih veleh naupang nu leh pate hi an rilru a na hle a, police lama report pawh an duh viau laiin an dinhmun harsat avangin an report mai ngam lova, an rilru a dam theih si loh avangin MHIP lamah an zualko ta a. MHIP te hian theihtawpa hmalakpui an intiam thu an sawi a, tin NGO lam te pawh an inhmukhawm tawh ni a hriat a ni a. Amaherawhchu engtin nge an kal zel dawn tih erawh an la hre mai thei rih lo niin kan thudawnna chuan a sawi.
Lalengmawia hi a awmna chin hriat lohvin a bibo mek niin thu lakna chuan a sawi a. Tunhma pawhin naupang khuaikhem chungchangah rinhlelh a lo kai tawh thin niin an sawi. Hman deuhah pawh Primary School kal lai hmeichhe naupang pakhat chu a lo khuaikhem tawh bawk ni a sawi a ni a, hemi tum hian khawtlang hruaitute nen inberemin an ngaidam nia hriat a ni.
He thil thlen hunlai hi Krismas leh kumthar bawr vel lai a ni nain tunkar tir lamah khan hetiang thil hi a thleng a ni tih hriatchhuah a ni chauh va. He thil thlen thu hriat anih veleh naupang nu leh pate hi an rilru a na hle a, police lama report pawh an duh viau laiin an dinhmun harsat avangin an report mai ngam lova, an rilru a dam theih si loh avangin MHIP lamah an zualko ta a. MHIP te hian theihtawpa hmalakpui an intiam thu an sawi a, tin NGO lam te pawh an inhmukhawm tawh ni a hriat a ni a. Amaherawhchu engtin nge an kal zel dawn tih erawh an la hre mai thei rih lo niin kan thudawnna chuan a sawi.
Lalengmawia hi a awmna chin hriat lohvin a bibo mek niin thu lakna chuan a sawi a. Tunhma pawhin naupang khuaikhem chungchangah rinhlelh a lo kai tawh thin niin an sawi. Hman deuhah pawh Primary School kal lai hmeichhe naupang pakhat chu a lo khuaikhem tawh bawk ni a sawi a ni a, hemi tum hian khawtlang hruaitute nen inberemin an ngaidam nia hriat a ni.
Serchhip ah NLUP hawng, mi 311 hnenah sem nghal a ni
Zirtawpni, ni 14 dar 11:00 khan Serchhip DC Conference Hall-ah Serchhip District huam chhunga NLUP semna hun hmasa ber chu hman a ni a, Home Minister Pu R.Lalzirliana chu khuallian niin NLUP dawngtura thlanchhuahte zinga mi 30 hnenah NLUP sum hmahruai hi a hlan nghal bawk a ni.
Home Minister chuan NLUP hi miretheite leh kuthnathawktuten lei rem an rah ve theih nana ruahman anih thu sawiin, vawiin hi retheite leh kuthnathawktute chhanchhuahna programme intan lehna ni a nih avangin Mizoram Chief Minister Pu Lal Thanhawla chuan kum tin Mizoram puma hman tawh turin January ni 14 hi “Kuthnathawktute Chhanchhuahna Ni” atan a puang a, he ni hi kumtin Sawrkar ni pawimawh atan hman anih thin tawh tur thu a sawi bawk.Home Minister chuan NLUP hmang diklo te chungah Sawrkarin hremna khauh takin a lek kawh dawn a, hremna hlauh vang nilova, thahnemngaih vang leh mahni intodelh duhvang zawka tih takzeta thawk turin NLUP sum dawngtute chu a chah.
Serchhipah hian District Level NLUP Committee din anih bakah khawtinah Village-Level NLUP Committee din vek a ni a, Serchhip District chhungah hian MLA Constituency pathum – Serchhip, Tuikum leh Hrangturzo te awmin, NLUP sum dawng tur hian chhungkaw 13365 survey a ni a, heng zingah hian chhungkaw 10791 thlan niin kumin chhunga NLUP tanpuina dawng turin chhungkaw 2999 thlanchhuah leh an ni a, an zing atang hian chhungkaw 311-in vawiin NLUP sum hmasa hi an dawng a, an sum dawn hi chawhrualin Rs. 20000/- theuh a ni. NLUP sum dawngtura thlan tawh la dawng lo te pawh a tahtawlin pek zel tura ruahman a ni.
Nimina NLUP sem inkhawm hi Pu H.Darzika Serchhip DC-in a kaihruai a, Pu R.Selthuama, MLA, NLUP Implementing Board Chairman, Pu K.Lianzuala, Tuikum Bialtu MLA, MKVIB Chairman ni bawk leh Hrangturzo Constituency bialtu MLA Pu Lalthansanga ten thu an sawi a, Home Minister hi Pu Lalthansanga, Secretary, Finance Department, Pu Rosanga Colney, Director, Sericulture Deptt. leh sawrkar mipawimawh dang ten an tawiawm a ni.
Naupang khuaikhem vangin Lungpho khawtlang lungawi lo
Serchhip : Kum 2010 Krismas leh Kumthar vuakvet lai khan Lungpho khuaa hmeichhe naupang kum tling lo pakhat chu ei tur leh nepnawi thil dang hmanga thlema khuaikhem fo-ah Lalengmawia s/o Lalhmingliana, Lungpho chu puh a ni a, hei vang hian Lungpho khawtlang chu an lungawilo hle nia hriat a ni. He thil thlen hunlai hi Krismas leh kumthar bawr vel lai a ni nain tunkar tir lamah khan hetiang thil hi a thleng a ni tih hriatchhuah a ni chauh va. He thil thlen thu hriat anih veleh naupang nu leh pate hi an rilru a na hle a, police lama report pawh an duh viau laiin an dinhmun harsat avangin an report mai ngam lova, an rilru a dam theih si loh avangin MHIP lamah an zualko ta a. MHIP te hian theihtawpa hmalakpui an intiam thu an sawi a, tin NGO lam te pawh an inhmukhawm tawh ni a hriat a ni a. Amaherawhchu engtin nge an kal zel dawn tih erawh an la hre mai thei rih lo niin kan thudawnna chuan a sawi. Lalengmawia hi a awmna chin hriat lohvin a bibo mek niin thu lakna chuan a sawi a. Tunhma pawhin naupang khuaikhem chungchangah rinhlelh a lo kai tawh thin niin an sawi. Hman deuhah pawh Primary School kal lai hmeichhe naupang pakhat chu a lo khuaikhem tawh bawk ni a sawi a ni a, hemi tum hian khawtlang hruaitute nen inberemin an ngaidam nia hriat a ni. |
Thursday, January 13, 2011
Tualchhung
R.Day Khawtetlang field-ah
Nimina District Bawrhsap Pu H.Darzika hova sorkar mi pawimawh leh khawtlang hruaitute thukhawm chuan kumin Republic Day chu Khawtetlang Field-ah hman nise, khuallian District Bawrhsap hmangin, Republic Day pual Volleyball tournament buatsaih nise an ti bawk.
NLUP naktukah
Mizoram sorkar programme pawi mawh NLUP chu naktuk Zirtawpni chawhma dar 11 hian DC’s Conference hall-ah District dangte rualin sem chhuah tan a ni dawn ta a. He hun hi Home Minister Pu R.Lalzirliana, MLA Pu Lalthansanga leh Pu K.Lianzuala te an rawn hmanpui dawn a ni. NLUP dawng hmasa turte hi tih fel vek an ni tawh.
Nimina District Bawrhsap Pu H.Darzika hova sorkar mi pawimawh leh khawtlang hruaitute thukhawm chuan kumin Republic Day chu Khawtetlang Field-ah hman nise, khuallian District Bawrhsap hmangin, Republic Day pual Volleyball tournament buatsaih nise an ti bawk.
NLUP naktukah
Mizoram sorkar programme pawi mawh NLUP chu naktuk Zirtawpni chawhma dar 11 hian DC’s Conference hall-ah District dangte rualin sem chhuah tan a ni dawn ta a. He hun hi Home Minister Pu R.Lalzirliana, MLA Pu Lalthansanga leh Pu K.Lianzuala te an rawn hmanpui dawn a ni. NLUP dawng hmasa turte hi tih fel vek an ni tawh.
Wednesday, January 12, 2011
Tualchhung
Chamber of Commerce Assembly
Nimin khan Serchhip Hmar Veng YMA Hall-ah Chamber of Commerce Serchhip ten Assembly neiin, hruaitu thar M JA kaihhruaina hnuaiah an thlang nghal. An rorel langsar zual zingah State pawn atanga dawr bungraw phurh luh man Lunglei rate-a kalpui thin chu tih hniam a nih theih nan hmalak nise an ti a. Serchhipah hnamdang dawrkai an awm loh nan hmalak nise an ti bawk.
Hruaitu thlan tharte -
President : T.Rosiama, Venglai
Vice Pre. : V.Zaliankhuma, Hmar veng
Secretary : Ralzatawna, Bazar Veng
Asst. Secy. : C.Lalnunsanga, Field road
Treasurer : B.Rokima, Tuikhuah Veng
Fin.Secy. : F.Lianhlira, Tuikhuah Veng
Missionary Day hmang
Sap Missionary ten chanchintha hril tura Mizoram an rawn luh Ni champha ‘Missionary Day’ chu nimin leh nizan khan Kohhran hrang hrang ten hmangin, Pathian biak inkhawm an nei. Chanchin tha Mizorama rawn thlen kum 100-na hi kum 1994 khan Mizoram pumah ropui taka lawm a lo ni tawh a ni.
Monitoring comtt. thukhawm
Nimin khan DC’s meeting room-ah Serchhip District Vigilance & Monito ring Committee chu an chairman Lok Sabha MP Pu CL.Ruala hovin an thu khawm a. Serchhip Dist. chhunga sorkar laipui suma hnathawh hrang hrangte an thlirho a ni.
R.Day lawm dan rel dawn
Vawiin chawhnu dar 1 hian DC’s meeting room-ah kumin Republic Day lawm dan ngaih tuahin sorkar mi pawimawh leh khawtlang hruaitute an thukhawm dawn.
NAAC-in grade pe
Mizoram College hrang hrang NAAC (National Access ment and Accreditation Council) Bangalore-in a rawn endik hnuah 8th Jan, 2011 khan Executive Council chuan Govt. Serchhip College chu Grade B with CGPA score 2.08 a rawn pe a ni.
Nimin khan Serchhip Hmar Veng YMA Hall-ah Chamber of Commerce Serchhip ten Assembly neiin, hruaitu thar M JA kaihhruaina hnuaiah an thlang nghal. An rorel langsar zual zingah State pawn atanga dawr bungraw phurh luh man Lunglei rate-a kalpui thin chu tih hniam a nih theih nan hmalak nise an ti a. Serchhipah hnamdang dawrkai an awm loh nan hmalak nise an ti bawk.
Hruaitu thlan tharte -
President : T.Rosiama, Venglai
Vice Pre. : V.Zaliankhuma, Hmar veng
Secretary : Ralzatawna, Bazar Veng
Asst. Secy. : C.Lalnunsanga, Field road
Treasurer : B.Rokima, Tuikhuah Veng
Fin.Secy. : F.Lianhlira, Tuikhuah Veng
Missionary Day hmang
Sap Missionary ten chanchintha hril tura Mizoram an rawn luh Ni champha ‘Missionary Day’ chu nimin leh nizan khan Kohhran hrang hrang ten hmangin, Pathian biak inkhawm an nei. Chanchin tha Mizorama rawn thlen kum 100-na hi kum 1994 khan Mizoram pumah ropui taka lawm a lo ni tawh a ni.
Monitoring comtt. thukhawm
Nimin khan DC’s meeting room-ah Serchhip District Vigilance & Monito ring Committee chu an chairman Lok Sabha MP Pu CL.Ruala hovin an thu khawm a. Serchhip Dist. chhunga sorkar laipui suma hnathawh hrang hrangte an thlirho a ni.
R.Day lawm dan rel dawn
Vawiin chawhnu dar 1 hian DC’s meeting room-ah kumin Republic Day lawm dan ngaih tuahin sorkar mi pawimawh leh khawtlang hruaitute an thukhawm dawn.
NAAC-in grade pe
Mizoram College hrang hrang NAAC (National Access ment and Accreditation Council) Bangalore-in a rawn endik hnuah 8th Jan, 2011 khan Executive Council chuan Govt. Serchhip College chu Grade B with CGPA score 2.08 a rawn pe a ni.
