Tualchhung

Bena a boral
Pu Benjamin Zodinpuia(35) s/o Hrangchungnunga Serchhip Dinthar Veng chu nimin zing 9:45 khan Aizawlah mitliam avangin a boral a, lumen a nih hnu vawiin hian vui a ni ang. Bena hian a nupui fanau-te a kalsan a ni.

Ui â seh vangin boral
Zonunmawii(16) d/o Chhunglawmi New Serchhip chu nimin tlai dar 3:15 khan Ui â seh avangin Serchhip damdawi inah a boral a, lumen a nih hnu vawiin hian vui a ni ang. Zonunmawii hi nikum lam khan Ui â-in a seh a, tunhnaiah hemi nghawng hi lo langchhuakin, a thihpui ta mai nia sawi a ni.

Thingzai man bithliah
H Joint Village Council Serchhip chuan tunhnai khan thingzai rate hetiang hian a siam a, mitin zawm turin a hriattir :
Chartin - Rs. 300, Char char - Rs. 400
Thingphek - Rs.400 aia sang lo.

Hri danna pe dawn
H Vawiin hian Presbyterian School Serchhipah hri danna hrang hrang Presbyterian Hospital-a thawktu ten an pe dawn a. Hetihlai hian CMO chuan an hriatpui lova hri danna pek awm lakah mipui fimkhur turin hriattirna a ti chhuak ve bawk.

Press Release

Serchhip Dawngzawl ram, BSF hmun atana inleisak chungchanga lungawilo mi thenkhat ten ram leina sum District collector Pu H.Darzika’n an kuta hlan lova Pu T.Rosiama te kaltlanga semchhuah tak chungchanga District Collector an demna hi thil hriat chian loh vang a ni a.
District collector hian a ram neitu dik takte hnenah ram hralhna sum Rs. 15,25,48,460/- hi 10th April 2010 khan a hlan a. Pu C.Zokhuma, Pu B.Vanlalhruaia, Pi F.Aizami leh C.Lalhmangaihsanga te hian ram neitute aiawh Pu T.Rosiama, Pu H.Lalliana leh Pu B.Vanlalsawma te kutah ni 15.4.2010 khan inremna lo siam tawh angin kan hlan ve leh chhawng ta a ni.
Tin, District collector hi he sum, Pu Sailopara leh Pu Hulianate hnena sem chhuaka, hlantu tur a ni lova. Amaherawhchu, chuti chungin Mizopa takin inti vui vai awm lo turin Pu C.Zokhuma te nen tha te te-in inrem rawh u a ti a. Pu Sailopara te hnenah pawh he sum hi an ni kuta a hlan tur a nih loh thu pawh an mahni ngei District collector hian a hrilh a ni.
Ram neitu hriatpui lova hming thlak anga sawi, Signature lem nia an sawi hi a lem ni lovin, an mahni ngei sign a ni a. Sorkar kalphungah ram neitute tel lovin LSC hming thlak theih a ni lo.
Tin, he thil hi Court-a kal lai a ni chunga, hetianga Press Conference-te kova, dawt leh thil dik lo tak hmanga mipui rilru kaipeng zawnga hma an la hi dan khalh tlat a ni bawk.


Sd/- Sd/-
(C.Zokhuma) (B.Vanlalhruaia)
Serchhip Serchhip



Sd/- Sd/-
(F.Aizami) (C.Lalhmangaihsanga)
Serchhip Serchhip

Thingtlang mi ten harsatna an tawk ang tih sorkar-in a hlau hle -CM

Serchhip 29th Sept. 2010 : Chief Minister Pu Lal Thanhawla chuan fur ruahtui tla a tam avangin sorkar chuan thingtlang mi ten harsatna an tawk ang tih a hlau hle a, a tul a nih chuan sum awm lo chung pawhin helicopter hmangin ei tur thlak a ni ang a ti.
He thu hi nimina Mizoram Legislative assembly session-ah sawiin, Chief Minister chuan tunlaia kawngpui chhiat chungchang chu hrilh hranpa an ngaih loh thu leh siamtha tura hrilh pawh an ngaih loh thu a sawi a. Meidum leh Bairabi-a bandh huaihawt tumtute pawh kaltlang pui lo turin sorkar chuan a ngen a, kawngpui danchaha midangte tawrhna thlen zawnga thil tih chu sorkar tih mualpho tumtute thil tih nia an ngaih thu sawiin, Pu Hawla chuan danpin thiangloh National Highway dang ping luitute chu sorkar-in dim tur pawh nia a hriat loh avangin khauh takin an chungah dan lek kawh a ni ang a ti.
Nimin atang khan Bairabi, Meidum leh Pangbalkawn VC leh tlawmngai pawl hrang hrangte chuan Bairabi- Kolasib kawng siamthat hna tluang taka thawh a nih theih nan nimin zing dar 5 atang khan Bairabi kawng an dang ping a. Lirthei 207 chin chung lam zawng kaltlang tir loh nise an ti a. Amaherawhchu nimin khan supply phur truck 15 tangkhang te chu kaltlang tir an ni.
Nimin ven khan PWD Engineer-in-Chief leh a thawhpuite chuan Bandh huaihawttute hi kawmin, an hmalakna chawlhsan turin an ngen a. Inbiakna an neih zawh hnu hian an bandh huaihawt chu an hlip leh nghal a, amaherawh chu karleh Thawhlehni thleng sorkar hmalakna ngaihchan nise an ti a ni.

Thingtlang mi ten harsatna an tawk ang tih sorkar-in a hlau hle - CM

Serchhip 29th Sept. 2010 : Chief Minister Pu Lal Thanhawla chuan fur ruahtui tla a tam avangin sorkar chuan thingtlang mi ten harsatna an tawk ang tih a hlau hle a, a tul a nih chuan sum awm lo chung pawhin helicopter hmangin ei tur thlak a ni ang a ti.
He thu hi nimina Mizoram Legislative assembly session-ah sawiin, Chief Minister chuan tunlaia kawngpui chhiat chungchang chu hrilh hranpa an ngaih loh thu leh siamtha tura hrilh pawh an ngaih loh thu a sawi a. Meidum leh Bairabi-a bandh huaihawt tumtute pawh kaltlang pui lo turin sorkar chuan a ngen a, kawngpui danchaha midangte tawrhna thlen zawnga thil tih chu sorkar tih mualpho tumtute thil tih nia an ngaih thu sawiin, Pu Hawla chuan danpin thiangloh National Highway dang ping luitute chu sorkar-in dim tur pawh nia a hriat loh avangin khauh takin an chungah dan lek kawh a ni ang a ti.
Nimin atang khan Bairabi, Meidum leh Pangbalkawn VC leh tlawmngai pawl hrang hrangte chuan Bairabi- Kolasib kawng siamthat hna tluang taka thawh a nih theih nan nimin zing dar 5 atang khan Bairabi kawng an dang ping a. Lirthei 207 chin chung lam zawng kaltlang tir loh nise an ti a. Amaherawhchu nimin khan supply phur truck 15 tangkhang te chu kaltlang tir an ni.
Nimin ven khan PWD Engineer-in-Chief leh a thawhpuite chuan Bandh huaihawttute hi kawmin, an hmalakna chawlhsan turin an ngen a. Inbiakna an neih zawh hnu hian an bandh huaihawt chu an hlip leh nghal a, amaherawh chu karleh Thawhlehni thleng sorkar hmalakna ngaihchan nise an ti a ni.

Mizo Kristiante Zu khap ve dan roh hi - Lalremruata Khiangte

Kristian za a za inchhal Mizoram sawrkarin Zu a khap ve dan pui roh hi ngun lehzual zawk a zir chian tham a awm ta tlat mai. UT atangin State a hlankai kan ni a, Zu khapna dan chi hrang hrang kan nei reng a. Kum 1995 atang khan The Mizoram Liqour Total Prohibition Act (MLTP Act) siamin kum 1996 atang khan The Mizoram Liquor Total Prohibition Rules an tih chu siamin Zu khap burna dan chu February ni 20, 1997 atangin vawiin thlengin hman a lo ni ta a. Zu khapna dan thar kan hman hma leh hman hnu a thilthlengte, Zu avanga thi te, Zu khap avanga nunna hlu tak tak chhanhim a awm te, Zu avanga tuartu chi hrang hrang leh an tawrh dante, kan ram economy a nghawng dante, tlaikhawhnu a Zu siam phalna dan kan lo neih leh tak dante hian ram leh hnam hmangaihtute ngaihtuahna a khawih lo thei lo.

Atirah chuan Zu hi khap a ni lo tihna a ni lo. Zu hian englai mahin khawi hmunah mah zalenna tak tak a nei lo. Dan leh inkaihruaina mumal tak nei a kalpui zel a ni zawk. Mizoram pawh hian tuan-leh-mang atang tawhin Zu hi a hmelhriat tawh a. Tlawh pawh loh hnam mawl nia thing bul lung bul bia a ramhuai hnena inthawina kan hlan lai atang daih tawh a hmelhriat kan ni. UT leh State kan nih hnuah pawh Zu chu dan mumal tak hnuai a lei leh zawrh a lo ni tawh thin a. "Sap zu ti mai ila, an han zuar tir kha chu nula e, la lo e pawh sawi loin a lei turin mi Bethel vanglai ang mai khan an intlar put put mai a, zu zuarte an lun kher mai. Mahse kum a lo vei meuh kha chuan zu dawr siamte kha an lun tawh hauh lo. A leite pawhin ngawi rengin an va lei a, lehkhain an tuam a, in lamah an hawn mai a. Khati khawp a zu tam si kha, phai lama zu a tama rui hmuh tur erawh an awm lo ang khuan zu rui khawlaiah hmuh tur an vangin, kan Police-te pawhin man tur an nei meuh lo a nih nghe nghe kha. Veng keltil deuha tlangval huihphai deuh lo pai chhe chhe erawh an bo lem lo," tiin K.L. Liana chuan a lo ziak a. Young Mizo Association (YMA)-in Ruihlo Do kumpuana a neih 2005-08 chhung erawh kha chuan thil dangdai tak takin Zoram dung leh vang a tlakbuak a. Savawm Bawm thlengin a lar phah hle a nih kha.

