SERCHHIP-AH REMNA NI CHAMPHA VAWI 25-NA LAWM A NI

MNF leh India sawrkar ten Remna Thuthlung an ziah champha vawi 25-na (Silver Jubilee) lawmna vawiin chawhma dar 11 khan Serchhip D.C’s Conference Hall-ah neih a ni a, thupui atan "Remna siamtute chu an eng a thawl e (Matthaia 5:9)" tih hman a ni a, inkhawm zawh hian thingpui ruai tuihnai tak kilho nghal a ni. Mizoram Kohhran Hruaitu Committee, Serchhip Sub-Headquarters leh Deputy Commissioner, Serchhip District tangkawp ten an huaihawt Remna Ni Silver Jubilee inkhawm hi Serchhip District Bawrhsap Pu P.Lalchhuanga’n a kaihruai a, Bawrhsap chuan Mizoram Buai hrepha ve lo thangthar ho tan Remna Ni pawimawhzia leh Remna leh Muanna hlutzia hi hriatthiam a har hle dawn a ni tih sawiin kan nu leh pa te leh rual u zawkte hnen atanga Remna hlut zia zirthar zel hi a pawimawh a, Remna leh Muanna hi hloh tawh lo tur leh vawng nung zel zawk tura tan lak thar zel a tul thu a sawi a ni.

Remna Ni Report petu Upa Vanlalchhunga, Secretary, MKHC Serchhip Sub- Headquarters pawhin Mizorama Remna leh Muanna a lo awm theih nana kohhran hrang hrang hruaitute hmalakna leh tawrhna te tarlangin, kumdang anglo taka Remna Ni Kum 25-na champha a MKHC te an inrawlh ve nachhan te pawh a sawifiah nghal bawk a ni.

Remna Ni thuchah sawitu Rev. Lalrinsanga, Chairman, MKHC Serchhip Sub- Headquarters chuan Remna hlut zia leh a man to zia sawiin Kristian te tan chuan Remna hi hloh mai mai chi anih loh bakah Remna tluantling awm theih nan mimal tin ten kan tihtur pual kan tih theuh a pawimawh thu a sawi bawk.

Vawiin Remna Ni Silver Jubilee inkhawm hi Rev. C.Lalengliana, U.P.C (NEI) chuan hunserh hmangin a tan a, Zaipawl hrang hrang UPC (NEI) Serchhip Bial Zaipawl, Baptist Bial Zaipawl, Serchhip, New Serchhip Presbyterian Kohhran Pastor Bial Zaipawl leh YMA Sub-Headquarters Zaipawl ten Remna Ni pualin hla mawi tak tak an rem a, Father Francis, Serchhip Parish Priest-in Remna Ni Souvenir leh Bookmark a tlangzarh

a, Pastor C.Lalduhawma, Vengchung Presbyterian kohhran-in lawmthu sawi tawngtai rualna hun a kaihruai a, Pi K.Vanlalruait, SDO (Sadar)-in lawmthu sawina hun a hman zawhin Captain Lalringngheta, SA-in tawngtainain inkhawm hi a khar a ni.

Tualchhung

Housing loan hmu tur tarchhuak
Housing Loan Advisory Board, Serchhip District hnuaia Housing loan 2010-2011 hmu turte nimin khan LAD Office-ah tarchhuah a ni a. MIG-ah mi 9 in an hmu dawn a,LIG-ah mi 23 in an hmu dawn a ni.

ATM DC-in hawng dawn
State Bank of India Serchhip Branch ATM AOC Veng ami chu tukin dar 9:30 hian District Bawrhsap Pu P.Lalchh- uanga’n a hawng dawn.

Tuai khawrh khap awm zia awm
DFO Thenzawlin Raw/Mau tuai eizawn nana khawrh a khap hnuah a lang apauva zawrhchhuah a ni ta lova, lei tur erawh a awm tho niin a lang.

Bawlhhlawh khawn thei lo
LAD bawlhhlawh paih motor pakhat zawk chhiat avangin Veng thenkhatah bawlhhlawh a khawn thei lova, hei hi lo hrethiam turin LAD hotute chuan mipui a ngen.

Remna Ni hmang dawn
Naktuk, Remna Ni lo thleng tur chu Dist.Bawrhsap hovin DC’s Conference hall-ah hman a ni dawn a. Hemi rual hian PAMRA chuan Remna Ni hi Serchhip Hmar Veng YMA Hall-ah uar leh urhsun taka hman tumin an inbuatsaih bawk.

Tualchhung

Serchhip ah ATM hman theih ta

Serchhip History a thil chhinchhiahtlak tak pakhat ATM(Automatic Teller Machine) chu ni 24.6.2011 atang khan Serchhip AOC Veng ah hman theiha peihfel a ni ta. A hawnna erawh chu thla thar lamah Official a neih tur a ni. ATM Room chhungah hian Video Camera dah vek a ni a, Police Station lam atangin Live a en reng a ni dawn bawk a, ATM a pawisa ruk tum te tan chuan a tihchi loh mai mai ngawt ang!!! Tunah hian State Bank of India Serchhip Branch a kan pawisa chevel hi nitin a chawhrualin Rs.nuai 12 vel a ni a, nuai 15 vel a tlin hnu ah ATM Booth hran kan nei leh thei dawn niawm tak a ni.


LPG, Diesel & K.Oil man a sang
H Sorkar laipuiin eirawngbawlna gas, Diesel leh khawnvartui man a tihsan hnuah Inrinni atang khan Mizoram sorkar pawhin rate thar hi a hmang ve nghal a.Eirawngbawlna gas Show room-a hralhna man chu Rs.396.15 a ni ta a, tuallaia hralhchhuahna ah bur 1 Rs. 418 a tling ta a ni.
Diesel man tih sanna hi litre 1 zelah Rs.3 a nih avangin Serchhipa a man chu Rs. 40.42 a ni a. Khawnvartui man pawh a hma aiin litre-ah Rs. 2 a sang bawk.