Lawrkhawm
Sangha khawi zirho
Central Institute of Fresh water aqua culture, Bhubaneshwar leh Fisheries Deptt. tangkawp buatsaih in nimin khan Aizawlah sangha khawi chungchang an thil hmuh chhuah thar hrang hrang zirho a ni. He hun hawngtu Mizoram State planning board Vice Chairman Pu Lalkhama chuan sorkar chuan sangha khawi kawngah nasa taka hma a lak mek thu a sawi. He hunah hian phai atanga rawn kal Scientist ten zirtirna an pe a ni.
Synod-in tanpuina pe
Niminpiaha Belthei daia Bus chesuala hliamte hnenah Mizoram Synod chuan Rs.500 theuh a pe a. He tanpuina sum hi Administrative Secretary Chhim area kaltlangin a pe a ni. He chetsualnaa hliam na zual 39 zingah thih belh an awm lova, sorkar chuan tanpuina awm thei ang te a dap sak mek nia sawi a ni.
Sorkar hnathawk nawrh tum
Sorkar-in hlawhbi thar a siam saka lungawilo pawl 57 vel inzawm khawm chuan sorkara an lungawi lohna lantir an rel a. Thuchhuah an siamah an lungawilohna chu sorkar-ah vawi engemaw zat an thlen tawh hnuah tih hlawhtlin a nih loh bakah sorkar chuan a ngaih thah hle niin an sawi a. Hei vang hian karleh ni 13 leh ni 14 ah hna thawh loh an tum a, ni 19 atang ni 21 chhung casual leave lak an tum tih an sawi bawk.
PM hovin meeting
Prime Minister Dr.Manmohan Singh-a hovin mi pawimawh ten nimin khan New Delhi ah tunlaia ei leh bar thil man sang chang chang leh engtianga hmalak tur nge tih an sawi hova. Tun tum bakah hian nidangah meeting an la neih leh rin a ni.
Kum 11 tang turin ti
Iran rama mihring dikna leh chanvo humhalhtu pawlte ukil, Nasrin Sotoudeh chu an ram himna tichhe thei zawnga thil ti-ah puh a nih avangin kum 11 chhung tang tura tih a ni a, Ukil hna pawh kum 20 chhung thawk thei lo tura tih a nih bakah an ram chhuahsan lo tura tih a ni.Nasrin Sotoudeh-i hi nikum September thla khan an ram himna tichhe thei zawnga thil ti-a puh a nih avang hian man a ni .
Central Institute of Fresh water aqua culture, Bhubaneshwar leh Fisheries Deptt. tangkawp buatsaih in nimin khan Aizawlah sangha khawi chungchang an thil hmuh chhuah thar hrang hrang zirho a ni. He hun hawngtu Mizoram State planning board Vice Chairman Pu Lalkhama chuan sorkar chuan sangha khawi kawngah nasa taka hma a lak mek thu a sawi. He hunah hian phai atanga rawn kal Scientist ten zirtirna an pe a ni.
Synod-in tanpuina pe
Niminpiaha Belthei daia Bus chesuala hliamte hnenah Mizoram Synod chuan Rs.500 theuh a pe a. He tanpuina sum hi Administrative Secretary Chhim area kaltlangin a pe a ni. He chetsualnaa hliam na zual 39 zingah thih belh an awm lova, sorkar chuan tanpuina awm thei ang te a dap sak mek nia sawi a ni.
Sorkar hnathawk nawrh tum
Sorkar-in hlawhbi thar a siam saka lungawilo pawl 57 vel inzawm khawm chuan sorkara an lungawi lohna lantir an rel a. Thuchhuah an siamah an lungawilohna chu sorkar-ah vawi engemaw zat an thlen tawh hnuah tih hlawhtlin a nih loh bakah sorkar chuan a ngaih thah hle niin an sawi a. Hei vang hian karleh ni 13 leh ni 14 ah hna thawh loh an tum a, ni 19 atang ni 21 chhung casual leave lak an tum tih an sawi bawk.
PM hovin meeting
Prime Minister Dr.Manmohan Singh-a hovin mi pawimawh ten nimin khan New Delhi ah tunlaia ei leh bar thil man sang chang chang leh engtianga hmalak tur nge tih an sawi hova. Tun tum bakah hian nidangah meeting an la neih leh rin a ni.
Kum 11 tang turin ti
Iran rama mihring dikna leh chanvo humhalhtu pawlte ukil, Nasrin Sotoudeh chu an ram himna tichhe thei zawnga thil ti-ah puh a nih avangin kum 11 chhung tang tura tih a ni a, Ukil hna pawh kum 20 chhung thawk thei lo tura tih a nih bakah an ram chhuahsan lo tura tih a ni.Nasrin Sotoudeh-i hi nikum September thla khan an ram himna tichhe thei zawnga thil ti-a puh a nih avang hian man a ni .
Mizoram hmun hnihah tualthahna a thleng
Serchhip 12th Jan. 2011 : Nimin zing dar 6 vel khan Chawngte ‘L’ High School bulah Kapduailova(51) 2nd Battalion MAP Senior constable chu thi a hmuh a ni.
Kapduailova hi naupang sava vehin an hmu a, puitling puna an enfiah chuan a tukhumah inchi 2 vel kakin, a dup nasa hle a, a mit 2 pawh a duk vek a, a beng ding lam leh a lu atangin thi a chhuak a ni.
Kapduailova hi Chawngte-ah hian kum 4 awm tawhin, a ruang hmuh lai hian uniform a ha a. Nimin vek khan postmortem a nih hnuah Chawngte ah hian vuiliam nghal a ni. Kapduailova vaw hlumtu nia insawi Lalzarzova Chawngte ‘L’ chu Lunglei Police Station-ah a inpe tawh a, an pahnih hian zu ruiin, an inti thiam loh chuan vawi 2 a vua niin Police-te hmaah a sawi.
Hetihlai nimin zing dar 9 vel khan Bilkhawthlir leh Vairengte inkar, Bairabi bulah hnamdang mipa ruang chhar a ni a, silai hmanga kahhlum a ni.
He ruang hi vai bawngchaw sat-in a hmu a, midang hrilh nghalin, Bilkhawthlir Police-te chuan a hmunah thil awm dan an enfiah nghal a. Kawngpui sir metre 6 a hla ah thisen bua leh 9mm pistol mu ruak an hmu a, thisen buakna atanga kawng thlang metre 10 vela hla ah ruang hi hmuh a ni.
Mithi hi a lu leh a mitah silai kahna hnuhma ni awm tak hmuh a ni a, a taksa hmun dangah hliam a awm lo nia sawi a ni.
Niminpiaha Pangbalkawn bula hnamdang ruang chhar pawh tu nge a nih hriat a la ni lova, Kolasib Police-te chuan mithite hi United Liberation Front of Barak Valley invuah Gang rual zing ami nia hriat a nih thu sawiin, an pawlah inhriatthiamlohna a awm avangin hetiang thil hi a thleng ta nia an hriat thu an sawi.
Kapduailova hi naupang sava vehin an hmu a, puitling puna an enfiah chuan a tukhumah inchi 2 vel kakin, a dup nasa hle a, a mit 2 pawh a duk vek a, a beng ding lam leh a lu atangin thi a chhuak a ni.
Kapduailova hi Chawngte-ah hian kum 4 awm tawhin, a ruang hmuh lai hian uniform a ha a. Nimin vek khan postmortem a nih hnuah Chawngte ah hian vuiliam nghal a ni. Kapduailova vaw hlumtu nia insawi Lalzarzova Chawngte ‘L’ chu Lunglei Police Station-ah a inpe tawh a, an pahnih hian zu ruiin, an inti thiam loh chuan vawi 2 a vua niin Police-te hmaah a sawi.
Hetihlai nimin zing dar 9 vel khan Bilkhawthlir leh Vairengte inkar, Bairabi bulah hnamdang mipa ruang chhar a ni a, silai hmanga kahhlum a ni.
He ruang hi vai bawngchaw sat-in a hmu a, midang hrilh nghalin, Bilkhawthlir Police-te chuan a hmunah thil awm dan an enfiah nghal a. Kawngpui sir metre 6 a hla ah thisen bua leh 9mm pistol mu ruak an hmu a, thisen buakna atanga kawng thlang metre 10 vela hla ah ruang hi hmuh a ni.
Mithi hi a lu leh a mitah silai kahna hnuhma ni awm tak hmuh a ni a, a taksa hmun dangah hliam a awm lo nia sawi a ni.
Niminpiaha Pangbalkawn bula hnamdang ruang chhar pawh tu nge a nih hriat a la ni lova, Kolasib Police-te chuan mithite hi United Liberation Front of Barak Valley invuah Gang rual zing ami nia hriat a nih thu sawiin, an pawlah inhriatthiamlohna a awm avangin hetiang thil hi a thleng ta nia an hriat thu an sawi.
Tuesday, January 11, 2011
Pangbalkawn bulah hnamdang ruang chhar a ni
Nimin zing khan Bairabi road, Bangbalkawn leh Tuichhuahen inkar Baro camp bul motor kawngpui sirah hnam dang mipa ruang pakhat chhar a ni a, silaia kah hlum a ni.
He ruang hi kum 25-30 inkar bawr vel niin a lang a, motor kawngpui sirah kut hnungkhirhin chhar a ni a. A tukhumah hmun hnihah silaia kahna hmuh theihin, silaimu hi a chalah a tlang a, ruang bulah hian pistol 9mm mu ruak 2 Police-te chuan an chhar a ni.
Ruang hi zing dar 7 vela Bairabi Maxi Cab service ten hmuin, Kolasib Police-te an hriattir nghal a. Police-te a hmunah hian kalin, thil awm dan an chhui zui nghal a ni.
Ruang hi Leilet enkawltu hnamdang ni lovin, hmun danga hnathawk ni theia rin a ni a. Jeans kekawr tlawn ha-in, T-shirt serthlum rawng ban bul a ha a, mawza bunin, a kut hnungkhirhna hi diar hman a ni a. Ruang hi Kolasib Police ten kawlin, tu nge a nih hriat a la ni lo.
Tuichhuahen bula leilet enkawltu hnamdang thenkhat chuan nizan hmasa dar 9 - 10 inkar vel khan an Thlam bul hnaiah Bru tawng hmang mi 4 vel an kal thu leh an vau avanga an mahni ena pawna an chhuah ngam loh thu an sawi a ni.
He ruang hi kum 25-30 inkar bawr vel niin a lang a, motor kawngpui sirah kut hnungkhirhin chhar a ni a. A tukhumah hmun hnihah silaia kahna hmuh theihin, silaimu hi a chalah a tlang a, ruang bulah hian pistol 9mm mu ruak 2 Police-te chuan an chhar a ni.
Ruang hi zing dar 7 vela Bairabi Maxi Cab service ten hmuin, Kolasib Police-te an hriattir nghal a. Police-te a hmunah hian kalin, thil awm dan an chhui zui nghal a ni.
Ruang hi Leilet enkawltu hnamdang ni lovin, hmun danga hnathawk ni theia rin a ni a. Jeans kekawr tlawn ha-in, T-shirt serthlum rawng ban bul a ha a, mawza bunin, a kut hnungkhirhna hi diar hman a ni a. Ruang hi Kolasib Police ten kawlin, tu nge a nih hriat a la ni lo.
Tuichhuahen bula leilet enkawltu hnamdang thenkhat chuan nizan hmasa dar 9 - 10 inkar vel khan an Thlam bul hnaiah Bru tawng hmang mi 4 vel an kal thu leh an vau avanga an mahni ena pawna an chhuah ngam loh thu an sawi a ni.
Monday, January 10, 2011
Bus Chesual ah mi 7 thi
Jan ni 10 zing dar 8 vel khan Zawlpui leh Lunglei inkara tlan Bazaar Bus a chesual a, mi 7 an thi. Lunglei atanga thudawn danin tukkin zing dar 8 vel khan Zawlpui leh Lunglei inkar Bazaar Bus Lunglei pana tlan chu Putlungasih leh Belthei inkar, Putlungasih atanga 1Km vela hla ah chesualin kawng thlangah a lum a, metre 70 vel a lum a, a lumna hi a awih em avangin kawng atangin a lang pha lo a. a hmunah mi 6 an thi a, a hnuah 1 in a thih belh leh a, he thu buatsaih lai hian thi zat chu 7 an ni a, hriat theih chinah thite hi Tuikuk leh Chakma vek an ni a, Putlungasih mi 3, Kauchhuah mi 2, Maisora mi 1 leh khaw danga mi 1 an ni.