Pi leh pute hunlai pawh khan Zu rui tawk an awm a, ngaihsan an hlawh ngai lo. Mahse, chutiang mite avang chuan Zu an khap bur kher lo. Tun hma zawnga Zu khap burna dan kan hman chhung zawngte pawh khan chuti teh vakin boruak chhia-in min tlakbuak phah chuang hek lo. Mahse, Zu khap burna dan nena inhne rem thlap kumpuan kan han nei a, khawtlang tlawmngaiten Zu leh a zuartute an han vai tak tak kha chuan motor inhal sak te, chhan hriat lohva thi te, vuak hlum nia a sawi thawm te, In inthiah sak leh In innamtluk sak te chu a ri ta nawk nawk a. Savawm Bawm pawhin hming a chher lar hman hle a nih kha. Zu khap burna dan tha ti leh ti lo te inhnialna pawh a chawk chhuak tam nangiang mai. A chhiatna leh kan thatpui lohna laite chu dahtha-in chhungkhat pa pakhatin Zu avanga a nunna a chan lo ta ringawt pawh kha thil lawmawm tak chu a ni hrim hrim. An nawrna avanga khap ni si kha sawrkar leh tlawmngai pawlin mawng vawm ba ang hrim a an thawhrimpui laiin a nawrtu ber kohhran erawh a ngawi daih thung a. Zu in vang emaw, zawrh vang emaw, Zu khapna dan bawhchhiat vanga thubuai nei, hremna tawk leh thiam loh chantirte pawh kohhran dan pawnah a hnawl chuang lem hlei lova. An thawhlawm thawh pawh hriat hran theih a ni lova, thliar hran theih a nih loh chhuanlam ni awm fahranin thilpek chi hrang hrang, sawm a pakhat thlengin a dawng hmiah hmiah a. Kohhran thilpek tlingkhawm hmanga Zu zuar emaw ei zawnna neih leh tak dante hian ram leh hnam hmangaihtute ngaihtuahna a khawih lo thei lo.

Atirah chuan Zu hi khap a ni lo tihna a ni lo. Zu hian englai mahin khawi hmunah mah zalenna tak tak a nei lo. Dan leh inkaihruaina mumal tak nei a kalpui zel a ni zawk. Mizoram pawh hian tuan-leh-mang atang tawhin Zu hi a hmelhriat tawh a. Tlawh pawh loh hnam mawl nia thing bul lung bul bia a ramhuai hnena inthawina kan hlan lai atang daih tawh a hmelhriat kan ni. UT leh Sta han nih tak veleh Zawlaidi chu beer ni tura duan leh ruahman ni si kha 14% zet alcohol telna a lo ni ta a. A hming tur hi official a an record dan ka hre lem lo na a, winery atanga chhuak wine dik tak a nih hmel ta zawk tlat mai. Seventh Day Adventist kohhran phei chuan kum 2010 kum laihawl vel khan Zu dik tak a ni tiin an kohhran chhungah Zawlaidi zuar, in leh hralh phalna nei te chu kohhran dan kalh an ni tih an puang ta a. Mizoram Kohhran Hruaitu Committee (MKHC) hnenah pawh zualkovin Zu a ni tia kohhranten an puan ve theih nan hma an la ta hial reng a nih kha.

Chutiang thute chuan kan tualchhung chanchinbute an tial tuktin deuhthaw lai chuan khawchhak lam atanga lak luh Zu chi hrang hrang leh Zu a ngaih lem loh, zawrh leh in pawh tuma'n an inthlahrun hauh loh beer thenkhatte nen lam excise te chuan an man leh ta ruih ruih mai a. Zu leh beer thenkhat 5%-10% alcohol telna te nen lama an man laiin 14% alcohol telna Zu an siam mup mup lawi si. Zu anga ngaih a nih chuan hralh a kal loh an hlau nge ni kohhran mitmei an veng tih pawh hriat lohvin Zawlaidi chu siam phalna nei tura dan tihdanglam a nih tirh atang reng khan 'beer' anga sawi than a ni a. Tualchhung chanchinbute pawhin 'Zawlaidi beer' tiin an ziak thin a. Thla a vei leh meuh chuan 'beer' tih thumal telh tawh lovin Zawlaidi tiin an ziak mai a. 14% alcohol telna a nih thu erawh an la ziak uar hle thung. Zawlaidi chu Zu a ni emaw ni lo emaw, Zawlaidi lo chu Mizoram sawrkar hian zawrh leh siam, sumdawn nana hman leh mitinte tana in a khap bur mai tihna a nih chu.

Kan ram hruaitu 70% vel zette hi chu kohhran upa leh kohhran/khawtlanga mi inhmang, mi zah kai, kawng tinreng a mite entawn an ni a. Anni berin 14% zet alcohol telna Zawlaidi siam phalna siam a, zawrh leh lei, in leh sumdawn nana hman theih tura an phalrai ta mai hian mite ngaihven a hlawh hle. Mizoram economy a nghawng vang a ni ngei em tih chiang chiah lo mah ila, sap tawng chanchinbu lamin an ziah dan tlanglawn ber nia ka lo hmuh ve dan chuan Zu khap burna ram, Zu awm lohna ram (dry state) leh kristian 100% inchhal ramin Zawlaidi beer a siam, tih hi a ni. September 7, 2010 khan State Prohibition Council, an chairman Excise & Narcotics Minister JH Rothuama hova thukhawm chuan Mizoram-a zu khap burna dan kum 13 lai hman tawh ‘The Mizoram Liquor Total Prohibition Act, 1995’ chu a hlawhtlin leh hlawhtlin loh te, siamthat ngai a awm em tihte zir chiang turin Study Group din a. He Study Group hian rilru a tinzawn neiin hmalak a tum em tih chu puan hnuai thil a nih avangin hriat a ni hauh la nachungin, "Mizote u, Zu khapna dan kan hlih loh vek paw'n kan tizalen dawn, lo inring rawh u," an tihnaah kei chuan ka ngai hmin hmiah.

He Study Group hian statistic behchhanin zirchianna te pawh a nei tel ngei turah ngai ila. Kohhran leh khawtlang hruaitute, tlawmngai pawlte mar dekin an duhdan leh ngaihdan a khawnkhawm dawn a nih pawhin, danglamna a awm chuang lo, hun kal tawh a thilthlengte leh statistic kan neihte kha kan behchhan lo thei lovang. Ngaihdan siamtute, ngaihdan mumal tak lo nei lawk tawhte pawhin chu tho chu kan behchhan a, chumi lungphum atang chuan ngaihdan kan nei chauh zawk a ni. Thil lo la thleng tur chungchang sawi kan ni lova, kan lo tawnhriat tawh leh thil thleng mek a nih avangin innghahna lungphum nei fumfe lova ngaihdan lo neih (leh sawi) ngawt pawh mi huihphai lam nihna a ni hial ta ve ang. Chuti a nih si chuan,kan statistic neihte bechhanin i han zir chiang lehzual dawn teh ang:

The Zozam Times chuan September 8, 2010 chhuakah khan tihian a ziak a:
Kum 14 chhungin zu vanga thi 55
Excise & Narcotics department record-a a lan danin, zu khap burna dan (MLTP Act) hman a nih hnu, kum 1997 atanga 2010 inkar chhung khan zu leh a kaihhnawih thil avangin mi 55 laiin nunna an chan tawh.

Record-a a lan dan chuan zu thihpui tam ber mi 36 te chu Methyl Spirit vang a ni a, a chhan hriat chian loh 14 awmin, zu ina pathedine tel vanga thi 2, Burma zu tia sawi thin BEDC vanga thi 2 leh Methanol vanga thi 1 an awm. Kum 2001-ah khan zu avanga thi tam berin, mi 14 laiin an thih phah nia hriat a ni.

Zu vanga thi te hi mipa 48 leh hmeichhia 7 niin, record loh engemawzat awm ngei tura ngaih a ni bawk. Kum 1997 hnu-ah hian 1998, 1999, 2002, 2009-ah te chuan zu vanga thi awm lo anga record a ni.

Thudawnna pakhat chuan zu leh a kaihhnawih vanga thi, an thih chhana zu puh chiah si loh engeawmzat an awm ang tih hi a rinhlelhawm lo khawp mai, a ti.

Kum 26 chhunga ruihhlo vanga thi 1182
Mizoram Excise & Narcotics department chuan kum 1984 atang khan ruihhlo leh a kaihhnawih vanga thi (drugs related death) chhinchhiah tanin, kum 2010 thleng (kum 26 leh a chanve) chhungin mi 1182 an thi tawh a. Heng zingah hian hmeichhia 121 telin, kum 2010 bikah ruihhlo leh a kaihhnawih vanga thi mi 14 an awm tawh.

Ruihhlo vanga thi ten an thihpui tam chu Spasmo Proxyvon leh Parvon Spas a ni a, 1082 an ni. Mi 83 te chu Heroin vanga thi niin, ruihhlo dang tihpawlh - diazepum, dendrite, ganja, zu, peptica leh cough cyrup vanga thi 7 an awm bawk. Kum 1984 atang khan kumtin mi 45 vel thi ziah ang an ni.

Zu atangin ` nuai 138 chuang lalut
Mizoram sorkar chuan kumin (2010) August thla thleng khan zu chhiah (State Excise) atangin Rs.138,31,156/- a lalut a, heng zinga Rs.119,28,636/- chu Mizoram-a sipai awmte tana zu lakluhna fee te niin, a dang Rs.19,02,520/- chu zu mansak avanga pawisa chawitir (fines & confiscation) atanga hmuh a ni.