SERCHHIP-AH PANGANG KHAWITUTE TANPUINA SEM A NI

Central Silk Board (CSB) hnuaia Research Extension Centre(REC) Aizawl leh District Serculture Officer, Serchhip bultumin vawiin chawhma khan New Serchhip YMA Hall-ah Serchhip khaw chhehvela khaw thlanchhuah pathum – Keitum, Chawilung leh Chhiahtlang khua a pangang khawitu chhungkaw 100 hnenah chhawmdawlna hmanrua chi hrang hrang pek an ni a, he hun hi District Bawrhsap Pu P.Lalchhuanga’n khuallian niin a hmanpui a ni.

Khuallian Bawrhsap chuan tanpuina dawngtute chu an vanneihzia hre tura chahin, tanpuina awmzia hrechiang turin a hrilh bawk a, kan tihtheihloh tihhlawhtlin theihna tura midangte min puihna hi tanpuina chu a ni a, chuvang chuan anihna ang taka hman a tul a ni a ti a, tanpuina awmzia diktak hrechiang tan chuan holam taka hman ral mai mai phal chi anih loh thu a sawi bawk.

Bawrhsap chuan Sawrkar atanga tanpuina leh chhawmdawlna kan dawn te kan tihhlawhtlin loh hian sawrkar hlawhchhamna nilovin min duhsaka min tanpui duhtute tibeidawnga an rilru tih nat sak tu kan ni a, a tihlawhchhamtu tak zawk chu a dawngtu mipuite hi kan ni tiin hun lo kal leh zel turah hetiang tanpuina hi a awm reng dawn lova, dawng duh mahse dawn theih ani tawh dawn lo ani tih sawiin vanneihna an tawn hun lai a hlawhtlinpui theuh tum turin beneficiary te chu duhsakna a hlan nghal bawk a ni.

Beneficiary te pawhin lawmthu sawiin Sericulture Department behchhan tur an nei chu vannei an in tih thu an sawi a, theihtawp chhuaha sawrkar atanga malsawmna an dawn te hlawhtlin pui ngei an tum thu sawiin an infuih tawn nghal bawk a ni.

Thusawitu dang Pu BN Chowdhuri, Scientist ‘C’, CSB pawhin thusawiin 11th Five-Year Plan chhunga an tih that phawt chuan 12th Five-Year Plan hnuaiah pawh he programme zar hi an la zo leh thei dawn ani tih sawiin, State dangte tluk ve thei ngei tura tan la turin pangang khawitute chu a fuih a ni.

Central Silk Board hnuaia REC hmalakna “Cluster Development” Programme hi Mizoram Sawrkar hnuaia Sericulture Department chuan nasa taka hma lo lakpuiin, he programme hnuaia beneficiaries thlanchhuahte hi Pangang vulhna tur In (Rearing House) pawh an lo sak sak tawh a, tun tuma pangang khawina tura mamawh hrang hrang an sem hi chhungkaw pakhat tan :

1) Plastic Rearing Tray
2) Rearing Net (pangang ek then faina tur)
3) Foam Pad (pangang note mamawh boruak hnawng siamna tur)
4) Plastic Mountage
5) Silpauline
te niin pangang khawina In (Rearing House) sak tanpuina hmang tha zual thlanchhuah mi 15 hnenah Solar Lamp pek theuh an ni bawk. Pangang khawi tanpuina dawngtute hi Chhiahtlang atangin chhungkaw 55, Chawilung atangin chhungkaw 28, Keitum atangin chhungkaw 17 niin an vaiin chhungkaw 100 an ni.

Vawiin tanpuina sem inkhawm hi Pu C.Lalrinawma DSO, Serchhip District-in a kaihruai a, Pu V.Zothansanga SPO, Serchhip District-in report a pe a, heng tanpuina te hi Khuallian District Bawrhsap Pu P.Lalchhuanga leh Pu Robert C.Lalhmangaiha MCS, Nodal Officer NLUP Serchhip District ten a dawngtute hnenah hian a sem a, hei bakah hian Pangang khawi chungchang lantirna Exhibition changtlung leh bengvarthlak tak neih a ni bawk.

DISTRICT-LEVEL SCIENCE EXHIBITION SERCHHIP-AH NEIH A NI

Nihnih awh tur Serchhip District chhunga Middle School leh High School te tana buatsaih Inspire Award 2010 District Level Science Exibition chu vawiin chawhma dar 10:00 khan District Bawrhsap Pu P.Lalchhuanga’n Government Serchhip High School-ah a hawng.

Bawrhsap chuan thusawiin Serchhip District chu Mizoram hmun laili taka awm a nih bakah India ram puma ziak leh chhiar tamna ber District anih bawk avangin mithiam an tam tur a ngaih a ni a, Mizoramah Science hmasawnna atan sulsutu District anih theih lohna chhan tur a awm lo ani a ti a, zirlai kalkhawmte chu an vanneihzia sawiin an lehkhazir lai chuan zirlaibu takngial pawh an hmuh mumal loh thin thu a sawi a, tunah chuan zirtirtu thiam leh tha tak tak te enkawlna hnuaiah hmanraw changkang tak tak te an hmang tawh a, hei vang hian zirna a hlawhchhamte chuan midang mawhpuh thei an ni lo vang a ti bawk.