Bus hi Medium Bus a ni a, mi 54 an chuang a, mi 44 an hliam a, hliam na zual deuh mi 29 an awm a ni. Bus ah hian Lunglei Bazar a zawrh tur thlai tam tak phurh a ni. Bus neitu hi CL Mawia a ni a, a fapa Rinchhana’n a khalh a, a chetsual chhan hi sawi dan a in ang lova, a thenin brakefail an tih laiin a thenin kawng nalah a tawlhliam niin an sawi thung. source : buanel.com
Bus hi Medium Bus a ni a, mi 54 an chuang a, mi 44 an hliam a, hliam na zual deuh mi 29 an awm a ni. Bus ah hian Lunglei Bazar a zawrh tur thlai tam tak phurh a ni. Bus neitu hi CL Mawia a ni a, a fapa Rinchhana’n a khalh a, a chetsual chhan hi sawi dan a in ang lova, a thenin brakefail an tih laiin a thenin kawng nalah a tawlhliam niin an sawi thung. source : buanel.com
Friday, January 7, 2011
Maxi Cab suam a ni
Nimin zing lam khaw var hma dar 2 vel khan Guwahati atanga Aizawl pana tlan khualzin phur Maxi Cab pakhat chu Silchar thlen hma ah mi sual rualin an suam a. He motor-ah hian naupang 2 telin mi 9 an chuang a. Misualte hian passenger-te thil neih laptop 1, handset 3 leh pawisa fai engemaw zat bakah an thil neih hlu te laksakin an tlanbo nghal a ni.
Misual rualte hian kawngpui chu lung, thing tum hmangte in an lo dang ping a, Maxi cab-in helai hmun a thlen veleh hian kawngsir atanga lo chhuakin, an hual nghal a ni. He thil thlenna hmun hi Assam Police-te chuan an tlawh nghal a. He thil thleng chungchang hi driver chuan Vairengte PS-ah FIR a thehlut nghal a ni.
Misual rualte hian kawngpui chu lung, thing tum hmangte in an lo dang ping a, Maxi cab-in helai hmun a thlen veleh hian kawngsir atanga lo chhuakin, an hual nghal a ni. He thil thlenna hmun hi Assam Police-te chuan an tlawh nghal a. He thil thleng chungchang hi driver chuan Vairengte PS-ah FIR a thehlut nghal a ni.
Thursday, January 6, 2011
Tualchhung
E.Roll tarchhuak
Election Commission of India thupek leh remtihna angin electoral roll special summary revision neih a. Ni 1.1.2011-a kum 18 tling chin tana electoral roll-a thunluh dilna chu a huntiam chhunga dilna hrang hrang lutte enfiah (hearing) neiin, chumi hnua hming thun luhte chu duan lawk angin nimin khan Final Electoral Roll chu tarchhuah a ni ta a. Mizoram pumah vote nei mi 6,41,552 an awm a ni.
Tun electoral roll tarchhuah takah hian Serchhip District ah vote nei mi 42211 awmin, 2.02% kan pung a. Roll-a thlalak chuang nei kim te zingah Serchhip District a tel ta a ni.
Pu Zika sawn dawn
Serchhip DC Pu H. Darzika chu sawnchhuah a ni dawn hnai nia hriat a ni a, a Order pawh a chhuak tawh niin kan thudawnna chuan a tarlang. UD & PA Secretary in Aizawl ah a awm ang. Serchhip DC tur hi GAD lamin an la buaipui mek nia hriat a ni
Election Commission of India thupek leh remtihna angin electoral roll special summary revision neih a. Ni 1.1.2011-a kum 18 tling chin tana electoral roll-a thunluh dilna chu a huntiam chhunga dilna hrang hrang lutte enfiah (hearing) neiin, chumi hnua hming thun luhte chu duan lawk angin nimin khan Final Electoral Roll chu tarchhuah a ni ta a. Mizoram pumah vote nei mi 6,41,552 an awm a ni.
Tun electoral roll tarchhuah takah hian Serchhip District ah vote nei mi 42211 awmin, 2.02% kan pung a. Roll-a thlalak chuang nei kim te zingah Serchhip District a tel ta a ni.
Pu Zika sawn dawn
Serchhip DC Pu H. Darzika chu sawnchhuah a ni dawn hnai nia hriat a ni a, a Order pawh a chhuak tawh niin kan thudawnna chuan a tarlang. UD & PA Secretary in Aizawl ah a awm ang. Serchhip DC tur hi GAD lamin an la buaipui mek nia hriat a ni
Tuesday, January 4, 2011
Mizoram hi Kawlphetha hmunpuia siam tuma hmalak mek a ni - Chief Minister
Serchhip 5th Jan. 2011 : Chief Minister Pu Lal Thanhawla chuan Mizoram chhunga lui tui zawng zawng tangkai thei ang bera hman sorkar-in a tum a. Mizoram hi India rama Kawlphetha hmunpui ni thei tura hmalak mek a ni a ti.
Nimina thutharlakhawmtu thenkhatte zawhna chhangin Chief Minister Pu Lal Thanhawla chuan tun hnai hna thawhna tur sum Cabinet committee on economic affairs-in a pekchhuah Tuirial Hydel Project chu chak taka thawh tum a ni a ti a. Tun hma lama bul tan a nih lai khan compensation-ah buaina a awm loh nan fimkhur takin a kaihhruai sorkar chuan hma a la nia sawiin, khatih hunlai khan chhungkaw 48 hnenah zangnadawmna pek tura ruahman a ni a. Hei hi chhungkaw 1100 a pung chho ta thut a, hnathawh chhunzawm theih a nih tak loh avangin NEEPCO pawhin hna a chawlhsan a tul ta a ni a ti.
Pu Lal Thanhawla chuan Tuirial Hydel Project atanga kawlphetha siamchhuah tur Mw 60 chu a vaiin Mizoram chan tur a nih thu a sawi a.Tunah hian Tuivai Project, Mat River Project leh Tuirini Mini-Project te pawh hna tan turin hmalak mek a ni a. National Thermal Power corporation nen tangkawpin Chhimtuipui project pawh thawh zawh mek a ni a ti a. Heng Project zawng zawngte hi a hlawhtlin hunah chuan thenawm State-te leh ram pawn thlengin sorkar laipuiin rem a tih chuan Mizoram chuan kawlphetha a hralh chhuak thei dawn a ni a ti.
Nimina thutharlakhawmtu thenkhatte zawhna chhangin Chief Minister Pu Lal Thanhawla chuan tun hnai hna thawhna tur sum Cabinet committee on economic affairs-in a pekchhuah Tuirial Hydel Project chu chak taka thawh tum a ni a ti a. Tun hma lama bul tan a nih lai khan compensation-ah buaina a awm loh nan fimkhur takin a kaihhruai sorkar chuan hma a la nia sawiin, khatih hunlai khan chhungkaw 48 hnenah zangnadawmna pek tura ruahman a ni a. Hei hi chhungkaw 1100 a pung chho ta thut a, hnathawh chhunzawm theih a nih tak loh avangin NEEPCO pawhin hna a chawlhsan a tul ta a ni a ti.
Pu Lal Thanhawla chuan Tuirial Hydel Project atanga kawlphetha siamchhuah tur Mw 60 chu a vaiin Mizoram chan tur a nih thu a sawi a.Tunah hian Tuivai Project, Mat River Project leh Tuirini Mini-Project te pawh hna tan turin hmalak mek a ni a. National Thermal Power corporation nen tangkawpin Chhimtuipui project pawh thawh zawh mek a ni a ti a. Heng Project zawng zawngte hi a hlawhtlin hunah chuan thenawm State-te leh ram pawn thlengin sorkar laipuiin rem a tih chuan Mizoram chuan kawlphetha a hralh chhuak thei dawn a ni a ti.
Tualchhung
Ni 4 chhungin mi 4 vuiliam
Kumin 2011, nimin thleng khan Ser chhip khawpui chhungah mi 4 vuiliam an ni tawh a, nitin mi pakhat vui liam ang kan ni. Kumina kan vui liam tak te : Lalrin ngheti(17) Serchhip Hmar Veng, C.Ro zinga(84) Tuikhuah Veng, V.Dozika(78) Bazar Veng, PC.Lalrinmawia AOC Veng te an ni.
Sipai Mawitea vuiliam
Pu PC.Lalrinmawia s/o PC.Malsawma Serchhip AOC Veng, Assam Rifle chu an duty-na Manipur-ah Hel lakah thi-in, nimin khan sipai chawimawina famkim nen Serchhip Chanmari Veng thlan mualah vuiliam a ni.
YMA Branch inthlang mek
Kumin chhunga YMA Branch hrang hrang hruaitu turte thlan chhoh mek zel a ni a, Branch thenkhat chuan an thlang fel tawh a ni.
Kumin 2011, nimin thleng khan Ser chhip khawpui chhungah mi 4 vuiliam an ni tawh a, nitin mi pakhat vui liam ang kan ni. Kumina kan vui liam tak te : Lalrin ngheti(17) Serchhip Hmar Veng, C.Ro zinga(84) Tuikhuah Veng, V.Dozika(78) Bazar Veng, PC.Lalrinmawia AOC Veng te an ni.
Sipai Mawitea vuiliam
Pu PC.Lalrinmawia s/o PC.Malsawma Serchhip AOC Veng, Assam Rifle chu an duty-na Manipur-ah Hel lakah thi-in, nimin khan sipai chawimawina famkim nen Serchhip Chanmari Veng thlan mualah vuiliam a ni.
YMA Branch inthlang mek
Kumin chhunga YMA Branch hrang hrang hruaitu turte thlan chhoh mek zel a ni a, Branch thenkhat chuan an thlang fel tawh a ni.
Subscribe to:
Posts (Atom)
Monday, January 31, 2011
Tualchhung
NREGS inhlawhna rate a sang
NREGS hnuai ni 1 inhlawhna rate Rs. 110 chu Rs. 129 ah tihpun a ni a. Inhlawhna siam leh hmasak berah rate thar hi hman tur a ni. Ram chhung hmun hrang hrangah rate punna hi a inang lo.
Assembly dawn
Vawiin chawhma dar 11 hian 407/709 Truck Owners Association Serchhip chuan Pu B.Vanlalhruaia In Tuikhuah Vengah Assembly an hmang dawn a. Chawhnu lamah MJA-te kaihhruaiin hruaitu thar an thlang nghal ang.
PYD Conf. a tiak
UPC Kohhran thalai pawl PYD Serchhip Bial inkhawmpui, Serchhip Biak Inpuia neih chu nizan khan a tiak ta.
Savawm man sak
Serchhip Chanmari Venga Pu Lalbiaktluanga te nupa-in hun rei tak fa ang maia an lo enkawl, Savawm sum 7 vela lian chu tunhnai khan Forest Department chuan manin, thubuai an siam sak. He savawm; a enkawltu ten ‘Mawite-i’ tia an koh hi Deptt. lam chuan lak sak lovin a vulhtute kutah a la awm mek a ni.
NREGS hnuai ni 1 inhlawhna rate Rs. 110 chu Rs. 129 ah tihpun a ni a. Inhlawhna siam leh hmasak berah rate thar hi hman tur a ni. Ram chhung hmun hrang hrangah rate punna hi a inang lo.
Assembly dawn
Vawiin chawhma dar 11 hian 407/709 Truck Owners Association Serchhip chuan Pu B.Vanlalhruaia In Tuikhuah Vengah Assembly an hmang dawn a. Chawhnu lamah MJA-te kaihhruaiin hruaitu thar an thlang nghal ang.
PYD Conf. a tiak
UPC Kohhran thalai pawl PYD Serchhip Bial inkhawmpui, Serchhip Biak Inpuia neih chu nizan khan a tiak ta.
Savawm man sak
Serchhip Chanmari Venga Pu Lalbiaktluanga te nupa-in hun rei tak fa ang maia an lo enkawl, Savawm sum 7 vela lian chu tunhnai khan Forest Department chuan manin, thubuai an siam sak. He savawm; a enkawltu ten ‘Mawite-i’ tia an koh hi Deptt. lam chuan lak sak lovin a vulhtute kutah a la awm mek a ni.
