Serchhip District Planning Committee thukhawm

Vawiin khan Serchhip District Planning Committee chu an chairman Pu Paul L Khuma hovin DC Meeting Hall ah an thukhawm. 

SDO (S) Pi Rebecca Laldinmawii Hrahsel chuan sawrkarin programme thar a siam Mizoram District Transformation Programme chungchang sawifiahin, Planning and Programme Implementation Department  in an duan a ni a, India Independence kum 100 lawmna atan hmalakna kal zelah kum 2047 ah chuan Transform India kan neih theihna nan hma a la mek zulzui chuan Mizoram Transformation Programme siam a nih thu a sawi a. District tinah District Planning Commttee din niin Serchhip District ah chuan  March 2025 khan din a lo ni tawh a. Chairman ah DC niin Member Secretary atan Pi C. Lalnunsiami, Planning and Programme Implementation Department ruat a nih thu a sawi.

He meetingah hian District Planning Committee in hma a lak dan tur hrang hrangte, sawrkar department hrang hrang ten an tih turte inhrilhfiah a ni. Pu Paul L Khuma DC chuan plan hi a hlawhtlin theih nan Department dang te atanga thawhhona tha (Convergence) a pawimawh thu a sawi bawk.

Meetingah hian Addl DC Pu Lalrinzuala, Project Director DRDO Dr. Malsawm tluanga Fanchun, SDO (C) Thenzawl Pu K. Lalhlimpuia, DUDO Pu Gaston Vanlal hriatpuia, DC&IO Pi Lalchhanhimi, SDC Dr. Marilyn Lal ruatkimi bakah department hrang hrang hotute leh an aiawhte an tel.