Bawrhsap chuan tunlai thangtharte zingah science a talent nei tha ten professional line a kal vek an tum hi thil tha ber a ni ang em ? tih hi chhut chian pawimawh a tih thu sawiin, Doctor leh Engineer kan mamawh rualin thangtharte science thiamna hlanchhawng zel tur mithiam leh scientist mamawhna pawh a nasa a, hemi atana INSPIRE AWARD siam ani chu lawmawm atih thu a sawi a, zirlaite chu hun lo kal zel tura Mizoram sukthlek siamtu tur an nih avangin tun atanga rilru nei taka zir tur a fuihin Science Exhibition chu zirlaite talent haichhuaka hlawhtlinna kawng sial sak tu anih a beisei thu a sawi bawk a ni.

Innovation of Science Pursuit for Inspire Research (INSPIRE) hi Sawrkar Laipuia Science & Technology Department-in hmathlir thui tak nei a zirlai science thiamna kawnga talent nei thate zawnchhuaha, an zirlaiah leh hma an sawn zel theihna tur atana ruahmanna a siam a ni a, zirlaite hamthatna tur scheme chi hrang hrang he programme hnuaiah hian a awm a ni. He programme hi Class 6 atanga Class 10 zirlaite tana tih a ni.

INSPIRE AWARD 2010 hnuaiah hian Sawrkar Laipui chuan Mizoram tan tangka fai cheng 79,45,000 a ruahman a, Mizoram chhunga zirlai science lama talent nei tha thlanchhuah 1589 hnenah Rs. 5000 theuha sem tur niin, Serchhip District atang zirlai 151 in he Award hi an dawng dawn a ni.

Serchhip District Science Exhibition ah hian Serchhip District chhunga Middle School leh High School hrang hrang atangin participant 106 an awm a, zirlaiten an thiamthil an chhawpchhuahte hi endik tura ruat bik ten tehfung hrang hrang pasarih hmanga an teh hnu a a titha zual thlanchhuahte chuan tun thla ni 28-29 a State-level Exhibition, Government Comprehensive Model School, Aizawl a neih torah Serchhip District ai an awh dawn a ni.

DISTRICT-LEVEL SCIENCE EXHIBITION SERCHHIP-AH NEIH A NI

Nihnih awh tur Serchhip District chhunga Middle School leh High School te tana buatsaih Inspire Award 2010 District Level Science Exibition chu vawiin chawhma dar 10:00 khan District Bawrhsap Pu P.Lalchhuanga’n Government Serchhip High School-ah a hawng.

Bawrhsap chuan thusawiin Serchhip District chu Mizoram hmun laili taka awm a nih bakah India ram puma ziak leh chhiar tamna ber District anih bawk avangin mithiam an tam tur a ngaih a ni a, Mizoramah Science hmasawnna atan sulsutu District anih theih lohna chhan tur a awm lo ani a ti a, zirlai kalkhawmte chu an vanneihzia sawiin an lehkhazir lai chuan zirlaibu takngial pawh an hmuh mumal loh thin thu a sawi a, tunah chuan zirtirtu thiam leh tha tak tak te enkawlna hnuaiah hmanraw changkang tak tak te an hmang tawh a, hei vang hian zirna a hlawhchhamte chuan midang mawhpuh thei an ni lo vang a ti bawk.

Bawrhsap chuan tunlai thangtharte zingah science a talent nei tha ten professional line a kal vek an tum hi thil tha ber a ni ang em ? tih hi chhut chian pawimawh a tih thu sawiin, Doctor leh Engineer kan mamawh rualin thangtharte science thiamna hlanchhawng zel tur mithiam leh scientist mamawhna pawh a nasa a, hemi atana INSPIRE AWARD siam ani chu lawmawm atih thu a sawi a, zirlaite chu hun lo kal zel tura Mizoram sukthlek siamtu tur an nih avangin tun atanga rilru nei taka zir tur a fuihin Science Exhibition chu zirlaite talent haichhuaka hlawhtlinna kawng sial sak tu anih a beisei thu a sawi bawk a ni.

Innovation of Science Pursuit for Inspire Research (INSPIRE) hi Sawrkar Laipuia Science & Technology Department-in hmathlir thui tak nei a zirlai science thiamna kawnga talent nei thate zawnchhuaha, an zirlaiah leh hma an sawn zel theihna tur atana ruahmanna a siam a ni a, zirlaite hamthatna tur scheme chi hrang hrang he programme hnuaiah hian a awm a ni. He programme hi Class 6 atanga Class 10 zirlaite tana tih a ni.

INSPIRE AWARD 2010 hnuaiah hian Sawrkar Laipui chuan Mizoram tan tangka fai cheng 79,45,000 a ruahman a, Mizoram chhunga zirlai science lama talent nei tha thlanchhuah 1589 hnenah Rs. 5000 theuha sem tur niin, Serchhip District atang zirlai 151 in he Award hi an dawng dawn a ni.

Serchhip District Science Exhibition ah hian Serchhip District chhunga Middle School leh High School hrang hrang atangin participant 106 an awm a, zirlaiten an thiamthil an chhawpchhuahte hi endik tura ruat bik ten tehfung hrang hrang pasarih hmanga an teh hnu a a titha zual thlanchhuahte chuan tun thla ni 28-29 a State-level Exhibition, Government Comprehensive Model School, Aizawl a neih torah Serchhip District ai an awh dawn a ni.

SERCHHIP-AH MIRETHEI IN SAK TANPUINA SEM LEH A NI

Vawiin chhun khan Serchhip DC’s Conference Hall-ah mirethei insak tanpuina thawh thumna (3rd Phase) chhungkaw 65 hnenah sem a ni a, he hun hi District Bawrhsap Pu P.Lalchhuanga’n hmanpuiin insak tanpuina hi a dawng turte hnenah a sem nghal a ni.