Lawrkhawm
Hindi result ti chhuak
Mizoram Hindi Prachar Sabha Board of examination chuan Inrinni khan Pawl 10, Pawl 12 leh BA 2nd session exam result a ti chhuak a. Pawl 10-ah exam zingah 75.47% an pass a. Pawl 12-ah 86.36% pass-in, BA ah chuan 82% in an pass a ni.
YWCA Jubilee lawm
Young Women Christian Associa tion (YWCA), Aizawl chuan Zirtawp tlai khan Archive Hall, Babutlang-ah an pawl kum 25-na Silver Jubilee an lawm a, Indian Society on Tobacco & Health, Mizoram Chapter president Lal Riliani'n khuallian niin a hmanpui.Pi Lal Riliani chuan YWCA ten kum 25 zet an tling ta chu a lawmpui thu a sawi a. He pawlin hmeichhiate chawikanna leh tanpui ngaite tanpui kawnga a hnathawhte chu fakawm a tih thu sawiin, rethei leh chhumchhia zawkte khaichhuah kawngah nasa lehzuala tan la turin a fuih bawk.
Rabungah In 3 a kangral
Nimin zing khawvar hmaa Khawzawl RD block huamchhung Rabung khuaa kangmei chhuakah In 3 a kangral vek a, mihring thi leh hliam erawh an awm lo. Kangmei hi zing lam dar 3 vela chhuak niin, Pi Thantluangi In Assam type a kang a, In kan lai hian thli a thawt nasat avangin a thenawm Pu Laihnuna In kang kaiin, bungrua engmah chuh hman lovin a kangral ve ve a. An thenawm hnai Pu K.Lalhmuak liana In pawh kangmei hian mankai ve lehin, bungrua erawh an chuh hman na-in, In erawh a kangral vek thung.
IOC-in tui lak sak dawn
Indian Oil Corporation (IOC) chuan nimin khan Mualkhang mipuite tui thianghlim in tur lakna siamna tur sum Rs. 8,19,000 an hlan. Mualkhang mipuite tui in tur Paihte lui atanga lakna tur hian IOC chuan he hna thawk tura thlan Goodwill foundation Aizawl kutah sum hi a hlan a ni.
Kangmeiah mi 12 an thi
Philipines ram khawpui Manila-a nimin zinga miretheite chenna Venga kangmei nasa tak chhuakah mi 12 an thi a, chenna In 100 vel a kangral vek a ni. He kangmeiah hian In chhunga tang mi 11 an thi a, damdawi inah hliam 1 a thi bawk. Thi zingah hian naupang 5 an tek a, kang mei chhuah chhan hi chhui mek a ni.
Mizoram Hindi Prachar Sabha Board of examination chuan Inrinni khan Pawl 10, Pawl 12 leh BA 2nd session exam result a ti chhuak a. Pawl 10-ah exam zingah 75.47% an pass a. Pawl 12-ah 86.36% pass-in, BA ah chuan 82% in an pass a ni.
YWCA Jubilee lawm
Young Women Christian Associa tion (YWCA), Aizawl chuan Zirtawp tlai khan Archive Hall, Babutlang-ah an pawl kum 25-na Silver Jubilee an lawm a, Indian Society on Tobacco & Health, Mizoram Chapter president Lal Riliani'n khuallian niin a hmanpui.Pi Lal Riliani chuan YWCA ten kum 25 zet an tling ta chu a lawmpui thu a sawi a. He pawlin hmeichhiate chawikanna leh tanpui ngaite tanpui kawnga a hnathawhte chu fakawm a tih thu sawiin, rethei leh chhumchhia zawkte khaichhuah kawngah nasa lehzuala tan la turin a fuih bawk.
Rabungah In 3 a kangral
Nimin zing khawvar hmaa Khawzawl RD block huamchhung Rabung khuaa kangmei chhuakah In 3 a kangral vek a, mihring thi leh hliam erawh an awm lo. Kangmei hi zing lam dar 3 vela chhuak niin, Pi Thantluangi In Assam type a kang a, In kan lai hian thli a thawt nasat avangin a thenawm Pu Laihnuna In kang kaiin, bungrua engmah chuh hman lovin a kangral ve ve a. An thenawm hnai Pu K.Lalhmuak liana In pawh kangmei hian mankai ve lehin, bungrua erawh an chuh hman na-in, In erawh a kangral vek thung.
IOC-in tui lak sak dawn
Indian Oil Corporation (IOC) chuan nimin khan Mualkhang mipuite tui thianghlim in tur lakna siamna tur sum Rs. 8,19,000 an hlan. Mualkhang mipuite tui in tur Paihte lui atanga lakna tur hian IOC chuan he hna thawk tura thlan Goodwill foundation Aizawl kutah sum hi a hlan a ni.
Kangmeiah mi 12 an thi
Philipines ram khawpui Manila-a nimin zinga miretheite chenna Venga kangmei nasa tak chhuakah mi 12 an thi a, chenna In 100 vel a kangral vek a ni. He kangmeiah hian In chhunga tang mi 11 an thi a, damdawi inah hliam 1 a thi bawk. Thi zingah hian naupang 5 an tek a, kang mei chhuah chhan hi chhui mek a ni.
Friday, January 28, 2011
Tualchhung
NLUP sem a ni
A tum thumna atan nimin khan Serchhip DC Conference Hall-ah NLUP sem leh a ni a, Serchhip District huam chhunga Industries Department hnuaia NLUP Trade thlangtu chhungkaw 228 te hnenah kum 2010-2011 chhung atan NLUP sum thawhkhatna (first instalment) sem a ni a, Pu Malsawmtluanga, SDIO, Serchhip leh Pu H.Thantluanga, Extension Officer (Industries) Serchhip ten a hmunah an buaipui a ni.
Nimina NLUP sum dawngtute hi Serchhip Constituency atangin chhungkaw 100, Tuikum Constituency atangin chhung kaw 78 leh Hrangturzo Constituency atang in chhungkaw 50 an vaiin chhungkaw 228 an ni a, an Trade thlan dan azirin Rs. 10,000/- atanga Rs. 25,000/- thlenga sem a ni.
Zeng hri danna pe
Ram chhung hmun dang rualin nimin zing atang khan Serchhip khawpui chhunga naupang kum 5 hnuai lamte hnenah zeng hri danna pek beihpui thlak a ni a. Nimin zinga damdawi la ei ve lo te chu vawiin atang hian thawktu ten In tinah lutin an ei tir dawn.
A tum thumna atan nimin khan Serchhip DC Conference Hall-ah NLUP sem leh a ni a, Serchhip District huam chhunga Industries Department hnuaia NLUP Trade thlangtu chhungkaw 228 te hnenah kum 2010-2011 chhung atan NLUP sum thawhkhatna (first instalment) sem a ni a, Pu Malsawmtluanga, SDIO, Serchhip leh Pu H.Thantluanga, Extension Officer (Industries) Serchhip ten a hmunah an buaipui a ni.
Nimina NLUP sum dawngtute hi Serchhip Constituency atangin chhungkaw 100, Tuikum Constituency atangin chhung kaw 78 leh Hrangturzo Constituency atang in chhungkaw 50 an vaiin chhungkaw 228 an ni a, an Trade thlan dan azirin Rs. 10,000/- atanga Rs. 25,000/- thlenga sem a ni.
Zeng hri danna pe
Ram chhung hmun dang rualin nimin zing atang khan Serchhip khawpui chhunga naupang kum 5 hnuai lamte hnenah zeng hri danna pek beihpui thlak a ni a. Nimin zinga damdawi la ei ve lo te chu vawiin atang hian thawktu ten In tinah lutin an ei tir dawn.
Serchhip MZP ten LFCS School fee sang chungchangah Complaint thehlut
Vawiin khan MZP Hqrs. Serchhip te chuan Serchhip P&E Veng a Little Flower Convent School in Middle Section a Class V – VII Deficit ni chung si a an School a lut tur zirlai naupang te hnena sorkar phal loh Admission Fee leh Fee dang dang sang uchuak taka an lak chungchangah SDEO Pu Lawmawma hnenah Complaint an thehlut a, zirlaite hnena Fee an lo lak tawh hi pek let leh vek a nih theihnan hmalaksak turin an ngen a ni. SDEO Pu Lawmawma hian nimin la la khan LFSC School thuneitute hnenah Explanation a Call nghal tur thu a lo hrilh. Hemi hnu hian MZP te hian thuchhuah siam nghalin an thuchhuah chu a ngai ngaiin hetiang hi a ni:
“The RTE Act Chapter IV Clause 13 in a phut angin kum 2011 – 2012 atana Elementary School a Admission la tur hnenah naupangte admit na turin eng Fee mah chawitir tur a ni lo” tih Office Order Pi Esther Lalruatkimi, Director of School Education, Mizoram : Aizawl in a chhuah (Vide No. A.23022/2/2010-DTE(EDN)) zawm lovin Serchhip P & E Veng a Little Flower Convent School(Deficit) chuan Kum 2011 – 2012 Acedemic Session atan Admission Fee leh Fee dang dang to uchuak takin an la a, Class V – VII tan Rs.1400/- zel, mipakhat tan an la a ni.
Admission Fee leh Fee dang dang an lak te chu hetiang hi a ni.
1) Admission Fee Rs.20
2) Computer Fee Rs.100(For January -
Hei hi thla tin Rs.100 chawi chhunzawm tur)
3) Maintenance Fee Rs.230
4) Establishment Fee Rs.400
5) Examination Fee Rs.200
6) Activity Fee Rs.200
7) Teachers’ Welfare Fund Rs.100
Games/Medical/Library Fee Rs.150
Total - Rs.1400/-
Hemi chungchangah hian MZP Hqrs. Serchhip chuan tum 2 lai Little Flower Convent School Headmistress Sr. Veera lenchilh a, ziak meuhva kan ngen hnu ah pawh awmzia a awm tak loh avangin ni 28th Jan. 2011 Fri. hian Pu Lawmawma, Sub-Divisional Education Officer, Serchhip hnenah Complaint thehlutin Little Flower Convent School in Admission Fee leh Fee dang dang Dan lova an lak hi zirlai te hnena peklet leh vek a nih theihnana hma la turin Complaint kan thehlut a. Pu Lawmawma SDEO hian vawiin ni la la hian Explanation a Call tur thu min lo hrilh nghal a, kan lawm hle.
He kan ngenna hian awmzia a neilo a nih chuan a tul dan anga zirlaite thlavang hauh turin MZP Hqrs. Serchhip chuan puanven a sawichhing zui zel dawn a ni.
Tuesday, January 25, 2011
Serchhip District DC thar tur
Mizoram sorkar chuan Serchhip DC thar atan Pu P.Lalchhuanga a ruat. Pu P.Lalchhuanga hi MCS Association ah pawh an President nilai a ni a, mi hmingtha leh hriathhlawh tak a ni a,Serchhip DC thar tur hian Mizoram sorkar chuan Vai, IAS rawn dah a tum ut ut thin a, mahse a dawrtu tur tam ber hi tawng lamah an buai hlauhthawnna avangin Mizo bawk an rawn dah leh ta nia hriat a ni a, Republic Day kan hman zawh hnu rei vak lovah DC hlui leh a thar te hian charge an inhlan thuai rin a ni.
Monday, January 24, 2011
SERCHHIP-AH NLUP SEM LEH A NI
Tun thla ni 14-a Serchhip District-a NLUP sem anih hnuah vawiin khan Serchhip District chhunga Fisheries Department hnuaia NLUP tanpuina dawng turte hnenah a thawhkhatna atan NLUP sum pekchhuah a ni.