Excise & Narcotics department chuan kumin August thla thlengin zu (Country Liquor) litres 30305.180 an man tawh a, zu bilh lai tin 60851, dawidim Kg 419.455, IMFL (Indian Made Foreign Liquor) um puitling 17272 bakah um tenau chi hrang hrang engemawzat bakah beer, Myanmar zu thahnem tak an man bawk.

Thla 8 kalta chhung vek khan zu thlawrna bel 774 leh a dahna plastic bur 77 man a ni tawh a, zu phurhna atana hman Two Wheeler 30, Three Wheeler 7, LMV 92 leh HMV 3 man tawhin, MLTP Act 1995 leh Mizoram Excise (ME) Act 1995 hmanga thubuai siamsak mi 2192-ah heng dan hmanga thubuai siamsak chu 1920 an ni. ME Act 1973 hmanga man mi 262 te chu thubuai siamsak an ni a, foreigner 95 zet man tel an ni bawk.

Police lam pawhin man an nei nual a, thla 8 kalta chhung khan zu litres 1615.500, zu bilh lai tin 7 chuang, IMFL um 960 chuang leh Burma zu um 5 bakah MLTP/ME Act 1995 tlawhchhanin mi 559 an man a, heng zinga 319 te chu thubuai siamsak an ni, tiin.

Heng statistic-te hian chiang taka min kawhhmuh chu, Zu khap burna dan kan hman hma leh hnuah Zu avanga thi zat punna leh kiamna langsar tham a awm lo. Mahse, tlawmngai pawlin Ruihhlo Do kum an puan achinah erawh Zu avanga thite uluk taka chhinchhiah an ni a, an tam lo hle tih a lang chiang. Mahse, Zu avanga thi an tlem viau laiin ruihhlo (Zu anga in ni lo, inchiu, zuk, hnim etc) avanga thi erawh an pung hluai thung.

Mizoram Excise & Narcotics department sum lak luh a pung hluai a, chhiah emaw revenue emaw pung hluai siin mipui nawlpuite economic dinhmun erawh a ziaawm phah chuang hauh si lo. Zu chhe in vanga thi an awm kan hriat ngai miah loh kha kan hriat thar phah a, mualpho lo taka Zu in thinte pawh Zu zawrhna vengah hmuh tur an tam phah a. Mualpho phah ngial ngial pawh an awm nual hman awm e. Mahni In lum a in ngam lova feh chhuak an nih avangin hmeichhe zu in an tam phah a, KS leh mi hnuaihnungte an pawngpawrh a. Sawn pai an tam a, fahrah an pung a, uire leh hmeithai an pung bawk. Hengte hi Zu hnathawh ka ti lova, Zu khap burna dan hrin chhuah ka ti hek lo. Mahse, Zu nena inkaihnawih avanga thilthlengte erawh an ni chiang khawp mai.

Mizoram Excise & Narcotics department-in Zu atangin cheng nuai 138 chuang an la lut a. Zu avanga mipuite retheih phahna leh an senso riral zat erawh kan ngaihthah lui tlat a. Heti zawng hian han chhut ve teh:

Mizoram Excise & Narcotics department-in zu an mansak te pawisa chawitir (fines & confiscation) atangin Rs.19,32, 798/- leh zu kaihhnawih thil dang atangin Rs.3,34,030/- nen a vaiin Rs.2,04,34,436/- chu mipuite sum hloh (lost) a ni a. Thla 12 chhung January-December 2009 khan Mizoram chhunga zu siamchawp (country liquor) chu litres 53887.290 man a ni a, zu bilh lai (fermented rice) tin 130163 leh tin chanve bakah dawidim (yeast) kgs. 439.787 man (seized) a ni. Zu funte khat an tih mai thingpui no hnih vel hi cheng 100 a ni a. Litre khat chu funte 4 ang zel a ni a, chu chu cheng 400 man tihna a ni. Litre 53887 chuang an man tawhte kha cheng 21,55,48,00 chuang man tihna a nih chu. Zu bilh nan hian buhfai, chini, dawidim leh a bilhna hmanrua eng emaw zat bakah a thawktu thawh hlawh (ni khat a hlawh zat atanga chhutin) a ngai a. Tihdanphung pangngaiah chuan Zu bilh tho turin Ni 3 tal nghah a ngai bawk. Chu chu thlawr lehin hralh sum a chantir nan tha leh zung tam tak bakah sum eng emaw zat sen a la ngai lehnghal. Buhfai leh chini man te chu kan hre theuh awm e. Zu bilh lai tin 130163 an tihchhiat avanga mi retheiten an senso zat (Zu chhumtute ka zawh atanga ka chhut danin tin khat senso hi Rs. 200 vel zel ang a ni a) chu Rs. 200x130163 a ni a, cheng 26,03,26,00 zet a nih chu!

Sap zu avanga sum hlohte chu keini lo chhut ve vak pawh ngaiin ka hre lem lo. Mahse, Mizote ngeiin a ruk a ral a ralti tak chunga an thawhrimpui ve em em atanga chhut pawhin cheng 47,58,74,00 zet kumtin a rilral a. Man an nih avanga an chawi te, ukil rawihna leh fine (confiscation) vanga an sum sente nena belhkhawm phei chuan a tlem hauh lovang tih a chiang reng. Zu chhe in vanga thi ta te nunna hlut zawng leh zu in tur an hmuh loh avanga ruihhlo bawih a tang, an nunna chan ta si te nunna hlutna nen lam khan sum a chantirin kan belh leh dawn em ni ang? Hei hi lo hre teh u, MLTP Act hman avang leh tlawmngai pawlten ruihhlo do an puan hma khan Mizote hian ruihhlo an zawng ruai ngai lo, tih hi!!! MLTP Act avanga hlawh neia sawrkar mi rawihten an man avanga miretheite sum luang ral zozai hian hlutna a nei lo em ni dawn? A thei fate chuan a senchi ngat zantin an in thei a, file a fel taka ziak a an chheprelh zel zel laiin eizawnna mumal nei lo miretheite hian heti zat hi sum an hloh kumtin a, chu chuan Mizote leh Mizoram economy hi a nghawng lo turah kan ngai em ni? Zawlaidi chauh siam, zawrh leh lei phaltute hian tualtevanglai ata tawh a Mizote duh ber Zufang, Tinzu, Rakzu, Zupui leh a dangte eng chen nge an khap dawn?

Rangvamual leh Phunchawng vela Zu sa, siam leh zuar an mante khuan kamding nia pisa kaia hlawhbi thahnemtham tak lak hi an duh ve tho lovin i ring em ni? An retheih luat vanga hetianga man hlau zek zek chunga khawsa reng hi an nih i ring miah nange? An zu bilh lai emaw, an zawrh lai emaw kan man sakte hian an thla khat economy a nghawng chhe vek a, leiba rulh sen loh nen hma thar an lak that leh zel a ngai tih kan haider sak lui reng dawn em ni? Inrenchem tak leh puk chawp a zu an bilh emaw an sak lai emaw tihchhiat leh man sak emaw an nih hian an kum khat planning a buai vek a, an economy a tlachhe ngun bik hle tih kan hre lo lui talh reng mai hi chu a ringtu zia vak lo. Biakin sak nana cheng nuai 400 chuang loan puk thei vengtin kohhranin a kut a kuangkuah a, vaibelchhe eng emaw zat world bank atang te a loan la thei sawrkar ber lahin man a thubuai siam sakin mit mim tluk zetin a ngaimawh lehnghal. Mizote chhiah tlingkhawm tamzia leh sawrkar hnathawkte hlawh tamzia kan hria. Kohhran sum lak luh tamzia leh mi hausate sum ngahzia lah kan hai lo. Chutihlaia thenkhat tana Zawlaidi hmanga Zu zawrh, in, lei leh siam phalna pe a, mi rethei tam zawkte tihve theih tawk kan khap tlat lawi si hi chhuanchham rorel ze duhawm loh tak niin ka hria.

Lo ngai reng mah rawh u, tunah emaw nakinah emaw chuan Zawlaidi atanga Hnahlan leh Champhai wine emaw beer emaw siam chhuah hi ZU tiin kan la hnualsuat ve vat ngei ang, tun ang renga 14% zet alcohol an telh reng phawt chuan. Chutih hunah chuan society a ni emaw ni lo emaw, kohhran hruaitute chu Zu sa, siam, in, lei leh hralhtute an ni tawh ang a. Zu chi khat a ni dawn chiang tih mithla lawk sa reng chunga siam phalna petu mipui thlan lal minister te, law department ami te pawh angkhat a teh leh bukin an awm ang, kohhran a mi inhmang tak tak, upa leh mi thahnemngaite vek an ni hlawm si a. Anni hian, nia, anni ngei hian alawm thenkhat a Ni sattir a thenkhat a ruah surtir chu. Chu chu a takin a lo la lang thuai ang.

Chutih huanah chuan tumahin Zu an in tawh lovang a, Zu an rui tawh hek lovang. Zawlaidi in leh rui an ni ang a, mite ruih duh lova khaptute vekin chutiang siam phalna chu an pe a, chu mite avang vek chuan Mizote zingah 14% alcohol in te lek lek chu intihtheih nan tak kan la hmang ang. Sawkar berin a phal a, kohhran lahin khap a tum tlat bawk si lo. Mahse, hei hi lo hre ve teh. Mahni tuh rah theuh kan sengna khawvel a ni a, anni ni lovin a intute bawk khan asin thiam loh chang dawn! Anni chu an ke-le-awl hlauh ang a, min hmusitute an la ni zawk hlauh dawn si. Chu chu khawvel zia a ni a, hringnun kalphung a ni tlat bawk. Assembly hall dawhkan chumin, thenkhatin pulpit chumin Zawlaidi rui lo turin min sermon khum ang a. Siam phalna pe a, zawrh sum a chantir tura dan tidanglam tute an nih an sawi lang tawh lovang. Sawm a pakhat a luh that chhung chu Grape Winery siamtute khap ngam hawt si lovin pulpit tlang atangin kohhran mipuite min khap leh ang a. Kan sim leh sim loh lam an ngaihtuah dawn lo, sawi kha an thiltum a ni a, an sawi tawh ber chuan a sawitute chu an lungawi leh then mai dawn alawm.