Bawrhsap chuan insak tanpuina (EWS) hi Aizawl leh Lawngtlai District tiam lohvin Mizoram chhung District hrang hrang parukah kalpui mek anih thu a sawi a, Central Sawrkar ruahmanna siamah chuan heng in te hi Contractor sak tir tura ruahman anih thu sawiin Mizoram Sawrkarin contractor kuta dah chuan an hlep tur hisap nen sum awmdan thlirin an sa tha lovang tih a hlau avang leh a in neitute anmahni chenna tur chu hlep then beisei lova dik taka an sak a beisei vangin, mipui tanghma ngaih vang liau liau in Sawrkar Laipui duhdan pelin a kal a ni a ti a, hei vang hian a dawngtute leh sawrkar mawhphurhna a sang a, tan lak a ngai em a em ani tiin media te pawh he hmalakna hi a hlawhtlin theih nana theihtawp chhuahpui turin a sawm a, VC te leh tlawmngai pawl hrang hrangte pawh thahnemngaihpui turin a sawm nghal bawk a ni. Bawrhsap chuan insak tanpuina dawngtute hmalakna leh hlawhtlinna tea taka hmuh a nghahhlelh thu sawiin, amah ngeiin an hmasawn dante ena an insakna hmun ngeia tlawh thin a tum thu a sawi a, insakna tur atana kaihhruaina siamte uluk taka zirchianga Sawrkar thahnemngaihna leh beiseinate ataka tihhlawhtling ngei tura rinawm taka an sum dawnte hmang turin a chah pahin, sawrkar officialte pawhin uluk taka an vil reng dawn thu leh diklo taka tite chu hrem an hreh dawn loh thu a sawi bawk. Serchhip-ah hian mirethei insak tanpui na hi a hmain tum hnih sem a ni tawh a, a thawhkhatna ah chhungkaw 50 hnenah sem niin a thawhhnihnaah chhungkaw 93 hnenah sem a ni a, tun tum a thawhthumna ah hian chhungkaw 65 hnenah sem niin, tun dinhmunah chuan chhungkaw 208 hnenah sem a ni ta a ni. Vawiina insak tanpuina dawngtute hi Serchhip VC-I area atangin chhungkaw 12, VC-II area atangin chhungkaw 8, VC-III area atangin chhungkaw 8, VC-IV area atangin chhungkaw 10, VC-V area atangin chhungkaw 5, New Serchhip VC area atangin chhungkaw 12 leh Chhiahtlang VC area atangin chhungkaw 10 an ni a, tun tumah hian an sum dawn tur Rs. 1,57,000 atangin first installment Rs. 60,000 theuh pek an ni a, an sum hman dan leh an hnathawh dan azirin second installment hi pek leh tura ruahman a ni. Vawiinah hian a thawhhnihna a sum dawngtu chhungkaw 93 te pawh koh tel niin, an hmalak tawhnate thlir ho pui an nih bakah an harsatna tawhte leh an hriatthiamloh lai te zawhna hun siam a ni a, Pu ST Lalhmingmawia DLAO chuan heng zawhnate hi a chhangin an hriatthiamloh laite leh an hriatturte a hrilhfiah nghal bawk a ni. Vawiin insak tanpuina sem inkhawm hi Pu ST Lalhmingmawia DLAO-in a kaihruai a, Pu J.Laldingliana A.E, UD&PA chuan insak dan kalhmangte hrilfiahna leh zirtirna hun a hmang bawk a ni.

YMA rate siam zawm duh lo Vai Mistiri leh Helper Dist. a awm zui phal a ni lo

Sub-Hqrs. YMA Serchhip ten Vai Mistiri leh Helper, YMA Rate siam zawm lo te Serchhip District-a an awm remti lo.
Inrinni zing dar 7 khan Sub-Hqrs. YMA, Serchhipte hian Hmar Veng YMA Hall ah Serchhip Town huamchhunga Vai Mistiri leh Helper awm zawng zawngte kokhawmin, Central YMA-in Vai Mistiri leh Helper Rate a bithliah, Mistiri tana Rs.300/- leh Helper tana Rs.170/- aia sang hlawh la lo turin an ngen a, an ngenna ngai pawimawh lo te chu Serchhip District chhunga an awm an remti lo a ni tih an hriattir nghal bawk.
Hemi chungchanga Sub-Hqrs. YMA Serchhip ten thuchhuah an siamah Vai Mistiri leh Helper chhawrtute pawh Central YMA in Rate a siam ngai pawimawh a, zawm hram turin kan inngen nawn leh a, an ngenna ngaipawimawh lo an hriatchhuahte chu an chungchang Sub-Hqrs. YMA Serchhip ten a tul dan angin an ngaihtuah nghal zel dawn tih an tarlang.
Sub-Hqrs. YMA Serchhip thuchhuahin a tarlan zel danin Vai chah chhuak – Sponsor-tute pawh fimkhur turin an ngen tih an tarlang a, Inner Line Permit phek hnunglama Conditions & Restriction-in a tarlan angin an Sponsor chhan hna an thawh zawh veleh an Vai chhawr te ILP, thuneitute hnena thehluh hi Sponsor tute mawhphurhna a ni a, Sponsor tu hna lo an Sponsor Vai te hian an thawk thiang lova, ILP neitu in thil a tihsual chuan Sponsor tu mawhphurhna a ni tel thei bawk a, Sponsorship hi tu hnenah mah an Transfer thiang lo bawk a, an Sponsor chhan hna an thawh zawh hnu a Mizoram atanga an vai chah chhuahte thawn haw thlengin Sponsor tu mawhphurhna a ni a, heng te hi an tih loh chuan Inner Line Regulation Section 2 in a sawi angin Sponsor tu hian lung In tan leh pawisa chawi thlengin thubuai an neih phah thei tih an tarlang.
Sub-Hqrs. YMA Serchhip chuan Mizo mipui zawng zawng te hmakhaw ngai takin Central YMA in Vai Mistiri Rate leh Helper Rate a bithliah hi keini a chhawr thintu Mizo te pawh hian kan zavaia that tlanna tur a ni tih hriaa zawm tum hram hram turin Mizo mipui te an ngen a, YMA Rate bithliah zawm duh lova titau Vai Mistiri emaw, helper emaw an lo awm a, chungmi ten harsatna an siam a nih chuan Sub-Hqrs. YMA Serchhip Office Bazar ah emaw, Ph.222382 ah te emaw inhriattir vat thin turin Mizo mipui te an ngen a, chutianga YMA Rate siam zawm duh lova kawhmawh bawl te chu Serchhip Dist. chhunga ILP pekchhuah an nih tawh lohnan hma an la nghal dawn tih an tarlang tel bawk.
Inrinni zingkara Sub-Hqrs. YMA Serchhip ten Vai Mistiri leh Helper an ko khawmna ah hian mi 100 chuang zet an kalkhawm a, ILP endikna te pawh neih nghal a niin, ILP nei lo, siam tir mekte pawh an awm a ni. Hetih lai nimin Pathianni zing khan Serchhipa Myanmar mi thenkhat Police ten an khawm bawk.