Vawiin (24.1.2011)a NLUP sem inkhawm hi Serchhip DC’s Conference Hall-ah Pu Robert Lalhmangaiha, ADC-in a kaihruai a, Pu C. Laldinliana, Asst. Fisheries Officer chuan NLUP hnuaia Sangha khawi thlangtute tana hriatur pawimawh hrang hrang sawiin, tun tumah hian sum thawhkhatna Rs. 25,000/- theuh pekchhuah anih thu leh he sum hi dik taka hmang te hnenah March thla chawhnu lamah 2nd Instalment pekchhuah leh theih beisei anih thu a sawi a, hemi hnu kumin September thla ralhma in a thawhthumna pawh pekchhuah leh hman tum anih thu a sawi bawk. Vawiin ah hian NLUP hnuaia Sangha khawi Trade thlangtu mi 80 hnenah NLUP tanpuina sum Rs. 25,000/- hi Cheque hmanga pekchuah a ni a, cheque neitute hian MRB New Serchhip Branch atangin a sum te hi an lachhuak thei dawn a ni. Serchhip District-ah hian Fisheries Department a la awmloh avangin vawiin-a NLUP sum sem tur hian Aizawl atangin Fisheries Department-a thawk te an rawn kal a ni. Ruahman lawk ang chuan tun thla ni 27 hian Serchhip District chhunga Industry Department hnuaia Trade thlang te hnenah NLUP sum hi pekchhuah leh a ni ang.
Vawiin (24.1.2011)a NLUP sem inkhawm hi Serchhip DC’s Conference Hall-ah Pu Robert Lalhmangaiha, ADC-in a kaihruai a, Pu C. Laldinliana, Asst. Fisheries Officer chuan NLUP hnuaia Sangha khawi thlangtute tana hriatur pawimawh hrang hrang sawiin, tun tumah hian sum thawhkhatna Rs. 25,000/- theuh pekchhuah anih thu leh he sum hi dik taka hmang te hnenah March thla chawhnu lamah 2nd Instalment pekchhuah leh theih beisei anih thu a sawi a, hemi hnu kumin September thla ralhma in a thawhthumna pawh pekchhuah leh hman tum anih thu a sawi bawk. Vawiin ah hian NLUP hnuaia Sangha khawi Trade thlangtu mi 80 hnenah NLUP tanpuina sum Rs. 25,000/- hi Cheque hmanga pekchuah a ni a, cheque neitute hian MRB New Serchhip Branch atangin a sum te hi an lachhuak thei dawn a ni. Serchhip District-ah hian Fisheries Department a la awmloh avangin vawiin-a NLUP sum sem tur hian Aizawl atangin Fisheries Department-a thawk te an rawn kal a ni. Ruahman lawk ang chuan tun thla ni 27 hian Serchhip District chhunga Industry Department hnuaia Trade thlang te hnenah NLUP sum hi pekchhuah leh a ni ang.
Friday, January 21, 2011
Serchhip Dist. a zirlaibu a thlawna sem tur vailiam
Tukin zing dar 9:30am khan SSA Mission, Serchhip District chuan kum danga tih thin angin kum 2011 academic session atana sorkar sikul leh sorkar puihnaa din sikul (Govt. & Govt. Aided Schools)-a zirlai, Pawl 1 atanga Pawl 8 zirlaite hnenah zirlaibu a thlawna sem tur Motor 7 a phurh chu Pu C. Lalthanzira, District Project Coordinator, SSA Mission, Serchhip District chuan Town Hall kawt atangin a vailiam.
DPC Pu Zira chuan thusawina hun tawi te neiin “Tun dinhmunah Supplier hnen atanga la dawn loh zirlaibu tlem ala awm avangin zirlaite hnena semchhuah tham an dawn chin zawngte semchhuah a ni” a ti a. Tuna la dawnloh te pawh dawn a nih veleh a rang thei ang bera sem a nih tur thu a sawi tel bawk.
A sawizelna ah Pu Zira chuan SSA Mission, Serchhip District chuan zirlaibute hi sikul tanni-a semchhuak nghal thei turin theih tawka lo inbuatsaih lawk a ni a ti a. Tin, zirlaiten an dawn tur ang angte a kim ngeia semchhuah an tum avangin a thlen kim hun an han nghak ren rawn a, amaherawhchu, supplier lamin sikul tan hmaa an phurh thlen kim hman tak loh avang leh vawiin ni thleng pawha dawnloh an la neih avangin an dawn ang angte zirlaite hnenah an semchhuak ta a ni tiin tuna la dawnloh te pawh an dawn thuai beisei a ni a, tuna semchhuah tak hmanga a remchan dan ang anga zirlai leh zirtirtu ten zirna an kalpui theih nghal a beisei thu a sawi tel bawk.
Thursday, January 20, 2011
Tualchhung
Tlawmngaiin thisen pe
Serchhip Medical Staff-te leh mi tlawm ngaite chuan nimin khan Serchhip Blood Bank-a dah turin thisen unit 40 an pe.
Bekang eisual
Nimin khan Chhingchhip Venglhuna cheng mi 26 te chu Bekang an eisual avangin Chhingchhip PHC ah enkawl mek an ni a, an zinga mi 10 chu Damdawi Inah dahin, ngaihtuahawm erawh an ni lo.
R.Day inbuatsaih mek
Republic Day lo thleng tur atan inbuat saih mek a ni a, a bik takin March pass entir turte an inbuatsaih nasa zual hle.
Serchhip Medical Staff-te leh mi tlawm ngaite chuan nimin khan Serchhip Blood Bank-a dah turin thisen unit 40 an pe.
Bekang eisual
Nimin khan Chhingchhip Venglhuna cheng mi 26 te chu Bekang an eisual avangin Chhingchhip PHC ah enkawl mek an ni a, an zinga mi 10 chu Damdawi Inah dahin, ngaihtuahawm erawh an ni lo.
R.Day inbuatsaih mek
Republic Day lo thleng tur atan inbuat saih mek a ni a, a bik takin March pass entir turte an inbuatsaih nasa zual hle.
Tuesday, January 18, 2011
Tualchhung
Pu Khawla vuiliam a ni
Pu Khawlsiamliana (67) f/o Thanglianmawia Serchhip P&E Veng chu nizan dar 12:15 khan Aizawlah lungna avangin a boral a, a ruang hi vawiin chawhma dar 11 khan Serchhip rawn thlenpuiin, vawiin vek chawhnu dar 3 khan vuiliam a ni.
Ruang 3 vuiliam a ni
Pi Khuangawii(84) m/o Lalengliana Serchhip Chhim Veng, B.Lalnunpari(29) d/o B.Zamlunga P&E Veng leh Pi Hrangluaii(64) w/o RL.Chhunthanga New Serchhip Kudamkawn te chu lumen an nih hnu nimin khan vuiliam an ni.
Class la mumal rih lo
Kumin atana School hrang hrang ten school an kai hnuah zirlaibu an la neih kim loh avangin Class an la la mumal thei lova, hetihlai hian SSA chuan zirlaibu sem turin ngawrh takin hma a la mek a ni.
Bethel-ah camping
Nizan atang khan Bethel Kohhran chuan an Biak Inah camping buatsaihin, chanchin buatsaih lai thleng hian mi 90 zet an inziak lut tawh a ni.
Pu Khawlsiamliana (67) f/o Thanglianmawia Serchhip P&E Veng chu nizan dar 12:15 khan Aizawlah lungna avangin a boral a, a ruang hi vawiin chawhma dar 11 khan Serchhip rawn thlenpuiin, vawiin vek chawhnu dar 3 khan vuiliam a ni.
Ruang 3 vuiliam a ni
Pi Khuangawii(84) m/o Lalengliana Serchhip Chhim Veng, B.Lalnunpari(29) d/o B.Zamlunga P&E Veng leh Pi Hrangluaii(64) w/o RL.Chhunthanga New Serchhip Kudamkawn te chu lumen an nih hnu nimin khan vuiliam an ni.
Class la mumal rih lo
Kumin atana School hrang hrang ten school an kai hnuah zirlaibu an la neih kim loh avangin Class an la la mumal thei lova, hetihlai hian SSA chuan zirlaibu sem turin ngawrh takin hma a la mek a ni.
Bethel-ah camping
Nizan atang khan Bethel Kohhran chuan an Biak Inah camping buatsaihin, chanchin buatsaih lai thleng hian mi 90 zet an inziak lut tawh a ni.
Mualcheng South-ah kangmei a chhuak Pafa an kanghlum
Serchhip 18th Jan. 2011 : Lunglei District Mualcheng South ah tun Pathianni zan dar 9:35 khan Pu Lianchhunga In a kang a, amah Pu Lianchhunga kum 76 mi leh a fanu Chhuansangi (23) te chu an kanghlum a, an fanu te ber Remruatdiki chu na takin a hliam a, Lunglei Civil Hospital ah enkawl mek a ni a, a dinhmun a thalo hle a ni.
He In kangah hian chhungkaw nu ber Pi Zalawmi leh an fapa Vanlalzawna te chu engtin tin emaw scarting atangin a chhuak thei hram a, a him a ni. Kangmei chhuah chhan hi hriat a ni chiah lo na-in Sikri atanga chhuak nia ring an awm laiin, thenkhat chuan electric kalsual a ni ang an ti a. In hi Assam Type niin, a hnuai hi furniture workshop a ni a, phuai a tam hle a ni.Kangmei chhuah lai hian an mu tawh a, chhuahna tur kawngka lam a kan hmasak avangin an chhuak thei lo nia ngaih a ni. He kangmei chhuakah hian pawisa Rs. 10 note Rs. 8000, Rs. 500/- note 11,000 leh pawisa thir engemawzat bakah bungrua cheng nuai thum man vel a kang chhia nia sawi a ni a, Bible erawhchu a kang lo nia thu dawn a ni.
Lawrkhawm
March ni 15 hmaa lo Hal tur
State Level Fire Prevention Com mittee nimina Aizawla thukhawm chuan kumin chhunga ram kang veng turin YMA-te thawhpui leh tha an ti a. Kum 2010 chhunga ram kang thelhnaa nunna chan, hliam tuar leh ramtuileiloh phahte zangna dawmna pek dan tur sawiho a nih bakah kumina hmalak dan tur an sawiho bawk. Ruahmanna lo siam tawh angin kumin Lo hal tur neite chu March ni 15 aia tlai lovah Lo hal hman ngei nise an ti a, Dist. tin DC-te chu hma lo la se an ti bawk.
SHG hnenah sum sem
SJSRY hnuaia eizawnna nghial nghet siam tura tanpuina sum nimin khan Lawngtlaia Urban Women Self Help Group 6-te hnenah Lawngtlai DC-in Rs.15000 theuh a sem a, hei hi tanpuina an dawn tum khatna a ni. DC chuan an pawisa dawnte chu tangkai taka hmang turin a chah a ni.
In 17 ti chhia
Sakawrdai leh Vanbawngah ruah, rial leh thlipui thawkin In 17 ti chhiain, In 4 luah zui tlak lovin a chhia vek a ni.
LADC-a NLUP sem loh chhan
Lai Autonomous Dist.Council CEM Pu C.Ngunlianchunga chuan Mizoram chhung hmun dang ruala LADC-a NLUP semchhuah a nih loh chhan chu kum hlui November thlaa Council inthlan neih a nih vang a ni a ti a. NLUP chu LADC ah pawh hun reilote hnuah sem chhuah a ni ang a ti a. Sorkar chuan hma sawnna tak tak nei turin mipuite a duh tih sawiin, a thlawna hmuh tum an tam lutuk erawhchu a lu hai thlak a ni a ti.
Bike chesualah thi
Nizan hmasaa Champhai Venglai kawngkama Auto Rickshaw dinglai chu Bike 1 in na taka su-in, a su tu Vanlalmuana(33)Champhai Venglaia khawsa Myanmar mi chu a thi. Vanlalmuana hian a hna thawhna handloom neitu Pu C.Chawi liana bike a ruka la chhuakin, vanduaina hi a tawk ta nia sawi a ni.
Huaisen lawmman
Kum 2010 chhung atana naupang huaisen lawmman dawng turin ram chhung hmun hrang hrang atangin naupang 23 thlan chhuah an ni a, an zingah hian hmeichhia 9 an tel a ni.
State Level Fire Prevention Com mittee nimina Aizawla thukhawm chuan kumin chhunga ram kang veng turin YMA-te thawhpui leh tha an ti a. Kum 2010 chhunga ram kang thelhnaa nunna chan, hliam tuar leh ramtuileiloh phahte zangna dawmna pek dan tur sawiho a nih bakah kumina hmalak dan tur an sawiho bawk. Ruahmanna lo siam tawh angin kumin Lo hal tur neite chu March ni 15 aia tlai lovah Lo hal hman ngei nise an ti a, Dist. tin DC-te chu hma lo la se an ti bawk.