Zawlaidi bur 3 vel pholangin a rukin funte, pehteh, tikte, whisky leh rum tihvel lek lek zawng a thei fate chuan an hralh leh hem hem ang a. Mahse, tumah Zu in leh rui an awm lovang, Zawlaidi in leh rui vek an ni hlawm khawm dawn tlat si alawm. Hetianga 14% zet alcohol telna kan ti zalen dawn a nih rau rau chuan, kei chuan, mi rethei leh chhumchhia zawkte tih theih tawk zu sak dan chi hrang hrang leh an product-te pawh hi dan chhungah seng lutin zalen taka siam, zawrh leh in kan phalsak turah ka ngai.

President Pi Pratibha Patil Aizawlah

India President, Pi Pratibha Patil chuan beisei angin vawiin chhun dar 12 khan Indian Airforce (IAF) thlawhna lian hmangin Lengpui Airport a rawn tum ta a. Lt. Gen. (Rtd) M.M. Lakhera Governor, Pu Lal Thanhawla, Chief Minister, Pu Van Hela Pachuau, Chief Secretary leh mi pawimawh dangten an lo hmuak a, lawmna parthi an lo hlan a ni.

Lengpui Airport ah hian President hi Mizoram Police Platoon 5 leh an Commander Pu Rex Zarzoliana, Additional SP Lunglei ten Guard of Honour mawi takin an lo pe a, hemi hnu hian President chu, Governor, Chief Minister leh Chief Secretary te nen Thuampui Helipad lam panin chawhnu dar 1 ah IAF Helicopter in an thlawk chho leh ta a, Raj Bhawan ah mi pawimawh te nen vawiin hian hun an hmang leh dawn a ni.- IPR & misual.com

Mizoram Sorkar kum kal meka sum ruahman belh House-in a pawm

Serchhip 23rd Sept. 2010 : Mizoram Legislative Assembly neih mekah nimin khan kumin sorkar kum chhunga hman tur sum ruahman belh leh kum 2004-2005 atanga 2007-2008 thlenga ruahman bak sum hmanral rulh letna tur chu sawi hova pass a ni.
Kumin sorkar kum kal meka sum ruahman belh ‘Supplementary demand for grant’ hi a vaiin Rs. vaibelchhe 568 leh nuai 89 a ni a. Hemi rual hian kum 2004-2005 atanga 2007-2008 thlenga ruahman bak sum hmanral rulhna tur Rs. vaibelchhe 378 leh nuai 17 pawh House chuan a pass tel nghal a ni.
Budget sawihona tlangkawma member-te hriat chian loh laite sawi fiahin, House Leader Pu Lal Thanhawla chuan, NLUP tanpuina sem har a nih chhan chu mipui zawk an inpeih loh vang tih House a hrilh.
NLUP chungchang sawiin, Pu Lal Thanhawla chuan NLUP tanpuina dawng tur ten an hlawhtlinpui ngei an duh avangin an dawnthleng tih ngil sak an ngai a, chu chuan hun a duh hrim hrim a ni a ti a.NLUP tanpuina sum chu budget-ah an dah a ni tih hriat vek a nih thu sawiin, kumin NLUP kalpui nan Rs. vaibelchhe 300 chuang a awm a. A sem leh dawn inkarah chuan a pek mai theih a, amaherawhchu a dawngtu turte rilru buatsaih bakah a kengkawhtu tur sorkar hnathawkte rilru buatsaiha a kalphung tur zirtirna pek an ngai bawk a. Hei vang hian a khawtlai phah ta a ni a ti.NLUP chu sem leh dawn ringawt a nih loh thu leh a dawng turte lei rem rah tira khaw eng hmuh tir ngei an duh tih sawiin, Pu Lal Thanhawla chuan, tunah mipui an inpeih thawkhat tawh nia a hriat thu a sawi a. Hetihlai hian a then inpeih lo nia an hriatte chu an pe lo ngam dawn tih sawiin, MLA Pu C.Ramhluna’n a bial fannaa mipui ten Rs. nuai khat an dawn loh chuan an la dawn lo nia sawi awmte chu ti ti tlangkam atanga a hriat House a hrilh chungchang chhangin, chutiang mite chu an la inpeih lo a ni a ti a. An dawng lo mai thei a, dawn tir loh pawh an ngam dawn tih Pu Hawla chuan a sawi bawk.
Zawhna leh chhanna hunah Industries Minister chuan sorkar enkawlna hnuaia public undertaking thenkhat MIFCO, ZIDCO, ZOHANCO leh a dangte chu a tirah sorkar-in sum tam taka bul a tante an ni a, engemaw thawk chhuak tura sorkar sum pekte peipung tura ngaih an nih laiin nasa takin sum an hloh mek a ni a ti.

Tualchhung

Legal Awareness buatsaih
Vawiin khan Serchhip Dist. Legal Services Authority leh MZP Hqrs. Ser chhip tangkawp buatsaihin Govt. Serchhip College ah Legal Awareness Campaign neih a ni a. Hetah hian MZP Hqrs. Serchhip Lalramnghaka Kawlni-in Care & Protection of Children & Women tih Paper a buatsaih leh Serchhip Times Editor Kapliana Pachuau-in Inner Line Permit chungchang Paper a buatsaih chu an zirho.

Faina Hapta hman dan rel
Kumtina lo hman thin, October ni 2 atanga Faina Hapta hman turah Veng, School leh Office fai thlan an ni leh dawn
Serchhipa Faina Hapta hman dan tur chungchang hi vawiin (21.9.2010) khan DC’s meeting room-ah Bawrhsap Pu Darzika hovin rel a ni a.Faina Hapta hawnna hi Chhiah tlang, New Serchhip leh Serchhip Bazar-ah te neih nise an ti a. A hawnnaa tel tur hian Chhiahtlangah Pu Malsawmtluanga BDO, New Serchhipah Dr.Malsawma CMO, Serchhip Bazar-ah Pu H.Darzika DC te ruat an ni.
Hapta hawnna inkhawmah hian YMA Branch kal thate lawmman siam tum a ni bawk.
Veng fai endik turin MJA,YMA leh DLAO te ruat an ni a. College leh High School fai endik turin -DEO, Middle School endik turin SDEO, Primary School endik turin DIET, sorkar Office endik turin MHIP leh MUP, Hotel leh Restaurant endik turin CMO te ruat an ni.

Car chesulah hliam
Vawiin khan Bungtlangah Maruti car MZ-06 1256 che sualin, thi erawh an awm lo. He car hi Serchhip Saron Venga Pi Zachhingi te ta niin, Lalramliana s/o Thanghnuna Keitum ami khalh a ni a. An chetsualnaah hian Pi Chhingi fapa John Lalruatkima(tetea) pawh telin, hliam a tuara, Ser chhip damdawi Inah enkawl mek a ni.

Serchhip Dist. HIV+ 85
Serchhip District-ah HIV/AIDS vei mi 85 an awm mek. He thu hi niminpiaha MHIP Drop-in-centre hnuaia hnathawktu ten khawtlang leh NGO hruaitute an hna thawh phung an hrilhnaah tarlan a ni a. HIV+ mi 85 zinga mi 14 chu Thenzawl Drop-in-centre atanga hmuhchhuah an ni.

Sorkar hnathawk hlemhletna laka khuahkhirhna dan thar House-in a pawm

Serchhip 21st Sept. 2010 : Mizoram Assembly session ni 2-na, vawin khan sorkar hnathawkte hlemhletna hrang hranga inhnamhnawih theihna laka venna tur ‘The Mizoram public servant personal liability bill 2010’ chu lungrual taka pawm a ni.
House-a he bill puluttu Finance changtu Chief Minister Pu Lal Thanhawla chuan he bill hmang hian sorkar hnathawkte zinga thuneihna hman dik lohnate, hnathawh tur inpek, supply order inpekte bakah MoU hrang hrang ziaknaah thil dik lo awm thei venna a nih thu a sawi a ni. Hemi hnua sawihonaa bill chungchang sawitu member 9 te chuan he bill hi tha an tih thu an sawi vek a. Bill pass remti lo tumah awm lovin he bill hi lungrual taka pass a ni.
PWD changtu Pu Lal Thanhawla chuan PWD MR nikuma hlawhsan avanga ban, skill down emaw arear pek loh an awm emaw hriat a ni lo tih nimin khan House a hrilh. Zawhna leh chhanna hunah he thu hi sawiin, Pu Lal Thanhawla chuan PWD hnuaiah MR ban chu an awm zeuh zeuh reng a, kuttlinglova sum la lut duhte, intih milen duh vanga MR lo chhawr chu bansak an ni fo tih sawiin, In satu-in In a sak zawh tawh chuan a hlawhfa rawihte a ban mai thin ang hian centrally sponsore scheme - SSA zirtirtute pawh an thawh hun chhung a tawp chuan ban tir mai an ni thin a ti a. Sum awm se chuan PWD hotute chuan MR tam tak chhawr an duh a, an ban takte pawh an lainat loh vang ni lovin sum awm loh vanga ban an ni ber a ni a ti.