SERCHHIP-AH GREEN MIZORAM DAY VAWI 12-NA HMAN A NI

Vawiin (17.6.2011) chawhma dar sawm khan Serchhip DC Conference Hall-ah Green Mizoram Day inkhawm tawi buatsaih a ni a, Serchhip District Bawrhsap thar Pu P. Lalchhuanga chu Khuallian a ni. He inkhawmah chuan khuallian chuan thu tawi sawiin nungchate humhalha enkawl that an pawimawh thu leh kan thlah lo la awm zel tur te tana khawvel nuam zawk leh ram leilung hausakna tam zawk hnutchhiah turin kalkhawm te a sawm a ni.

Khuallian chuan Thingkung pawimawhna sawiin, nunna petu a ni a, tui a thlifimin tui hna a siam a, a chhek khawl bawk a ni a ti a. Nungchate leh thing leh maute kan tih rem zel avanga khawvel lo lum chho zel leh thlaler ram ro lo pung zel hian, chenna tlak khawel a tizim nasa sawt em em tawh a. Chuvangin keini leh kan tu leh fate dam khawchhuah nan leh khawvel nuam zawk kan neih leh theih nan nungchate hi duat takin enkawl ila, thing leh maute phun belh zelin, phunsa pawh uluk leh duat takin enkawl zel ila khawvel nuam zawk i din thar leh ang u a ti.

Faina chungchang pawh sawiin khuallian chuan engmah hi amah ngawta bawlhhlawh a awm lova, thil a awmna tur ni lova awm hi bawlhhlawh chu a ni mai tiin, thil engkim hi a hun leh hmunah dahin paih ila, kan thianghlim nan leh kan hrisel nan a pawimawh a ni a ti. Tin thil hman zawh tawh hman nawn leh (recycle) hi leilung tha chakna renchemna tha tak a ni a, chuvangin bawlhhlawh leh tangkai lo nia kan hriat tam tak hi energy renchem nan kan phak tawk tawkah hman tangkai I tum ang u tiin a sawi bawk.

Serchhip District Level Committee on Green Mizoram Day chuan kumin hian Serchhip district chhunga department hrang hrangte leh NGO te chu Group 10–ah thenin, he inkhawm tawi zawhah hian sawrkar office leh vantlang hmun pawimawh hrang hrangah thing chi hrang hrang an phun a ni. Tin kumin Green Mizoram Day-ah hian thupui hran an nei a, “A tam lam ni lovin, a enkawl that lamah zawk le” tiin group hrang hrangte pawh hi thing tiak 30 theuh chauh pek an ni a, uluk taka enkawl tura inzirtirin nakum Green Mizoram Day-ah endik a lawman sem leh tur a nih thu an sawi bawk.

He Green Mizoram Day hmanna-ah hian nikum lama mahni thing phun enkawl thate hnenah lawmman sem a ni a, Thing tiak 120 phun a 90 phun nungtu Sub Headquarter YMA te chu pakhatna an ni a, PCR High School, New Serchhip chuan pahnihna lawmman an dawng bawk.
Last Updated ( Friday, 17 June 2011 )

Helho atangin Mizoram Police-in chhanchhuak; pakhat hliam

United Democratic Liberation Army (UDLA) te'n an kidnap ABCI company hnathawktu mi pahnihte chu tukin zing dar 8 khan chhanchhuah an ni, Home Minister R.Lalzirliana’n a ti.

Vawiin (June ni 16, 2011) chhun dar 12 khan a office-ah thuthar lakhawmtute nena an inkawmkhawmnaah he thu hi a sawi.

Sorkarin hel hoin mi 2 an kidnap tih a hriat rual ruala Police-te'n intelligence operations thlakin theihtawp chhuahin an umzui nghal a, chhuaichhuah ngei tumin Addl. SP leh Inspector 2 hovin sipai engemawzatte nen theih tawp an chhuaha, hel chhui kawnga kan tha thlah a tlai loh na'n tiin kan thenawm state-te pawh phungbawma sawm buai lova a thuphunga hriattir chauh a ni, tiin Home Minister chuan a sawi.