SHG hnenah sum sem
SJSRY hnuaia eizawnna nghial nghet siam tura tanpuina sum nimin khan Lawngtlaia Urban Women Self Help Group 6-te hnenah Lawngtlai DC-in Rs.15000 theuh a sem a, hei hi tanpuina an dawn tum khatna a ni. DC chuan an pawisa dawnte chu tangkai taka hmang turin a chah a ni.
In 17 ti chhia
Sakawrdai leh Vanbawngah ruah, rial leh thlipui thawkin In 17 ti chhiain, In 4 luah zui tlak lovin a chhia vek a ni.
LADC-a NLUP sem loh chhan
Lai Autonomous Dist.Council CEM Pu C.Ngunlianchunga chuan Mizoram chhung hmun dang ruala LADC-a NLUP semchhuah a nih loh chhan chu kum hlui November thlaa Council inthlan neih a nih vang a ni a ti a. NLUP chu LADC ah pawh hun reilote hnuah sem chhuah a ni ang a ti a. Sorkar chuan hma sawnna tak tak nei turin mipuite a duh tih sawiin, a thlawna hmuh tum an tam lutuk erawhchu a lu hai thlak a ni a ti.
Bike chesualah thi
Nizan hmasaa Champhai Venglai kawngkama Auto Rickshaw dinglai chu Bike 1 in na taka su-in, a su tu Vanlalmuana(33)Champhai Venglaia khawsa Myanmar mi chu a thi. Vanlalmuana hian a hna thawhna handloom neitu Pu C.Chawi liana bike a ruka la chhuakin, vanduaina hi a tawk ta nia sawi a ni.
Huaisen lawmman
Kum 2010 chhung atana naupang huaisen lawmman dawng turin ram chhung hmun hrang hrang atangin naupang 23 thlan chhuah an ni a, an zingah hian hmeichhia 9 an tel a ni.
Saturday, January 15, 2011
Naupang khuaikhem vangin Lungpho khawtlang lungawi lo
Serchhip : Kum 2010 Krismas leh Kumthar vuakvet lai khan Lungpho khuaa hmeichhe naupang kum tling lo pakhat chu ei tur leh nepnawi thil dang hmanga thlema khuaikhem fo-ah Lalengmawia s/o Lalhmingliana, Lungpho chu puh a ni a, hei vang hian Lungpho khawtlang chu an lungawilo hle nia hriat a ni.
He thil thlen hunlai hi Krismas leh kumthar bawr vel lai a ni nain tunkar tir lamah khan hetiang thil hi a thleng a ni tih hriatchhuah a ni chauh va. He thil thlen thu hriat anih veleh naupang nu leh pate hi an rilru a na hle a, police lama report pawh an duh viau laiin an dinhmun harsat avangin an report mai ngam lova, an rilru a dam theih si loh avangin MHIP lamah an zualko ta a. MHIP te hian theihtawpa hmalakpui an intiam thu an sawi a, tin NGO lam te pawh an inhmukhawm tawh ni a hriat a ni a. Amaherawhchu engtin nge an kal zel dawn tih erawh an la hre mai thei rih lo niin kan thudawnna chuan a sawi.
Lalengmawia hi a awmna chin hriat lohvin a bibo mek niin thu lakna chuan a sawi a. Tunhma pawhin naupang khuaikhem chungchangah rinhlelh a lo kai tawh thin niin an sawi. Hman deuhah pawh Primary School kal lai hmeichhe naupang pakhat chu a lo khuaikhem tawh bawk ni a sawi a ni a, hemi tum hian khawtlang hruaitute nen inberemin an ngaidam nia hriat a ni.
He thil thlen hunlai hi Krismas leh kumthar bawr vel lai a ni nain tunkar tir lamah khan hetiang thil hi a thleng a ni tih hriatchhuah a ni chauh va. He thil thlen thu hriat anih veleh naupang nu leh pate hi an rilru a na hle a, police lama report pawh an duh viau laiin an dinhmun harsat avangin an report mai ngam lova, an rilru a dam theih si loh avangin MHIP lamah an zualko ta a. MHIP te hian theihtawpa hmalakpui an intiam thu an sawi a, tin NGO lam te pawh an inhmukhawm tawh ni a hriat a ni a. Amaherawhchu engtin nge an kal zel dawn tih erawh an la hre mai thei rih lo niin kan thudawnna chuan a sawi.
Lalengmawia hi a awmna chin hriat lohvin a bibo mek niin thu lakna chuan a sawi a. Tunhma pawhin naupang khuaikhem chungchangah rinhlelh a lo kai tawh thin niin an sawi. Hman deuhah pawh Primary School kal lai hmeichhe naupang pakhat chu a lo khuaikhem tawh bawk ni a sawi a ni a, hemi tum hian khawtlang hruaitute nen inberemin an ngaidam nia hriat a ni.
Serchhip ah NLUP hawng, mi 311 hnenah sem nghal a ni
Zirtawpni, ni 14 dar 11:00 khan Serchhip DC Conference Hall-ah Serchhip District huam chhunga NLUP semna hun hmasa ber chu hman a ni a, Home Minister Pu R.Lalzirliana chu khuallian niin NLUP dawngtura thlanchhuahte zinga mi 30 hnenah NLUP sum hmahruai hi a hlan nghal bawk a ni.
Home Minister chuan NLUP hi miretheite leh kuthnathawktuten lei rem an rah ve theih nana ruahman anih thu sawiin, vawiin hi retheite leh kuthnathawktute chhanchhuahna programme intan lehna ni a nih avangin Mizoram Chief Minister Pu Lal Thanhawla chuan kum tin Mizoram puma hman tawh turin January ni 14 hi “Kuthnathawktute Chhanchhuahna Ni” atan a puang a, he ni hi kumtin Sawrkar ni pawimawh atan hman anih thin tawh tur thu a sawi bawk.Home Minister chuan NLUP hmang diklo te chungah Sawrkarin hremna khauh takin a lek kawh dawn a, hremna hlauh vang nilova, thahnemngaih vang leh mahni intodelh duhvang zawka tih takzeta thawk turin NLUP sum dawngtute chu a chah.
Serchhipah hian District Level NLUP Committee din anih bakah khawtinah Village-Level NLUP Committee din vek a ni a, Serchhip District chhungah hian MLA Constituency pathum – Serchhip, Tuikum leh Hrangturzo te awmin, NLUP sum dawng tur hian chhungkaw 13365 survey a ni a, heng zingah hian chhungkaw 10791 thlan niin kumin chhunga NLUP tanpuina dawng turin chhungkaw 2999 thlanchhuah leh an ni a, an zing atang hian chhungkaw 311-in vawiin NLUP sum hmasa hi an dawng a, an sum dawn hi chawhrualin Rs. 20000/- theuh a ni. NLUP sum dawngtura thlan tawh la dawng lo te pawh a tahtawlin pek zel tura ruahman a ni.
Nimina NLUP sem inkhawm hi Pu H.Darzika Serchhip DC-in a kaihruai a, Pu R.Selthuama, MLA, NLUP Implementing Board Chairman, Pu K.Lianzuala, Tuikum Bialtu MLA, MKVIB Chairman ni bawk leh Hrangturzo Constituency bialtu MLA Pu Lalthansanga ten thu an sawi a, Home Minister hi Pu Lalthansanga, Secretary, Finance Department, Pu Rosanga Colney, Director, Sericulture Deptt. leh sawrkar mipawimawh dang ten an tawiawm a ni.
Naupang khuaikhem vangin Lungpho khawtlang lungawi lo
Serchhip : Kum 2010 Krismas leh Kumthar vuakvet lai khan Lungpho khuaa hmeichhe naupang kum tling lo pakhat chu ei tur leh nepnawi thil dang hmanga thlema khuaikhem fo-ah Lalengmawia s/o Lalhmingliana, Lungpho chu puh a ni a, hei vang hian Lungpho khawtlang chu an lungawilo hle nia hriat a ni. He thil thlen hunlai hi Krismas leh kumthar bawr vel lai a ni nain tunkar tir lamah khan hetiang thil hi a thleng a ni tih hriatchhuah a ni chauh va. He thil thlen thu hriat anih veleh naupang nu leh pate hi an rilru a na hle a, police lama report pawh an duh viau laiin an dinhmun harsat avangin an report mai ngam lova, an rilru a dam theih si loh avangin MHIP lamah an zualko ta a. MHIP te hian theihtawpa hmalakpui an intiam thu an sawi a, tin NGO lam te pawh an inhmukhawm tawh ni a hriat a ni a. Amaherawhchu engtin nge an kal zel dawn tih erawh an la hre mai thei rih lo niin kan thudawnna chuan a sawi. Lalengmawia hi a awmna chin hriat lohvin a bibo mek niin thu lakna chuan a sawi a. Tunhma pawhin naupang khuaikhem chungchangah rinhlelh a lo kai tawh thin niin an sawi. Hman deuhah pawh Primary School kal lai hmeichhe naupang pakhat chu a lo khuaikhem tawh bawk ni a sawi a ni a, hemi tum hian khawtlang hruaitute nen inberemin an ngaidam nia hriat a ni. |
Thursday, January 13, 2011
Tualchhung
R.Day Khawtetlang field-ah
Nimina District Bawrhsap Pu H.Darzika hova sorkar mi pawimawh leh khawtlang hruaitute thukhawm chuan kumin Republic Day chu Khawtetlang Field-ah hman nise, khuallian District Bawrhsap hmangin, Republic Day pual Volleyball tournament buatsaih nise an ti bawk.
NLUP naktukah
Mizoram sorkar programme pawi mawh NLUP chu naktuk Zirtawpni chawhma dar 11 hian DC’s Conference hall-ah District dangte rualin sem chhuah tan a ni dawn ta a. He hun hi Home Minister Pu R.Lalzirliana, MLA Pu Lalthansanga leh Pu K.Lianzuala te an rawn hmanpui dawn a ni. NLUP dawng hmasa turte hi tih fel vek an ni tawh.
Nimina District Bawrhsap Pu H.Darzika hova sorkar mi pawimawh leh khawtlang hruaitute thukhawm chuan kumin Republic Day chu Khawtetlang Field-ah hman nise, khuallian District Bawrhsap hmangin, Republic Day pual Volleyball tournament buatsaih nise an ti bawk.
NLUP naktukah
Mizoram sorkar programme pawi mawh NLUP chu naktuk Zirtawpni chawhma dar 11 hian DC’s Conference hall-ah District dangte rualin sem chhuah tan a ni dawn ta a. He hun hi Home Minister Pu R.Lalzirliana, MLA Pu Lalthansanga leh Pu K.Lianzuala te an rawn hmanpui dawn a ni. NLUP dawng hmasa turte hi tih fel vek an ni tawh.
Wednesday, January 12, 2011
Tualchhung
Chamber of Commerce Assembly
Nimin khan Serchhip Hmar Veng YMA Hall-ah Chamber of Commerce Serchhip ten Assembly neiin, hruaitu thar M JA kaihhruaina hnuaiah an thlang nghal. An rorel langsar zual zingah State pawn atanga dawr bungraw phurh luh man Lunglei rate-a kalpui thin chu tih hniam a nih theih nan hmalak nise an ti a. Serchhipah hnamdang dawrkai an awm loh nan hmalak nise an ti bawk.
Hruaitu thlan tharte -
President : T.Rosiama, Venglai
Vice Pre. : V.Zaliankhuma, Hmar veng
Secretary : Ralzatawna, Bazar Veng
Asst. Secy. : C.Lalnunsanga, Field road
Treasurer : B.Rokima, Tuikhuah Veng
Fin.Secy. : F.Lianhlira, Tuikhuah Veng
Missionary Day hmang
Sap Missionary ten chanchintha hril tura Mizoram an rawn luh Ni champha ‘Missionary Day’ chu nimin leh nizan khan Kohhran hrang hrang ten hmangin, Pathian biak inkhawm an nei. Chanchin tha Mizorama rawn thlen kum 100-na hi kum 1994 khan Mizoram pumah ropui taka lawm a lo ni tawh a ni.
Monitoring comtt. thukhawm
Nimin khan DC’s meeting room-ah Serchhip District Vigilance & Monito ring Committee chu an chairman Lok Sabha MP Pu CL.Ruala hovin an thu khawm a. Serchhip Dist. chhunga sorkar laipui suma hnathawh hrang hrangte an thlirho a ni.
R.Day lawm dan rel dawn
Vawiin chawhnu dar 1 hian DC’s meeting room-ah kumin Republic Day lawm dan ngaih tuahin sorkar mi pawimawh leh khawtlang hruaitute an thukhawm dawn.