NLUP thla thar October-ah pek fel tum a ni Khaw inpeih tawhte pek an ni tawh - CM

Serchhip 19th Sept. 2010 : Chief Minister Pu Lal Thanhawla chuan, miretheite khai chhuahna tur programme NLUP thla leh October thlaah pek fel tum a ni a ti.
Inrinnia Aizawla Press Conference a neihnaah he thu hi sawiin, Pu Lal Thanhawla chuan, tun dinhmunah NLUP dawng tur khaw inpeih tawhte chu pek an nih tawh thu a sawi a. Haulawng tlangdung chuan NLUP hi an dawng tawh a ni a ti a. Dik taka hman a nih theih nan tehna chi hrang hrang hman tur a ni tih sawiin, Lunglei Dist. chuan tih that ber an tum an sawi thu a tarlang a, a ti tha te chu lawmman pek ngei an ni ang a, District a ti tha ber, MLA bial, Village level leh mimala ti tha ber thlanna neih a ni dawn tih a sawi bawk.
Chief Minister hian tunhnaia USA-a a zin chungchang thutharlakhawmtute hi hrilhin, Mizo Day a hmanpuinaah Mizo hnahthlak tam tak chuan Mizoram hmasawnna atan an theihna zawnah tanpui an intiam thu an sawi a ni a ti a. Mizoram hmasawnna kawnga tanpui tura World Bank hotute a kawm chungchang pawh sawiin, hriselna lam, kawng sial leh ni zung leh thli chakna hmanga kawlphetha siam chhuah tura hmalakna an sawiho tih a sawi a. Sairanga Rel lut tura ruahman mek chu kum 2014 ah peih fel theih turin Railway authority kutah dah a ni a ti bawk.

IHSDP hnuaia In sak tanpuina sem chhuah a ni

Serchhip 17 th Sept. 2010 : Nimin khan DC’s Conference Hall-ah Serchhip Town-a IHSDP hnuaia EWS Housing scheme-a In sak tanpuina sem chhuah inkhawm neih a ni.
He hun DLAO Pu ST.Lalhmingmawia kaihhruaiah hian thu sawiin, Dist. Bawrhsap Pu H.Darzika chuan, tun hmain In sak tanpuina chu pek chhuah a lo ni tawh thin a, amaherawhchu amamawh tak tak ni lo ten an dawn thin avangin tangkai taka hmang lovin, a hman lohna turah sum hmanral a ni thin a. Tun tumah chuan ruahmanna fel tak hnuaia kalpuiin, a thlan tur dik tak an thlang a nih chuan a hlawhtling dawn a ni a ti.
Pu Lalhmuliana Jt.Director UD&PA pawhin hetiang sum hi kan lo hmang dik lo tawh thin a, tun tumah chuan dik taka hman tur niin, cheng khat pawh thil dangah hmanral a rem lo a ni a ti. He hunah hian Pu J.Laldingliana AE, UD&PA chuan sum kal leh hman dan bakah In sak dan tur phung tarlangin, a sawifiah nghal bawk.
IHSDP hnuaiah Serchhip tan In 350 sak tura ruahman a ni a, tun tum a thawhkhatnaah hian mi 50 thlang chhuakin, an Bank account-ah Rs.50,000 theuh dah sak an ni a. Heng sumte hi an awmna VC bakah LAD hotute hriatpuina hmang chauh lakchhuah theih a ni dawn a ni.
He Insak tanpuina hi a vaiin Rs. 1,57,000 niin, a In neitu in Rs. 6300 emaw a hen tawk tha emaw a thawh ve a ngai dawn a ni.

Tualchhung

Vantawng Icon 2010
Anti-Tobacco Vantawng Icon 2010 nimina result puan takah C.Zodinthari d/o C.Thangliani Serchhip Dinthar Veng chu Vantawng Icon 2010 niin, lawmmanah Scooty a dawng. 2-na Mimi Lalruatsangi Khawlailung chuan lawmman Rs. 10000 a dawng a, 3-na R.Lalruatkima Serchhip Hmar Veng chuan Rs.5000 a dawng bawk.

Rul chuk Minister-in ral dawn
Vawiin chawhma dar 11 hian Serchhip Town Hall-ah Forest Minister Pu H.Rohluna’n tunhnaia rul chukhlum tak Pu Vanlalnghaka chhungte hnenah ralna sum a hlan dawn.

Zobawm Festival
Art & Culture Deptt. leh Dimapur NE Cultural Centre tangkawp buatsaihin nimin khan N.Vanlaiphaiah Zobawm festival, BADP sum hmangin neih a ni a. Hetah hian Tuichangral YMA Branch leh MHIP Branch ten hnam lam leh zaite an entir a ni.

Tualchhung

In sak tanpuina sem dawn
IHSDP hnuaia EWS Housing scheme atanga In sak tanpuina dawng tura thlan te tanpuina chu vawiin hian DC’s Conference hall-ah inkhawm buatsaihin sem chhuah a ni dawn.

IOC-ah petrol awm lo
Serchhip IOC Petrol pump-ah nimin atang khan petrol pekchhuah tur a awm lova, lirthei engemaw zat a nghawng nghal a. Hetihlai hian hmun dangah a man tova lei tur erawh a la awm.

Chhawmdawlna ruahman
Tunhnaia Mat lui lianin a tih chhiat buhbal neitu, VC leh Dist. thuneitute hnena in-report chu a theih anga chhawm dawlna pek tura ruahman mek a ni.

Lawrkhawm

MIFCO hlawh pe chhuak
MIFCO hnathawkte thla 7 hlawh tur Rs. nuai 160 chuang nimin khan pekchhuah a ni. Sorkar-in MIFCO chhanchhuahna Rs. nuai 250 a ruahman chu Assembly session neih tura supplementary demand-a tel tur a ni a, amaherawhchu heta tang hian MIFCO hnathawkte hlawh tur lo pek lailawk a ni rih nia sawi a ni.

Mizote dahkir phawt phut
Mamit Sub-Hqrs. YMA Confe rence Reiek khuaa neih mek, nimina rorel inkhawm chuan Bru raltlante Mizorama an kir leh hma ngeiin Bru ten an umchhuah Jampui tlang dunga Mizote chu Central sorkar-in zangnadawmna pe-in, an hmun hma chhuahsan ngeiah dah kir leh rawh se tiin an rel a. Mamit Dist. huamchhunga Mizoram ramri chin ti chiang tura hmalak leh Mizoram atanga tlanchhua Bru-te chu an tu leh fate nen chauh lak kir an nih theih nan sorkar-in Group leh Branch YMA te hriatpuina ngeiin rua hmanna siam rawh se an ti bawk.

NIIT Aizawl Centre hawng
Nimin khan IT Minister Pu Zo dintluanga’n NIIT Aizawl Centre, Chanmari ami chu a hawng a. Minister chuan NIIT Aizawl Centre chu tunhma lama lo din tawh niin, hun reilo te ah a tawp ta mai a, tun ami midangten an din chu chutiang a zuzi mai lo turin a chah a ni. Minister chuan Mizoram thalai te chu Information Technology lamah an tuihal a, zirna tha an mamawh a tiin, NIIT Aizawl Centre hotute chu Mizoram thalai te 'quality IT zirna' pe turin a beisei thu a sawi bawk.

Exhibition neih rel
Nimin khan Pu Vanengmawia, Secretary to Governor hovin Raj Bhawan Durbur Hall-ah September 23-24 chhunga Mizorama lozin tur India President Pi Pratibha Patil dawnsawn dan tur sawiho a ni a. Hemi pual hian Raj Bhawan-ah Handloom & Handicraft Exhibition, Flower Expo leh Civic reception neih nise an ti.

Bansan turin ngen
J&K chungchang ngaihtuaha thut khawmnaah Prime Minister Dr.Singh chuan Kashmir phai ruama buaina chhuak thin tih tawp a nih theih nan sorkar chu mimal leh pawl hrang hrang nen inbiak a inpeih reng a, buaina a reh theih nan tharum thawhna bansan turin a ngen bawk.

Tualchhung

Hindi Diwas hmang
Nimin khan Serchhipa Hindi zirna school pakhat, Dinthar Hindi School chuan nilengin Hindi Diwas an hmang. Hindi Ni hi he school zirlaite hian zingkarah aSchool ah hmang tanin, intihhlimna hun an hmang a, hemi hnu hian Field-II ah volleyball hmanga inelna neiin, tlaiah zanriah an kil ho bawk.

Serchhip-III VEC thukhawm
Serchhip-III Village Education Committee chu nimin khan an Chairman Serchhip-III VCP Pu Lalramliana Sailo hovin an thukhawm a. Govt. Modern Middle School leh Chhim Veng Primary School-te chu English medium school-a let turin kalpui nise, heta tan hian school 2 te duh dan ngaihchan leh phawt nise an ti a. Govt. Modern Middle School-a class-VIII building sak tur chu School manage ment comtt. kutah dah nise an ti bawk.
Sorkar ruahmanna thar angin Class-VIII chu Middle School-ah beh tir a ni tawh dawn a, hemi ang hian Serchhipah chuan Govt.Modern School, Model, Govt. New Serchhip Middle School-te chhu Class-VIII zir theihna atan thlan an ni.

Rul chuk Minister-in ral dawn
Tunhnaia Serchhip Dinthar Veng sanga Rulngan nia sawiin a chuk hlum tak Pu Vanlalnghaka chhungte chu Forest Minister H. Rohluna chuan tunkar Zirtawpni hian a ral dawn a, ralna pawisa a pe ang.