Home Minister-in a sawi danin, June ni 6, 2011 zing dar 2:30 bawr khan hel hovin an ruk chhuah Manager, ABCI-te — Bajrang Lal Bhurg (44) leh Prem Lal Dhinam (48)-te chu Mizoram Police te'n an thudawnte bawihzuiin hel ho awmna ni ngeia an hriatah an panna kawngah Bangla Bhasa, Hailakandi Lei let thlamah hel ho hi an nang ching a, helho hian an lo hmu hmasa zawk a ni.

Helho nena an inkahna lamah, kidnap zinga pakhat zawk Dhinam chuan a pumah hel ho silaia kahna hliam a tuar. Chhanchhuah tak te hi Kolasib SP leh a hote'n an buaipui.

Police te hian hel hovin an tlan chhiatsan AK 47 silai leh a mu 30, SLR leh a mu 24, Mobile charger siam chawp 1 bakah-ah camoflage pair (kawr leh kekawr) 5 a man sak a ni.

ABCI manager rubotu te hian company lamah an mi ruk bo te tlan chhuah nan hian cheng vaibelchhe 5 an phut a. ABCI mi leh sa ru bo tu te hi mi ruk bo a, tlanna sum beisei thin niin hriat an ni.

Hel ho bei tur hian Mizoram sorkar chuan a tul thuta che mai thei tur Rapid Action Force ha tak police batallion tinah a dah a, a tirah Commando te tirh tum hmasak a ni a, mahse a ruk thei ang ber leh rang thei ang bera chhanchuahna hi kalpui a ngaih vangin RAF te tirh an ni ta zawk niin R. Lalzirliana chuan a sawi a ni.

Mizo Chiefs’ Council Inkhawmpui Law Minister-in a hmanpui

Mizo Chiefs' Council leh Mizo Chiefs' Multipurpose Cooperative Society inkhawmpui I&PR Auditorium Aizawla nimina neih chu Law Minister Pu Lalsawta'n a hmanpui.
Pu Lalsawta chuan Mizo hnam tana inrelbawlna fel leh zahawm tak keng kawh thin tu Mizo lalte an fakawm a, an tu leh fate tan pawh chhuan tham an tling takzet a ni, a ti a. Mihring hnam nunphung zirmi Anthro pologists thenkhat te pawhin hmanlai Mizo lalten khawtlang an kaihhruai dan te, rintlak leh mihuaisen ni tur a an khua leh tuite an chherchhuah dan te kha zir tham a tling an ti a ni Minister chuan a ti a. Hnam thenkhat inrelbawlna felfai an neih loh avanga tluchhe ta an awm laiin Mizote tan roreltu tha tak Pathianin min lo ruatsak hi kan vannei hle a ni, a ti a. Lalte leh anmahni tawiawmtu Lal Upa ten tlawmngaihna, rethei te hmangaihna leh rinawmna an lo zirtir thin kha tun thlenga thangtharte tana rohlu a ni a, hmangaihna tak tak thinlung pu chunga an khua leh tui leh Mizoram lo enkawltute chhuan awm a tih thu Minister chuan a sawi a ni.

Naupang tan Silai kah zirna buatsaih dawn

Serchhip District Rifles Association chuan Catch Them Young Programme hnuaiah June ni 18, 2011 atang khian kum 16 hnuai lam tan Air Rifle kah zirna a kalpui tan dawn.

He Training-naa tel duhte chuan an piankum lan theihna Certificate kengin, Saihmingthanga Sailo, Ramthlun Veng hnenah June ni 16 aia tlai lovah inhriattir tur a ni.


Serchhip District Rifles Association hian June ni 25, 2011 hian .22 Maniature inkahsiakna buatsaih an tum a, June ni 30, 2011 (Remna Ni)-ah pawh kum bithliah siamin Air Rifle Shooting Competition buatsaih an tum bawk a ni.

Tualchhung

Serchhipah Green Mizoram Day
Serchhip District-a Green Mizoram Day hman hun atan tun thla ni 17 , karleh Zirtawpni khi ruat a ni a. He hunah hian thing tiak phun a ni dawn bakah kum kaltaa lo phun tawh thingte tuaitharna hun atan hman a ni ang.

Watershed committee
Nimin khan DRDA Conference Hall ah Serchhip IWMP-I hnuaia Watershed Comtt. hrang hrang hruaitute tan Training buatsaih a ni a, Training hi IWMP-I Project Manager Pu Sangdingliana Sailo leh Pu R.Lalramliana PIA ten an hmanpui a ni. Training-na ah hian Pu Lalramhluna Accountant DRDA leh Pu David-a AE, DRDA ten IWMP kalphung tlangpui an sawi. IWMP-I hian ram Hectares 4700 a cover dawn a, hemi atana sum ruahman chu Rs.7,05,00,000/- zet a ni. IWMP-I hnuaiah hian Watershed Comtt. 4 awmin Serchhip-II, III, IV leh New Serchhip VC Area a mite a huam a ni.

Lecturer-in joint phal rih lo ?
Tunhnai khan Govt. Serchhip College a Selection Grade Lelturer Pu Zonun-tluanga chu Zawlnuam ah Transfer a ni a, hemi chungchangah hian sawi neuh neuh a awm avangin he College a MCTA Branch te chuan Pu Zonuntluanga hi sawn lo turin Mizoram sorkar ah an ngen mek a, hei vang hian Pu Zonuna thlaktu turin June ni 7 a Joining Report rawn pek a tum pawh MCTA hian an lo dang rih nia sawi a ni.

