NDRF TEN LIRNGHING LO THLEN THULHA HMACHHAWN DAN ZIRTIR

Vawiin chawhma dar 10 khan Serchip Field No. 2-ah National Disaster Response Force (NRDF) te chuan Serchhip an cham chhunga an programme hnuhnung ber atan lirnghing lo thlen thulha chhanchhuah hna thawh dan tur lemchangin an entir a, Marian High School naupang ten an tawiawm. He hunah hian Serchhip khaw chhunga department hrang hrang hotu lute leh zirlaite an tel tha hle. Chhiatna lian tham lo thlen thuta chhanchhuah hna thawh dan hi keini Mizoten haw haw deuh thaw a kan ri nghal buan buan ang ni lovin, fimkhur, uluk leh fel fai taka thawh chi zawk a ni tih an entir a. A che chak leh thawm na apiang an tlawmngai emaw tih mai tura kan ri nghal phut phut mai thin ang ni lovin, tih tur, tih dan tur leh hna indawt dan zawng zawng felfai taka ruahman hi tih dan tur tha leh dik zawk a ni tih te an zirtir a ni. He hunah hian District Bawrhsap Pu H. Darzika pawhin thu sawiin kan thil hmuh leh zirte tanga inzir fing tur leh chhiatni thatniah pawh changkang, fing leh felfai zawka kan mizo tlawmngaihna kan lantir thiam a tul tawh tih a sawi a. NDRF team te, Official te leh zirlai lokal khawm te chungah lawmthu a sawi bawk.