Ruahsur avanga leiminah Aizawl nula leiminin a chhilh hlum

Serchhip 14 th Sept. 2010 : Nimin chhun khan Aizawl Tuikual South, huam chhung Tuikual ‘D’ mawng lama Pu HB.Lalramtiama fanu, nula Laltanpuii (33) an kawt tuikhura tui chawi tura a chhuah laiin, kawng chhak leiminin a hnawl a, lei tawlh hian a taksa a chhilh vek avangin a kiang hnaia awm ten an haichhuah chuan chhan tlak lovin a lo thi hman tawh a ni.
He leimin hian nunna chan ta, Laltanpuii te In pawh a ti chhe nual a, hei bakah hian Pu Lalhmangaiha In bang chhak lam delh chhiain Inchhungah tui leh lei a lut hnem hle bawk.
Disaster Management & Rehabilitation Minister Nihar Kanti Chakma chuan Aizawla ruahsur vanga chhiatna thleng tharte hi a hmuna tlawhin a enfiah nghal a. Chhiatna tawkte leh khawtlang hruaitute kawmin hmalak dan tur leh tanpuina pek theih dan turte a sawipui bawk a ni.
DM&R Minister hian Kanan Veng (Middle Kanan)-a leimin a tlawh hmasa ber a. Khawtlang hruaitute leh chhiatna tawkte kawmin hnatlang thingpui inna tur a tum sak bakah silpaulin bundle 2 a pe bawk. Kanan Venga leimin hian Kanan YMA Vice President Pu Laldawngliana Tochhawng leh Pi Thanveli te kawtah kawng a dang ping a, a thlanga Pi Thanveli inluah chhungkaw 2 leh a chhaka Pi Kawlhnuni in luah chhungkaw 5 chu an inthiar chhuak nghal a ni.
Leimin hi khawtlangin hnatlangin an thian a, a thenfaina atan hian bialtu MLA Brig. T. Sailo chuan JCB hmanna a tum bawk a ni. DM&R Minister chuan PWD hotute nena sawi hova a rang thei ang bera hmalak a tum thu leh khawtlang hruaitute thawhpuina a mamawh thu a sawi a ni.

Mahni intihhlum - damlohna chikhat Kuminah mi 67 mahni inti hlum an awm tawh

Mahni intihhlum thihna dawihzep leh demawm, vanram pawh kai tlak lova ngaihna rilru pu Mizote zingah an la awm chu nuaibo a ngai tih mahni intihhlum chungchang zirhona nimina Aizawla neihah tarlan a ni. New Life Charity Society-in media lama thawktute tana mahni intihhlum venna leh rilru lam hriselna chungchang zirtirna nimin khan buatsaihin, hetah hian hemi lama mithiamte chuan khawvel zau zawkah mahni intihhlum duhna rilru chu damlohna chikhat anga ngaia, a invenna lam pawh kum 50 vel zet an kalpui tawh laia Mizo ten thihna dang anga an la pawm theih loh thu tarlangin, hei hian an kalsan tak an chhungte tan hrehawmna leh lungngaihna tam tak a thlen thin a ni an ti a. Mahni intihlumte chunga rilru put dan zir thar a tul a ni an ti.
New Life Charity Society-in an chhinchhiah danin kumin chhung hian Mizoramah mahni intihlum mi 67 an awm tawh a, heng zinga mi 62 te chu mipa niin, midang 5 chu hmeichhia an ni. Mahni intihlum zingah kum 15 atanga kum 30 inkar an tam ber a, mi 36 an ni a, kum 31 atanga kum 45 mi 25 an awm bawk.New Life Charity Society hruaitute chuan mahni intihhlumna chu damlohna chikhat a ni tih sawiin, tih dam theih a ni an ti a. Kumin chhung hian hetiang harsatna nei mi 70 zet an chhanchhuak tawh nia an inngaih thu an sawi bawk.

Thuthar lawrkhawm

Bru-ten sorkar thlawp
Bru Students Association Gen. Hqrs. Aizawl, Bru Cultural Organi sation Gen.Hqrs. Aizawl leh Aizawl Bru Welfare Committee chuan Mizoram sorkar-in Bru raltlante la let leh tura hma a lakna chu thlawp in, tih hlawhtlin ngei nise an duh tih an sawi a. Sorkar ruahmanna kal mek duhlotute chu he hma lakna ti thuanawp thei zawnga hma la lo turin an ngen tih thuchhuah intawm siamin an sawi.


Hel 67 inpe tawh
Manipur-ah kumin July ni 17 atanga tun thlenga hel man tawh zat chu mi 67 tlingin, an zingah hian hel pawl hrang hrang atanga hel ruh tak tak 7, mi thah leh rukbonaa inhnamhnawih an tel a. Hel mante kut atangin silai 14 lak a ni bawk.


Moist ten mi 7 that
Moist pawl ten State 6 huam chhunga ni 2 awh tur bandh nimina an huaihawt tan ni ah Chhatisgarh-a Dandewada Dist. ah Police 2 leh W.Bengal-a W.Mitnapur Dist. ah CPIM thlawptu mi 5 chu Moist ten an that a. Rel kawng an bomb chhe bawk.


J&K-ah tharum thawhna
Jammu & Kashmir-a nimina tharum thawha chetna chhuak thar lehah mi 12 thiin, midang 70 vel an hliam bawk. Mipui pungkhawm ten sorkar building thahnem tak leh private school 1 an hal bawk.

Tualchhung

Inkhawmpui a tiak
Nimin Pathianni hmang khan Kohhran hrang hrang ten naupang sunday school inkhawmpui hmangin, nizan khan intihsiak result puangin an tiak.
Presbyterian Kohhran Serchhip Bial chuan Hmar Veng Kohhranah inkhawmpui hi hmangin, Serchhip Vengchung bialin Field Veng Kohhranah, New Serchhip bialin New Serchhip Kohhranah an hmang a ni.
Ram pum huap, Lalchhungkua Unity thalai pawl leh naupangte pawhin inkhawmpui hi Serchhip BiakInah an hmang a. Isua Krista Kohhran (IKK) naupang pawhin Sailiam Kohhran Biakah inkhawmpui hi an hmang bawk.
UPC(NEI) kohhran naupang inkhawmpui Biak Inpuia neih pawh nizan khan a tiak bawk.


Bawlhhlawh paih dan siam
DLOA, Sanitation Officer ni bawk Pu ST.Lalhmingmawia chuan Serchhip khawpui chhunga motor hmanga bawlh hlawh paih dan tur leh motor dinna hmun tur a siam thar a. Mitinte bawlhhlawh khawn motor ngaichang tur a hriattir a ni.


Azl - Serchhip ping rei
Aizawl, Serchhip - Lunglei panna kawngpui, Chhingchhip bula kar hmasa lama chhia chu tun thlengin lirthei eng chi mah kaltlang theih lovin a la awm a. Helai kawng hi metre 20 chuang bal thla a ni. Helai hmun hi PWD Engineer in chief Pu Liansanga pawhin enin,temporary-a thir Lei dawh thuai an tum thu sawiin, hei hian thla khat vel a duh a rin thu a sawi a. Ruahtui tlak reh hunah kawng thar siam a nih tur thu a sawi bawk.


YMA Quiz result
Sub-Hqrs.YMA Serchhip hnuaia YMA Branch-te inelna YMA quiz 2010 Zirtawp zana zawh fel takah New Serchhip Vengnuam YMA Branch 1-na an ni a, Serchhip Vengchung 2-na niin, Serchhip Chhim Veng 3-na an ni.

Lawrkhawm

2 wheeler Taxi duh lo
Lirthei ke 2 nei chi Taxi-a siam tumna awm nia sawi chu an duh loh thu Taxi-a eizawngtu pawl ten an sawi. He ruahmanna thar siam hi ZTOA, ZTDA te chuan Inrinni khan Aizawla thutharlakhawmtute hrilh in, Mizoram sorkar-in Aizawla traffic jam tih thawlna atana Taxi a tlan chhawk tir laia Traffic State Transport authority board com mittee-in Aizawl khawpui chhunga lirthei ke 2 nei Taxi-a siam rawtna awm chu tih hlawhtlin a nih chuan harsatna tam tak a thlen ngei dawn a ni an ti.


Maxi Cab tlan ti tawp
National Highway-54 Kolasib leh Bairabi inkar kawng chu lirthei zawh tlak loh khawpa chhia nia sawiin, helai inkara khualzin phur Maxi Cab-te chuan Inrinni atang khan an tlan tawh lo. Maxi Cab neitute chuan helai kawng chhia a innawr reng chunga tlan chuan awmzia a nei lo niin an sawi.


Kachhung cancer tam
Mizorama cancer veite zingah ka chhung cancer an tam avang leh Mizote chu zuk leh hmuam ti nasa hnam an nih avangin hemi laka fimkhur inzirtirna ngaih pawimawh sak an ni tih Indian mental association Mizoram state branch chuan nimin, khawvel pum huapa kachhung hriselna lam inzirtirna ni ah a sawi.
Mizo zingah zuk leh hmuam ti an tam avangin ram chhunga hemi lama invenna kalpui mek chu Mizoramah pawh kalpui tum a ni a. Khawvela mihring nuai 1 zelah mi 1 atanga 10 in kachhung cancer an vei nia chhut a ni a, hetih lai hian cancer vei zawng zawng zinga 40% chu kachhung cancer nei an ni tih finfiah a ni bawk.


IR motor chesual
Hualngohmun khaw daiah nimin khan 5th IR Battalion tui phur motor chesualah handyman a thi a, driver na vak lovin a hliam bawk. Thi ta hi 5th IR Battalion constable Lalchhuanmawia a ni. Police-te sawi danin, tuiphur motor hian a hma ami motor dang tlan a lehpel tur chu kawng thlang leimin dawl lovin a lum zui ta a ni.


Tagore Peace Prize hlan
Manipur-a Civil rights activies Pi Sharmila hnenah Rabindranath Tagore Peace Prize 2010 chu Inrinni khan IITM-in a hlan.Pi Sharmila hian Manipur atanga Armed forces special power act 1958 hliah ngiatin, kum 2000 November ni 4 atang khan thih thlenga chaw nghei a tan a ni. He chawimawina hian thuziak bakah tangkafai Rs. nuai 51 a keng tel a ni.