Lawrkhawm

Tlanna sum phut
Meiduma an hnathawhna hmun atanga ABCI hnathawk rukbote tlan nan a rubotu ten Rs. Vaibelchhe 5 an phut nia sawi a ni. He thu hi Police-te an hriattir lova, an mi hrente phone hmangin ABCI hotute hi bia-in, tlanna sum an phut zat hi an hriattir a, an indawr mek nia sawi a ni.

Sorkar sum hmuh a pung
Finance Minister Pu H.Liansailova chuan tunhnaia tuialhthei leh a kaih hnawih thil atanga chhiah tihpun a nih hnuah Mizoram sorkar chuan kum 1 Rs. vaibelchhe 2 leh nuai 90 a hmuh beisei a ni a ti.

College-ah Mizo incheina
Govt.Champhai College-a hmeichhia thawktute leh zirlai ten niminpiah atang khan puan bihin, College an kal tan. Art & Culture Minister Pu PC.Zo ramsangliana’n Mizo incheina uar zawk tura zirlai te a ngenna tih hlawh tlinna atan he College-a kal hmeichhia zawng zawngte Mizo incheina pang ngai inbelin, kartin Nilaini apiangin hetiang hian an inbel chhunzawm zel tawh dawn a ni.

Facebook-ah Pu Zorama
Internet ‘Facebook’-ah MNF Presi dent Pu Zoramthanga hminga ‘account’ hawng an awm a, www. facebook. com a ni. Hei hi Chief Minister hlui hming tihchhiat theihna a ni tiin MNF chuan chhuichhuak tura ngenna (FIR) police hnenah an thehlut.

Deficit School Zirtirtute an thilphut tih hlawhtlin ngiatin nawrh an tum

Serchhip 10th June 2011 : Mizoram Deficit Mission Schoool Association (MDMSA) te chuan June ni 15 hmaa sorkar-in an thil phut leh ngen te a tih hlawhtlin loh chuan June ni 20 atanga lungawilohna lantir an tum thu an sawi.
May ni 23-24, 2011-a MDMSA Special General Assembly-in a lo rel tawh angin, sorkarin June ni 15 hmaa an thil phutte a tihhlawhtlin loh chuan June ni 20 -21-ah No Teaching Day hman an tum tih an sawi a, hemi hnu -a tihhlawhtlin a la nih loh chuan June ni 22 atanga 24 thleng Mass Casual Leave lak an tum a, chumi hnua tihhlawhtlin a la nih loh cheu chuan June ni 25 atanga tiamchin awm lova nawrh an tum tih thuchhuah siamin an sawi.
MDMSA te hian sorkar chu India ram state dang angin pension leh service benefit siamsak tur te; Helen Lowry HSS leh Modern English HSS-a lecturer post 32, kum 11 chung contract post chu regular post-a siam te, Synod HSS, St. Paul’s HSS leh Serkawn Baptist HSS-a lecturer post 17, kum 9 chhung contract post pawh regular post-a siam tur te; 6th Pay anga hlawh pe ve tur leh kum 2008 atanga DA Arrear 26% inkhawl khawm tawh pe tur te-in sorkar an phut a ni.
School Education department-in ‘ Draft The Mizoram School Education (Grand-in-Aid) for Gen. Maintenance Rules, 2011’ a siam-ah chuan kum 1985 atanga Deficit School, Deficit Grant-in-Aid Rules-a a lo enkawl tawh te thiat a, Lump-sum Grant School-a dah tumna a awm thu MDMSA chuan sawiin, ‘Kan sorkar hian Deficit Mission School te nuaichhe tur leh thawktute hlawh chhe deuha hnukthla turin Setana Bill a buaipui a ni ber mai,’ tiin an thuchhuahah chuan an tarlang a ni.

Tualchhung

Bawrhsap a kal dawn
Hna sang chelh tura tih District Bawrhsap Pu H.Darzika chuan tun Zirtawpni khian Serchhip chhuahsan a tum. Hemi hma lam hian khawpui chhunga tlawmngai pawl hrang hrang ten amah thlahna leh ngaihhruina hun an lo hmang tawh a ni.

Pu Thianga vuiliam a ni
Ramlai Arsi Editor-in-Chief Pu Lalthianghlima chu Thawhtanni khan lungphu chawlin a boral a, lumen a nih hnu nimin khan vuiliam a ni.


CMAI training
AIDS, Malaria leh TB natna dona kawnga hmalatu pawl,Christian Medical Association of India (CMAI) buatsaihin, vawiin chaw hma dar 11 hian CMO Conference hall-ah Serchhip District chhunga Presbyterian Kohhran Bial 4 atanga mi 5 zel thlan chhuahte hnenah training a pe dawn.