NAAC-in grade pe
Mizoram College hrang hrang NAAC (National Access ment and Accreditation Council) Bangalore-in a rawn endik hnuah 8th Jan, 2011 khan Executive Council chuan Govt. Serchhip College chu Grade B with CGPA score 2.08 a rawn pe a ni.
Nimin khan Serchhip Hmar Veng YMA Hall-ah Chamber of Commerce Serchhip ten Assembly neiin, hruaitu thar M JA kaihhruaina hnuaiah an thlang nghal. An rorel langsar zual zingah State pawn atanga dawr bungraw phurh luh man Lunglei rate-a kalpui thin chu tih hniam a nih theih nan hmalak nise an ti a. Serchhipah hnamdang dawrkai an awm loh nan hmalak nise an ti bawk.
Hruaitu thlan tharte -
President : T.Rosiama, Venglai
Vice Pre. : V.Zaliankhuma, Hmar veng
Secretary : Ralzatawna, Bazar Veng
Asst. Secy. : C.Lalnunsanga, Field road
Treasurer : B.Rokima, Tuikhuah Veng
Fin.Secy. : F.Lianhlira, Tuikhuah Veng
Missionary Day hmang
Sap Missionary ten chanchintha hril tura Mizoram an rawn luh Ni champha ‘Missionary Day’ chu nimin leh nizan khan Kohhran hrang hrang ten hmangin, Pathian biak inkhawm an nei. Chanchin tha Mizorama rawn thlen kum 100-na hi kum 1994 khan Mizoram pumah ropui taka lawm a lo ni tawh a ni.
Monitoring comtt. thukhawm
Nimin khan DC’s meeting room-ah Serchhip District Vigilance & Monito ring Committee chu an chairman Lok Sabha MP Pu CL.Ruala hovin an thu khawm a. Serchhip Dist. chhunga sorkar laipui suma hnathawh hrang hrangte an thlirho a ni.
R.Day lawm dan rel dawn
Vawiin chawhnu dar 1 hian DC’s meeting room-ah kumin Republic Day lawm dan ngaih tuahin sorkar mi pawimawh leh khawtlang hruaitute an thukhawm dawn.
NAAC-in grade pe
Mizoram College hrang hrang NAAC (National Access ment and Accreditation Council) Bangalore-in a rawn endik hnuah 8th Jan, 2011 khan Executive Council chuan Govt. Serchhip College chu Grade B with CGPA score 2.08 a rawn pe a ni.
Lawrkhawm
Sangha khawi zirho
Central Institute of Fresh water aqua culture, Bhubaneshwar leh Fisheries Deptt. tangkawp buatsaih in nimin khan Aizawlah sangha khawi chungchang an thil hmuh chhuah thar hrang hrang zirho a ni. He hun hawngtu Mizoram State planning board Vice Chairman Pu Lalkhama chuan sorkar chuan sangha khawi kawngah nasa taka hma a lak mek thu a sawi. He hunah hian phai atanga rawn kal Scientist ten zirtirna an pe a ni.
Synod-in tanpuina pe
Niminpiaha Belthei daia Bus chesuala hliamte hnenah Mizoram Synod chuan Rs.500 theuh a pe a. He tanpuina sum hi Administrative Secretary Chhim area kaltlangin a pe a ni. He chetsualnaa hliam na zual 39 zingah thih belh an awm lova, sorkar chuan tanpuina awm thei ang te a dap sak mek nia sawi a ni.
Sorkar hnathawk nawrh tum
Sorkar-in hlawhbi thar a siam saka lungawilo pawl 57 vel inzawm khawm chuan sorkara an lungawi lohna lantir an rel a. Thuchhuah an siamah an lungawilohna chu sorkar-ah vawi engemaw zat an thlen tawh hnuah tih hlawhtlin a nih loh bakah sorkar chuan a ngaih thah hle niin an sawi a. Hei vang hian karleh ni 13 leh ni 14 ah hna thawh loh an tum a, ni 19 atang ni 21 chhung casual leave lak an tum tih an sawi bawk.
PM hovin meeting
Prime Minister Dr.Manmohan Singh-a hovin mi pawimawh ten nimin khan New Delhi ah tunlaia ei leh bar thil man sang chang chang leh engtianga hmalak tur nge tih an sawi hova. Tun tum bakah hian nidangah meeting an la neih leh rin a ni.
Kum 11 tang turin ti
Iran rama mihring dikna leh chanvo humhalhtu pawlte ukil, Nasrin Sotoudeh chu an ram himna tichhe thei zawnga thil ti-ah puh a nih avangin kum 11 chhung tang tura tih a ni a, Ukil hna pawh kum 20 chhung thawk thei lo tura tih a nih bakah an ram chhuahsan lo tura tih a ni.Nasrin Sotoudeh-i hi nikum September thla khan an ram himna tichhe thei zawnga thil ti-a puh a nih avang hian man a ni .
Central Institute of Fresh water aqua culture, Bhubaneshwar leh Fisheries Deptt. tangkawp buatsaih in nimin khan Aizawlah sangha khawi chungchang an thil hmuh chhuah thar hrang hrang zirho a ni. He hun hawngtu Mizoram State planning board Vice Chairman Pu Lalkhama chuan sorkar chuan sangha khawi kawngah nasa taka hma a lak mek thu a sawi. He hunah hian phai atanga rawn kal Scientist ten zirtirna an pe a ni.
Synod-in tanpuina pe
Niminpiaha Belthei daia Bus chesuala hliamte hnenah Mizoram Synod chuan Rs.500 theuh a pe a. He tanpuina sum hi Administrative Secretary Chhim area kaltlangin a pe a ni. He chetsualnaa hliam na zual 39 zingah thih belh an awm lova, sorkar chuan tanpuina awm thei ang te a dap sak mek nia sawi a ni.
Sorkar hnathawk nawrh tum
Sorkar-in hlawhbi thar a siam saka lungawilo pawl 57 vel inzawm khawm chuan sorkara an lungawi lohna lantir an rel a. Thuchhuah an siamah an lungawilohna chu sorkar-ah vawi engemaw zat an thlen tawh hnuah tih hlawhtlin a nih loh bakah sorkar chuan a ngaih thah hle niin an sawi a. Hei vang hian karleh ni 13 leh ni 14 ah hna thawh loh an tum a, ni 19 atang ni 21 chhung casual leave lak an tum tih an sawi bawk.
PM hovin meeting
Prime Minister Dr.Manmohan Singh-a hovin mi pawimawh ten nimin khan New Delhi ah tunlaia ei leh bar thil man sang chang chang leh engtianga hmalak tur nge tih an sawi hova. Tun tum bakah hian nidangah meeting an la neih leh rin a ni.
Kum 11 tang turin ti
Iran rama mihring dikna leh chanvo humhalhtu pawlte ukil, Nasrin Sotoudeh chu an ram himna tichhe thei zawnga thil ti-ah puh a nih avangin kum 11 chhung tang tura tih a ni a, Ukil hna pawh kum 20 chhung thawk thei lo tura tih a nih bakah an ram chhuahsan lo tura tih a ni.Nasrin Sotoudeh-i hi nikum September thla khan an ram himna tichhe thei zawnga thil ti-a puh a nih avang hian man a ni .
Mizoram hmun hnihah tualthahna a thleng
Serchhip 12th Jan. 2011 : Nimin zing dar 6 vel khan Chawngte ‘L’ High School bulah Kapduailova(51) 2nd Battalion MAP Senior constable chu thi a hmuh a ni.
Kapduailova hi naupang sava vehin an hmu a, puitling puna an enfiah chuan a tukhumah inchi 2 vel kakin, a dup nasa hle a, a mit 2 pawh a duk vek a, a beng ding lam leh a lu atangin thi a chhuak a ni.
Kapduailova hi Chawngte-ah hian kum 4 awm tawhin, a ruang hmuh lai hian uniform a ha a. Nimin vek khan postmortem a nih hnuah Chawngte ah hian vuiliam nghal a ni. Kapduailova vaw hlumtu nia insawi Lalzarzova Chawngte ‘L’ chu Lunglei Police Station-ah a inpe tawh a, an pahnih hian zu ruiin, an inti thiam loh chuan vawi 2 a vua niin Police-te hmaah a sawi.
Hetihlai nimin zing dar 9 vel khan Bilkhawthlir leh Vairengte inkar, Bairabi bulah hnamdang mipa ruang chhar a ni a, silai hmanga kahhlum a ni.
He ruang hi vai bawngchaw sat-in a hmu a, midang hrilh nghalin, Bilkhawthlir Police-te chuan a hmunah thil awm dan an enfiah nghal a. Kawngpui sir metre 6 a hla ah thisen bua leh 9mm pistol mu ruak an hmu a, thisen buakna atanga kawng thlang metre 10 vela hla ah ruang hi hmuh a ni.
Mithi hi a lu leh a mitah silai kahna hnuhma ni awm tak hmuh a ni a, a taksa hmun dangah hliam a awm lo nia sawi a ni.
Niminpiaha Pangbalkawn bula hnamdang ruang chhar pawh tu nge a nih hriat a la ni lova, Kolasib Police-te chuan mithite hi United Liberation Front of Barak Valley invuah Gang rual zing ami nia hriat a nih thu sawiin, an pawlah inhriatthiamlohna a awm avangin hetiang thil hi a thleng ta nia an hriat thu an sawi.
Kapduailova hi naupang sava vehin an hmu a, puitling puna an enfiah chuan a tukhumah inchi 2 vel kakin, a dup nasa hle a, a mit 2 pawh a duk vek a, a beng ding lam leh a lu atangin thi a chhuak a ni.
Kapduailova hi Chawngte-ah hian kum 4 awm tawhin, a ruang hmuh lai hian uniform a ha a. Nimin vek khan postmortem a nih hnuah Chawngte ah hian vuiliam nghal a ni. Kapduailova vaw hlumtu nia insawi Lalzarzova Chawngte ‘L’ chu Lunglei Police Station-ah a inpe tawh a, an pahnih hian zu ruiin, an inti thiam loh chuan vawi 2 a vua niin Police-te hmaah a sawi.
Hetihlai nimin zing dar 9 vel khan Bilkhawthlir leh Vairengte inkar, Bairabi bulah hnamdang mipa ruang chhar a ni a, silai hmanga kahhlum a ni.
He ruang hi vai bawngchaw sat-in a hmu a, midang hrilh nghalin, Bilkhawthlir Police-te chuan a hmunah thil awm dan an enfiah nghal a. Kawngpui sir metre 6 a hla ah thisen bua leh 9mm pistol mu ruak an hmu a, thisen buakna atanga kawng thlang metre 10 vela hla ah ruang hi hmuh a ni.
Mithi hi a lu leh a mitah silai kahna hnuhma ni awm tak hmuh a ni a, a taksa hmun dangah hliam a awm lo nia sawi a ni.
Niminpiaha Pangbalkawn bula hnamdang ruang chhar pawh tu nge a nih hriat a la ni lova, Kolasib Police-te chuan mithite hi United Liberation Front of Barak Valley invuah Gang rual zing ami nia hriat a nih thu sawiin, an pawlah inhriatthiamlohna a awm avangin hetiang thil hi a thleng ta nia an hriat thu an sawi.
Tuesday, January 11, 2011
Pangbalkawn bulah hnamdang ruang chhar a ni
Nimin zing khan Bairabi road, Bangbalkawn leh Tuichhuahen inkar Baro camp bul motor kawngpui sirah hnam dang mipa ruang pakhat chhar a ni a, silaia kah hlum a ni.
He ruang hi kum 25-30 inkar bawr vel niin a lang a, motor kawngpui sirah kut hnungkhirhin chhar a ni a. A tukhumah hmun hnihah silaia kahna hmuh theihin, silaimu hi a chalah a tlang a, ruang bulah hian pistol 9mm mu ruak 2 Police-te chuan an chhar a ni.
Ruang hi zing dar 7 vela Bairabi Maxi Cab service ten hmuin, Kolasib Police-te an hriattir nghal a. Police-te a hmunah hian kalin, thil awm dan an chhui zui nghal a ni.
Ruang hi Leilet enkawltu hnamdang ni lovin, hmun danga hnathawk ni theia rin a ni a. Jeans kekawr tlawn ha-in, T-shirt serthlum rawng ban bul a ha a, mawza bunin, a kut hnungkhirhna hi diar hman a ni a. Ruang hi Kolasib Police ten kawlin, tu nge a nih hriat a la ni lo.