Anthuirium Festival 2010 a tiak ta Khuallian Mizoramah an pung zel

Serchhip 13 th Sept. 2010 : Anthurium Festival 2010, Reiek a neih chu Inrinni khan Tourism Minister Pu S.Hiato-a’n hmanpuiin a tiak.
Pu S.Hiato chuan,hetiang festival hi tun aia tam leh uar zawka tih tum anih thu sawiin, festival atang hian khualzin hip tum a ni a ti a. Khualzinte hmang hian Mizoram chhungah sum tam tham tak a lut a; chuvangin mikhualte duat thiam turin mipuite a chah a. Kumin chhung hian ram pawn mi 600 chuang leh India hmun dang atangin mi 50,000 chuangin Mizoram hi an tlawh a ni a ti a. Anthurium khawvel pum huap pawha mite ngaihsan Mizoramin kan thawnchhuak thei leh thalaiten intihhlimna tur hun leh hmun remchang hlimawm tak kan hmang thei hi a lawmawm hle a ni a ti bawk.
Anthurium Festival ah hian Pu NK Chakma, AH & Vety Minister bakah Parliamentary Secretaries Pu Lalrinmawia Ralte leh Pu H. Zothangliana leh MLA Pu Nirupam Chakma, Pu K.Lianzuala leh Pu V.L.Robiaka te an tel a ni.
Anthurium Festival hi kum 2006 atang khan neih tan a ni a, he festival ah Mizoram a cheng hnam hrang hrang nunphungte leh khawsakziate lantir thin a ni. Vawiin hian hnam lam leh zai bakah Fashion Show te neih a ni.

Tualchhung

HS debate competition
Nimin khan MZP Platinum Jubilee lawmna kalzelah MZP Hqrs. Serchhip bultumin Hmar Veng YMA Hall ah Serchhip Town huap High School Level debate Competition neih a ni.
Debate thupui hi "Mizoram zirna hi a la tha tawk a ni" tih hmangin, High School awm zawng zawng 8 tel kim vekin Marian High School aiawha tel Carolyn Malsawmzuali pakhatna a ni a, Rs.2000/- leh Certificate pek a niin, High School tel zawng te Sana lian pek vek an ni bawk.2-na chu Lalnunsiami CV Residential High School niin, Rs.2000/- leh Certi ficate pek a ni a, 3-na Malsawm dawng liana Govt. JM High School niin Rs.1000 leh Certificate hlan a ni bawk.
Lawmman te hi Pu K.Lalthanliana hriatreng nan a nupui Pi Liansangi Pachuau in a tumsak vek a ni.

Sensitization workshop
Nimin khan CMO’s Conference Hall-ah Spastic Society leh Vaani tangkawpte buatsaihin Serchhipa rualbanlo nu leh pate sensititzation workshop neih a ni a. Hetiang lama mithiam bik ten rualban lote enkawl dan an hrilhin, an zirtir a ni.

HSLC & HSSLC exam hun
Mizoram Board of School Education chuan High School Leaving Certificate (HSLC) leh Higher Secondary School Leaving certificate (HSSLC) exam hun atan February ni 15, 2011 a ruat a. MBSE chuan HSLC exam form hi November ni 12, 2010 hmaa thehluh tur niin, HSSLC exam form hi November ni 26 hmaa thehluh tur a nih thu notification-ah a tarlang bawk.

Kum 2010 - 2011 chhunga NLUP hnathawhna tur sum semsawm a ni

Serchhip 10 th Sept. 2010 : Mizoram sorkar chuan kum 2010 - 2011 chhunga NLUP hnuaia hnathawh tur hrang hranga hman tur sum a semsawm a. NLUP hi thuang thumah kalpui tum niin, Project Management leh NLUP dawng turte lo buatsaih lawka lo inruahmanna tur sum a dah hranga NLUP line Department hrang hrang chan tur ni bawkin, hmasawnna ruhrel siamna atan bik sum dah hran a ni bawk. Hetiang hi sum semsawm dan chu a ni :
A. Activities : Proj. management including capacity building etc. Rs. nuai 1562.40
B. Development of Component : 1. Agriculture Rs. nuai 7724,
2. Horticulture Rs. nuai 5960, 3. Sericulture Rs. nuai 500,
4. Fisheries Rs. nuai 600 5. Soil & Water Conservator Rs. nuai 1656
6. AH & Vety Rs. nuai 1000 7.Industry (Micro/Handloom)Rs. nuai 1100
8. Forest (Bamboo)Rs. nuai 2900
C. Infrastructure: Construction of Agri Link Road, Water harvesting and rural godown including establishment of processing units, ice plant and pig multiplication units etc. Rs. nuai 23608.50
Aizawl leh khawpui (Urban Area) a awmte tan hetiang hian ruahmanna a siam bawk.
1. Huan lo ram nei lo tan a tam thei ang berin Agarbati Stick Making-a hma lakpui.
2. Mihring chenna pawna ti thei turte tan Vawk leh Ar vulhna tur ruahman sak.
3. Khawpuia cheng mirethei, an pianna khua ah emaw hmun dangah emaw huan lo ram neite tan NLUP Trade thlan phal sak an ni bawk.
4. Mizo kutchhuak, Mau hmanga Tray, Basket, Belt (Cocooning), Thlangra, Kho leh thil dangte Industries Department hnuaiah Micro-enterprise anga thawh tir.

Minister-in Zirtirtute an zawmthawt phah a hlau

Education Minister Pu Lalsawta chuan, Education Reforms Committee rawtna angin zirlaite kumtawp exam neih thin tih tawp a, zirlaite kumtin pawl sawn tir an nih tawh dawn avangin zirtirtute rilru ah zawmthawtna leh inthlahdahna a awm phah a hlauh thu a sawi.
Nimina Science Teachers' Association of Mizoram (STAM) General Conference vawi 25-na Aizawl Chanmari Hall-a neih a hmanpuinaah he thu hi sawiin, Minister chuan, zirlai tumah fail tir tawh loh tur tih chuan zirlaite hian an zirlai an thiam bel tur a ni tih a entir avangin zirtirtute pawh tun aiin an hahin an rim zawk dawn a ni a ti a, sorkar hi a tum a ruh avangin zirtirtute pawhin tumruhna leh thahnem ngaihna nasa zawk an neih a tul dawn a ni a ti bawk.

Misual hmaituam Pu Thanliana Inah lutin Dr.Helen-i pawisa a hnehchhuh

Serchhip 7th Sept. 2010 : Tukin zing lam dar 1 vel khan Pu K.Lalthanliana(L) te In, Serchhip AOC Veng ah hmaituam, mi tu tih hriat loh lutin Pu K.Lal thanliana(L) fanu Dr.Helen Lalthanzuali hnen atangin tihluihna in Rs.4000 chuang a laksak.
Hemi chungchangah hian vawiin vek khan Serchhip Police Station ah FIR thehluh nghal a ni a, Serchhip Police te chuan mi rawktu hi ngawrh takin an chhuizui mek a ni.
Pu K.Lalthanliana(L) te Ina lut; hmaituam hian nimin zing dar 1 vel ruahsur lai khan Pu Thana te Verandah hi kalkualin kawng thlanglamah a an Choka zawn kawngkapui hnuailam tichhiain, Inchhung hi a lut a.
Dr.Helen Lalthanzuali chu an Ui bauh thawm atanga ngaih tha lovin Bed Room atangin Choka ah a chhuak thla a, chutihlai chuan he misual hian an Sitting room-a Album an dah te chu thlamuang takin a lo enkual vel niin, Dr.Heleni chuan a sawi a. He misual hian a tirah phei chuan a hmai pawh a tuam lova, mahse light an on veleh an hmuhchian hma-in, a hmai hi a tuam lehnghal nia sawi a ni.
Tichuan, Dr.Heleni chu misual hian a chemte ken hmanga vauin pawisa la turin a ti a, hetihlai hian an awmpui hmeichhe pakhat pawh an thawm hria in, room atangin a rawn chhuak ve bawk a. Misual in chemte nena a vaubeh tlat avangin Dr.Heleni chuan an pawisa kawl lai Rs.4000 chuang zet chu misualpa kutah hian a hlan a, hemi hnu hian misual hi kawngkapui lamah hmanhmawh takin a kalbo ta tih an sawi.
Hemi zan hian Dr.Heleni nu, Pi Sangtei a nutapa te Aizawl lamah an zinbo lai a nih avangin an awmpui nula pakhat nen chauh an riak a ni.

Leimin-in Chanmari Vengtharah In a hnawl

Nizana ruahsur nasa tak avang khan Serchhip Tarpi tlang leiminin, Serchhip Chanmari Vengthar panna kawnga Pi Lalramhluni te In a hnawl a, vanneihthlak takin thi leh hliam na lutuk an awm lo.
Pi Lalramhluni hi a fa te 2 nena cheng an ni a, an Inhnuai hi Pi Lalzuithangi te nufaza in an luah ve bawk a, tukin lam dar 4:15 vel khan a chhak kawng ko sang tak atanga lei rawn tawlh chuan inrinlawkna pawh awm lovin In chhunga mu te zawng zawng nen chuan a hnawl thla vek a ni.
Vawiin (7.9.2010) Chanmari Branch YMA leh Serchhip-IV VC ten hnatlang in In ruhrel leh bungrua senghawi hnatlang an thawk a.District Bawrhsap Pu H.Darzika pawhin a hmunah tlawhin, tanpuina hmasa Rs. 3000 a hlan bawk.
Hetihrual hian Serchhip Saron Venga Pu Sanhming thanga Khiangte In pawh a chhak lam leiminin an In bang chhak lam a ti chhe vek a. Saron veng ami vek Pu K.Lalsiamliana In pawh min mai hlauhthawnawma lei khi-in an In hnuai a tan tlang avangin an bungrua thiar chhuah a ni.
Ruahsur avang hian Sailiamkawn chhak deuh hmun 5 ah lei tawlhin kawngpui a hnawhping a, nilenga then a nih hnu nizan khan tih tlang leh hman a ni.