Serchhip Journalist Pu Thianga a boral

Serchhip tualchhung chanchinbumi la damlai zinga upa ber, Ramlai Arsi Editor-in-Chief Pu Lalthianghlima chuan nimin(6th June 2011) Chawhma dar 11:10am khan a chatuan ram min lo pansan ve ta! A kalsan tak a chhungte Pathianin awmpuii thlamuan mawlh rawh se. A chanchin tlangpui hetiang hi a ni e…
Pu Lalthianghlima hi kum 1952 khan Serchhip khua ah lo piangin a Pa chu Lawmthanga (L) a ni a, a nu chu Darfeiliani (L) a ni. A pa hian kum 1966 khan boralsanin a nu hian kum 2000 khan a boralsan tawh bawk a ni. An unau hi hmeichhia 1 leh mipa 3 niin an unau zinga upa ber hmeichhia hi a naupan lai in a boral a ni.A pianpui unau te :1) Thantluangi (a naupan laiin a thi)2) Lalthianghlima H/o Lalthanpari3) Vanlalchuana (L) H/o Lalduhawmi4) Lalthanthuama H/o HrangchhungiKum 1974 khan Lalthanpari D/o Zakhuma (L) nen inneihin fa 3 an nei a, tu 8 an nei tawh bawk.An fate chu :1) Lalremruata Ralte H/o Lalngaihzuali, AOC Veng2) Lallawmzuali W/o David C. Lalremliana, Hmar Veng3) Lalrindika H/o Hmingthanpari, New SerchhipEizawnna lam : Kum 1970 khan P&E Department ah Muster Roll in a thawk tan a, dah ngheh anih hnuah kaisang chho ve zelin kum 1990 khan Line Supervisor in a pension a, sorkar hna atanga a chawlh hnuin Electric bungrua zawrhna Dawr siamin eizawnna a chhunzawm a, kum 1992 atangin Serchhip tualchhung chanchinbu ‘Ramlai Aw’ a chhuah a, kum 1997 atangin ‘Ramlai Arsi’ tia hming thlakin Vawiin thlengin an la chhuah chhunzawm a ni.Chanchinbu enkawl pah hian tuna an chenna New Serchhip-a huan ram hi enkawl chhoin kum 2005 atang khan AOC Veng atangin an awmchilh phei ta a, Bawnglian te vulhin a huntawp thlengin a enkawl chho ta a ni.Kohhran lamah : Presbyterian Kohhran-ah awmin KTP ah te hruaitu hna te chelhin hun a hmang chho a, Zaipawl Member ah te telin a theih ang tawkin rawngbawlna a kalpui ve thin a ni. Kum 1978-a Mizo Evangelical Association (MEA) alo din khan a dintute zingah telin hruaitu nihna te chelh chhovin ‘Lalchhungkua’ tia hming thlak anih hnuah pawh rampum huap thlengin hruaitu hna a chelh a ni. Lalchhungkua ah hian Upa ah thlan a niin a theih ang tawka rawngbawlna a kalpui hnuah a hriselna alo tlakhniam deuh tak avangin hruaitu nihna a chelh te chu a chawlhsan ta a ni.Khawtlang rawngbawlna lam : YMA ah a theih ang tawka inhmang chho ve in hruaitu dinhmun te pawh a chelh chho ve a, Life Member niin a kum upat deuh hnuah a inhmang chhunzawm peih ta lova, New Serchhip lama a awm hnuin kum 2010 khan Venglai Branch YMA-ah Senior Adviser-ah ruat a ni a, hei hi YMA-a nihna a chelh hnuhnun ber a ni.Sorkar hna atanga a chawlh hnuah Congress Party-ah a lut a, Unit, Group leh Block-ah hruaitu nihna chelh chhovin Serchhip khawpui Village Council pakhat hnuaia a awm lai (1998-2001) khan Congress Party Ticket in Village Council Member (VCM)-ah thlan tlin a ni a, hun eng emaw chen Congress Party ah a awm hnuin ZNP a zawm a, Block ah hruaitu nihna te a chelh a, NCM a ni mek bawk.Kum 1992 atanga Chanchinbu a buatsaih chhoh hnuah kum 2000 khan tualchhung chanchinbu rawn pung chhoin Journalist te intelkhawmna, Serchhip District Journalists’ Association (SDJA) dintute zingah a tel a, SDJA atanga MJA-a inchhunluh anih thlengin Serchhip District-a Senior Journalist niin a boral ni thlengin MJA Member a ni.MJA Member ni chung hian kut hnathawh lam luhchilhin AMFU ah te hruaitu niin Cooperative Society hrang hrangah Member a ni a, New Serchhip Livestock Coop. Society-ah Secretary hna a chelh mek a ni.A natna : Kum 2003 vel atang khan Zunthlum natna nei tanin ei leh in ah te insum chungin a inenkawl chho a, a Zunthlum hian a Beng lam khawihchhia in Bengdar te a mamawh ta hial a, damdawi nena inenkawl chhovin harsatna liantham lutuk a nei hran lova, kumin kumtir lam atang khan a Zunthlum a nasat chhoh hret hret avangin Lung lam sawiselna a nei tan a, heti chung hian a phak leh theih ang anga hna thawk chho zelin khum beta natna nei hran lovin ni 6th June, 2011 tukthuan eikhama huan mawng lama Rubber tiak an phun chu chawhma dar 11:10 khan chau thutin a boral zui ta a ni.
Pu LALTHIANGHLIMA, Kum 60
VUINA PROGRAMME
A hun : Ni 7th June, 2011 (Thawhlehni) Dar 12:00 NoonChairman : Pastor B.LalthlamuanaTanna hla : A va mak em! khawvel inher dan’Thusawi : Kohhran aiawhThusawi : Chhungkaw aiawhVuitu : Pastor PC.BiakzauvaThlahna hla : ‘Sualkung thinga tihharha awmlo te’Thlanmual lam : Pastor B.Lalthlamuana

Tualchhung

DGP lo kal dawn
DGP Pu Lalrokhuma Pachuau chuan vawiin hian Serchhip rawn tlawhin, SP Office sak mekte a tlawh ang a. Police Station-te a tlawh bawk ang.

Check gate sawn
Mining check gate chu remchan zawkna avangin Darnam kawn, Pioner camp hlui peng bulah an insawn.

Officer sawnkual
Sorkar chuan a hnuaia thawk officer engemaw zat kaisantirin, a sawn kual a, chung zingah chuan Pu Sangdingliana Project Director DRDA Serchhip chu Direc tor LAD a dah a ni. Pu P. Lalchhuanga Director UD & PA hna chelh mek chu Serchhipah DC-in a rawn awm ang.