Tuichhuahen bula leilet enkawltu hnamdang thenkhat chuan nizan hmasa dar 9 - 10 inkar vel khan an Thlam bul hnaiah Bru tawng hmang mi 4 vel an kal thu leh an vau avanga an mahni ena pawna an chhuah ngam loh thu an sawi a ni.
He ruang hi kum 25-30 inkar bawr vel niin a lang a, motor kawngpui sirah kut hnungkhirhin chhar a ni a. A tukhumah hmun hnihah silaia kahna hmuh theihin, silaimu hi a chalah a tlang a, ruang bulah hian pistol 9mm mu ruak 2 Police-te chuan an chhar a ni.
Ruang hi zing dar 7 vela Bairabi Maxi Cab service ten hmuin, Kolasib Police-te an hriattir nghal a. Police-te a hmunah hian kalin, thil awm dan an chhui zui nghal a ni.
Ruang hi Leilet enkawltu hnamdang ni lovin, hmun danga hnathawk ni theia rin a ni a. Jeans kekawr tlawn ha-in, T-shirt serthlum rawng ban bul a ha a, mawza bunin, a kut hnungkhirhna hi diar hman a ni a. Ruang hi Kolasib Police ten kawlin, tu nge a nih hriat a la ni lo.
Tuichhuahen bula leilet enkawltu hnamdang thenkhat chuan nizan hmasa dar 9 - 10 inkar vel khan an Thlam bul hnaiah Bru tawng hmang mi 4 vel an kal thu leh an vau avanga an mahni ena pawna an chhuah ngam loh thu an sawi a ni.
Monday, January 10, 2011
Bus Chesual ah mi 7 thi
Jan ni 10 zing dar 8 vel khan Zawlpui leh Lunglei inkara tlan Bazaar Bus a chesual a, mi 7 an thi. Lunglei atanga thudawn danin tukkin zing dar 8 vel khan Zawlpui leh Lunglei inkar Bazaar Bus Lunglei pana tlan chu Putlungasih leh Belthei inkar, Putlungasih atanga 1Km vela hla ah chesualin kawng thlangah a lum a, metre 70 vel a lum a, a lumna hi a awih em avangin kawng atangin a lang pha lo a. a hmunah mi 6 an thi a, a hnuah 1 in a thih belh leh a, he thu buatsaih lai hian thi zat chu 7 an ni a, hriat theih chinah thite hi Tuikuk leh Chakma vek an ni a, Putlungasih mi 3, Kauchhuah mi 2, Maisora mi 1 leh khaw danga mi 1 an ni.
Bus hi Medium Bus a ni a, mi 54 an chuang a, mi 44 an hliam a, hliam na zual deuh mi 29 an awm a ni. Bus ah hian Lunglei Bazar a zawrh tur thlai tam tak phurh a ni. Bus neitu hi CL Mawia a ni a, a fapa Rinchhana’n a khalh a, a chetsual chhan hi sawi dan a in ang lova, a thenin brakefail an tih laiin a thenin kawng nalah a tawlhliam niin an sawi thung. source : buanel.com
Bus hi Medium Bus a ni a, mi 54 an chuang a, mi 44 an hliam a, hliam na zual deuh mi 29 an awm a ni. Bus ah hian Lunglei Bazar a zawrh tur thlai tam tak phurh a ni. Bus neitu hi CL Mawia a ni a, a fapa Rinchhana’n a khalh a, a chetsual chhan hi sawi dan a in ang lova, a thenin brakefail an tih laiin a thenin kawng nalah a tawlhliam niin an sawi thung. source : buanel.com
Friday, January 7, 2011
Maxi Cab suam a ni
Nimin zing lam khaw var hma dar 2 vel khan Guwahati atanga Aizawl pana tlan khualzin phur Maxi Cab pakhat chu Silchar thlen hma ah mi sual rualin an suam a. He motor-ah hian naupang 2 telin mi 9 an chuang a. Misualte hian passenger-te thil neih laptop 1, handset 3 leh pawisa fai engemaw zat bakah an thil neih hlu te laksakin an tlanbo nghal a ni.
Misual rualte hian kawngpui chu lung, thing tum hmangte in an lo dang ping a, Maxi cab-in helai hmun a thlen veleh hian kawngsir atanga lo chhuakin, an hual nghal a ni. He thil thlenna hmun hi Assam Police-te chuan an tlawh nghal a. He thil thleng chungchang hi driver chuan Vairengte PS-ah FIR a thehlut nghal a ni.
Misual rualte hian kawngpui chu lung, thing tum hmangte in an lo dang ping a, Maxi cab-in helai hmun a thlen veleh hian kawngsir atanga lo chhuakin, an hual nghal a ni. He thil thlenna hmun hi Assam Police-te chuan an tlawh nghal a. He thil thleng chungchang hi driver chuan Vairengte PS-ah FIR a thehlut nghal a ni.
Thursday, January 6, 2011
Tualchhung
E.Roll tarchhuak
Election Commission of India thupek leh remtihna angin electoral roll special summary revision neih a. Ni 1.1.2011-a kum 18 tling chin tana electoral roll-a thunluh dilna chu a huntiam chhunga dilna hrang hrang lutte enfiah (hearing) neiin, chumi hnua hming thun luhte chu duan lawk angin nimin khan Final Electoral Roll chu tarchhuah a ni ta a. Mizoram pumah vote nei mi 6,41,552 an awm a ni.
Tun electoral roll tarchhuah takah hian Serchhip District ah vote nei mi 42211 awmin, 2.02% kan pung a. Roll-a thlalak chuang nei kim te zingah Serchhip District a tel ta a ni.
Pu Zika sawn dawn
Serchhip DC Pu H. Darzika chu sawnchhuah a ni dawn hnai nia hriat a ni a, a Order pawh a chhuak tawh niin kan thudawnna chuan a tarlang. UD & PA Secretary in Aizawl ah a awm ang. Serchhip DC tur hi GAD lamin an la buaipui mek nia hriat a ni
Election Commission of India thupek leh remtihna angin electoral roll special summary revision neih a. Ni 1.1.2011-a kum 18 tling chin tana electoral roll-a thunluh dilna chu a huntiam chhunga dilna hrang hrang lutte enfiah (hearing) neiin, chumi hnua hming thun luhte chu duan lawk angin nimin khan Final Electoral Roll chu tarchhuah a ni ta a. Mizoram pumah vote nei mi 6,41,552 an awm a ni.
Tun electoral roll tarchhuah takah hian Serchhip District ah vote nei mi 42211 awmin, 2.02% kan pung a. Roll-a thlalak chuang nei kim te zingah Serchhip District a tel ta a ni.
Pu Zika sawn dawn
Serchhip DC Pu H. Darzika chu sawnchhuah a ni dawn hnai nia hriat a ni a, a Order pawh a chhuak tawh niin kan thudawnna chuan a tarlang. UD & PA Secretary in Aizawl ah a awm ang. Serchhip DC tur hi GAD lamin an la buaipui mek nia hriat a ni
Tuesday, January 4, 2011
Mizoram hi Kawlphetha hmunpuia siam tuma hmalak mek a ni - Chief Minister
Serchhip 5th Jan. 2011 : Chief Minister Pu Lal Thanhawla chuan Mizoram chhunga lui tui zawng zawng tangkai thei ang bera hman sorkar-in a tum a. Mizoram hi India rama Kawlphetha hmunpui ni thei tura hmalak mek a ni a ti.
Nimina thutharlakhawmtu thenkhatte zawhna chhangin Chief Minister Pu Lal Thanhawla chuan tun hnai hna thawhna tur sum Cabinet committee on economic affairs-in a pekchhuah Tuirial Hydel Project chu chak taka thawh tum a ni a ti a. Tun hma lama bul tan a nih lai khan compensation-ah buaina a awm loh nan fimkhur takin a kaihhruai sorkar chuan hma a la nia sawiin, khatih hunlai khan chhungkaw 48 hnenah zangnadawmna pek tura ruahman a ni a. Hei hi chhungkaw 1100 a pung chho ta thut a, hnathawh chhunzawm theih a nih tak loh avangin NEEPCO pawhin hna a chawlhsan a tul ta a ni a ti.
Pu Lal Thanhawla chuan Tuirial Hydel Project atanga kawlphetha siamchhuah tur Mw 60 chu a vaiin Mizoram chan tur a nih thu a sawi a.Tunah hian Tuivai Project, Mat River Project leh Tuirini Mini-Project te pawh hna tan turin hmalak mek a ni a. National Thermal Power corporation nen tangkawpin Chhimtuipui project pawh thawh zawh mek a ni a ti a. Heng Project zawng zawngte hi a hlawhtlin hunah chuan thenawm State-te leh ram pawn thlengin sorkar laipuiin rem a tih chuan Mizoram chuan kawlphetha a hralh chhuak thei dawn a ni a ti.
Nimina thutharlakhawmtu thenkhatte zawhna chhangin Chief Minister Pu Lal Thanhawla chuan tun hnai hna thawhna tur sum Cabinet committee on economic affairs-in a pekchhuah Tuirial Hydel Project chu chak taka thawh tum a ni a ti a. Tun hma lama bul tan a nih lai khan compensation-ah buaina a awm loh nan fimkhur takin a kaihhruai sorkar chuan hma a la nia sawiin, khatih hunlai khan chhungkaw 48 hnenah zangnadawmna pek tura ruahman a ni a. Hei hi chhungkaw 1100 a pung chho ta thut a, hnathawh chhunzawm theih a nih tak loh avangin NEEPCO pawhin hna a chawlhsan a tul ta a ni a ti.
Pu Lal Thanhawla chuan Tuirial Hydel Project atanga kawlphetha siamchhuah tur Mw 60 chu a vaiin Mizoram chan tur a nih thu a sawi a.Tunah hian Tuivai Project, Mat River Project leh Tuirini Mini-Project te pawh hna tan turin hmalak mek a ni a. National Thermal Power corporation nen tangkawpin Chhimtuipui project pawh thawh zawh mek a ni a ti a. Heng Project zawng zawngte hi a hlawhtlin hunah chuan thenawm State-te leh ram pawn thlengin sorkar laipuiin rem a tih chuan Mizoram chuan kawlphetha a hralh chhuak thei dawn a ni a ti.
Tualchhung
Ni 4 chhungin mi 4 vuiliam
Kumin 2011, nimin thleng khan Ser chhip khawpui chhungah mi 4 vuiliam an ni tawh a, nitin mi pakhat vui liam ang kan ni. Kumina kan vui liam tak te : Lalrin ngheti(17) Serchhip Hmar Veng, C.Ro zinga(84) Tuikhuah Veng, V.Dozika(78) Bazar Veng, PC.Lalrinmawia AOC Veng te an ni.
Sipai Mawitea vuiliam
Pu PC.Lalrinmawia s/o PC.Malsawma Serchhip AOC Veng, Assam Rifle chu an duty-na Manipur-ah Hel lakah thi-in, nimin khan sipai chawimawina famkim nen Serchhip Chanmari Veng thlan mualah vuiliam a ni.
YMA Branch inthlang mek
Kumin chhunga YMA Branch hrang hrang hruaitu turte thlan chhoh mek zel a ni a, Branch thenkhat chuan an thlang fel tawh a ni.
Kumin 2011, nimin thleng khan Ser chhip khawpui chhungah mi 4 vuiliam an ni tawh a, nitin mi pakhat vui liam ang kan ni. Kumina kan vui liam tak te : Lalrin ngheti(17) Serchhip Hmar Veng, C.Ro zinga(84) Tuikhuah Veng, V.Dozika(78) Bazar Veng, PC.Lalrinmawia AOC Veng te an ni.
Sipai Mawitea vuiliam
Pu PC.Lalrinmawia s/o PC.Malsawma Serchhip AOC Veng, Assam Rifle chu an duty-na Manipur-ah Hel lakah thi-in, nimin khan sipai chawimawina famkim nen Serchhip Chanmari Veng thlan mualah vuiliam a ni.
YMA Branch inthlang mek
Kumin chhunga YMA Branch hrang hrang hruaitu turte thlan chhoh mek zel a ni a, Branch thenkhat chuan an thlang fel tawh a ni.
Subscribe to:
Posts (Atom)