Tualchhung

Tuilianin Pik-up a la
Mat lui kam, Hmawngawn lui chhuaha niminpiah tlaia balu phur Mahindra Pik-up Pu Lalhruaitluanga New Serchhip ami ta an hawsan tak chu tuilianin a la a. Nimin thleng khan a awmna chin hriat a la ni lo a ni.

Tuilianin buhhmun a chim
Tunhnaia ruahsur nasa avanga Mat lui lian chuan Zawlpui phai leilet leh Nul ramte a chim a. Buh thenkhat chu a chhe thei hial dawn nia sawi a ni.

Dist.Level PYKKA Sports
District level Panchayati Yuva Krida Aur Khel Abhiyan (PYKKA) Sports 2010 chu vawiin ni 7 khan Khawtetlang field-ah neih tan a ni a. Hetah hian Serchhip Dist. chhunga RD Block 2- Serchhip leh E.Lungdar block-te inel-in, nimin khan Football-ah Serchhip-in 5-2 in E.Lungdar hi an hneh a ni. He Sports hi vawiinah pawh chhunzawm leh a ni ang.

Tualchhung

Dist.Level PYKKA Sports
Vawiin chawhma dar 10 hian District Bawrhsap Pu H.Darzika’n Khawtetlang field-ah District level Panchayati Yuva Krida Aur Khel Abhiyan (PYKKA) Sports 2010 a hawng dawn. He Sports ah hian Serchhip District chhunga RD Block 2- Serchhip leh E.Lungdar block-te an inel dawn a ni.

Bazar fee khawn lilam dawn
Serchhip Market/Bazar fee khawn hna chu dan pangngai angin tun October ni 16 atanga nakum March ni 31 chhung atan lilam a ni leh dawn a. Rs. 90,500 aia hniam lova chhan tur niin, Bazar checker hnenah zawhfiah theih a ni.

Ruah surah chhiatna leh harsatna
Nizana ruah sur nasa khan Serchhip leh Lunglei inkar kawngpui (Keitum) lam chu Serchhip Sailiam kawn chhak deuh ah kawng ko lei tawlhin hmun 5 velah a hnawh a, vawiin hian a tlang hman beisei a ni lo. Tin, nizan vek khan Serchhip Chanmari Veng thara Pi Lalba-i te chenna In chu leimin-in a hnawl a, thi leh hliam erawh an awm lo.

Lawrkhawm

Cong. leh ZNP inrem ta
Aizawl Municipal inthlan kumina neih tur atana thawhpui chungchang ah party-te an indawr kual mek laiin, Congress leh ZNP chuan nimin khan thawhdunna thuthlung an ziak ta. An inrem dan chuan ward 19 an chuhna turah Congress-in seat 13 an chang ang a, ZNP-in seat 6 an chang dawn a. Hmeichhe tana seat 6 awmah Congress-in seat 4 anga ZNP-in seat 2 an chang ang.

Zaipawl intihsiak dawn
Sorkar leh Kohhran tangkawpa HIV/AIDS darh zel do beihpui thlakna chikhat atan MISACS leh DDK Aizawl chuan Mizoram pum huap Kohhran hrang hranga Zaipawl intihsiak buatsaih nise an ti. Hemi chungchang ngaihtuahtu state level committee, an chairman Health minister Pu Lalrinliana Sailo kaihhruaia nimina thukhawm chuan intihsiakna hi kumin November thla khian buatsaih nise an ti a ni.

Rukbo Police-te chhuah
Bihar-a Moist hovin Police 3 ru bova an hrente chu an chhuah ta a. Moist thupuangtu sawi danin, heng Police 3 te hi mihring hmakhaw ngaia chhuah an ni a, an chhungte hnenah hlan an ni tawh a ni a ti. Bihar CM Nitish Kumar chuan Police-te chhuah an ni ta chu lawmawm a tih thu a sawi a ni.

Mualpui VC thiah duh loh entir nan kawng zawhin, Bialtu MLA lim hal a ni

Thla hlui ni 13-a Chhingchhip Mualpui Village Council thiah a nih duhloh lantir nan Mualpui Chhantu pawl invuahte huaihawtin nimin khan an khua, Hualtu peng atanga Bazar thleng kawng an zawh.
Kawng zawhtute hian resolution pass-in, VC thiahna order sut leh an phut a, sut a nih loh pawhin tun thla chhunga by-election neih nise an ti a ni.
Chhingchhip Mualpuiah hian VC seat 4 awmin, 2 chu Congress-in luahin, a dang chu Independent-in an luah a. Hetihlai hian LAD-in an thu dawn bawhzuia an enfiahnaah NREGS suma mi 7-te MR dik lo taka siam leh Serchhip DC office atanga Rs.5000 lak chhuah tih riral-in an hmu a, hei vang hian thiah a ni ta a ni.
Hetihlai hian Mualpui chhantu pawl chuan he thil hi VCP eltu mi tute emaw thil tih nia sawiin, Chhingchhip khaw tlang inlungrualna tih chhiat a ni chu pawi an tih thu sawiin, a mawhphurtu pakhatah bialtu MLA Pu K.Lianzuala chu ngaiin a lim an hal bawk.
Kawng zawhtute hi mi 300 atanga 400 vel an tling a ni.

Tualchhung

Teachers Day vawiinah
Nimin, Teachers Day chu Pathianni ah a tlak avangin vawiin hian School tam zawkin an hmang dawn a. Zirtirtute chawimawina Ni hi School hrang hrang ten mahni remchan dan anga hmangin, zingkara hman tumte pawh an awm a ni.

Hauhuk humhalh
Serchhip-I Village Council huam chhung ramah Hauhuk a awm nia sawiin, an VCP chuan he Hauhuk hi khawtlangin humhalh pui turin mitin a ngen a ni.

Zirtirtute dinhmun siamsak chu sorkar mawhphurhna a ni - Edn.Minister

Education Minister Pu Lalsawta chuan zirlai leh khawtlang zahthlak dinhmun zirtirtute buatsaih sak chu sorkar mawhphurhna a ni a ti.
He thu hi nimin, Teachers Day puala thuchah a sawiah tarlangin, Minister Pu Lalsawta chuan, September Ni 5 ah zirtirtute chu fak an ni chiam thin a, mahse an dinhmun siamthat chungchangah te, an harsatna sutkian sak ah te sorkar a tang tawk lo hle tih chu thu dik a ni a ti a. Zirtirtute chu ram leh hnam chherchhuaktu an nih thu sawiin, an pawimawhna leh mawhphurhna sang tak mipui ten an hriat nawn fo leh thin a tul a ni a ti.
Pu Sawta chuan, tun dinhmunah sorkar school aia private enkawl english medium school mipui ten an thlan nachhan chu private school-ah chuan a hotu emaw a neitu emaw ten zirtirtu leh school-a thawk dangte chungah thuneihna sang tak an neih vang leh English an zir tam vang nia a hriat thu sawiin, private school-te tih dan tha zirin, sorkar pawhin hetiang zawnga hma la a; school-a thuneitu Headmaster emaw Headmistress emaw Principal emaw te thuneihna sang zawk pek leh english uar tum a ni a ti a.
Pu Sawta chuan, zirtirtu a duh apiang tan pension-a chhuah theihna ‘Voluntary retirement scheme - Golden handshake’ pawh hman a ni tep tawh a ti a. CSS hnuaiah hindi zirtirtu 1305 la turin hmalak mek a nih thute sawiin, kumin chhung hian RMSA hnuaia High school 23 thar hlak sak a, a lo ding tawhsa 154 sak that tum a ni a ti bawk.

Municipal Council inthlan atan Political party-te an inbuatsaih mek

Serchhip 6th Sept. 2010 : Kumin October thla-ah Muncipal Council inthlan tinzawn a nih avangin Political party hrang hrangte thawhpui tur zawngin an indawr kual mek.
Inrinni khan Mipui Tangrual Pawl (MTP) chuan Political party-te nen candidate intawm siama thawhho dan tur an ngaihtuah, Aizawl Press Club-a an indawrnaah MNF leh MPC aiawhte an tel a. Amaherawhchu thu tlukna an la siam thei rih lova, a rang thei ang bera inhmuhkhawm leh an rel a ni.
Hetihlai hian Congress leh ZNP chuan thawhho tumin hma an la mek a. ZNP hian Congress an thawhpui dawn leh dawn loh chu tunkar chhung hian an ti chiang dawn a. Mahni party chhinchhiahna dah thaa candidate intawm siam a, MTP-te nen thawkho tura sawmna erawh an lo hnawl tawh avangin Inrinnia MTP, MPC leh MNF inhmuhkhawmnaah pawh hian an tel lo a ni.
ZNP hian MPCC thawhpui chu a thuphungin an remti a, ZNP exe cutive committee chuan Congress nena Municipal inthlannaa thawhho chungchang hi ngaihtuahin, ZNP hian Congress hnenah hian Council ward(Bial) 19 awmah bial 7 an dil a, Congress lamin bial 6 an remti thung a ni.
Hetihlai hian MPC leh ZNP-te telna United Democratic Alliance (UDA) hmingin tun tum Municipal Council inthlan lo awm turah hian candidate siam a ni dawn lova. Hei hi he pawla tel MPC, ZNP leh Kuthnthawktu Pawl ten inlungrual taka thu tlukna an lo siam tawh vang a nih thu sawi a ni.

Lawrkhawm

Zirtirtu chawimawi
Ram pum huapa zirtirtu tha thlan chhuah 312-te chu nimin, Teachers Day khan New Delhi-ah President Pi Pratibha Patil-in chawimawina a hlan. Chawimawina dawng zingah hian Mizoram atangin Pu R.Rozika Lunglei Bethlehem Middle School zirtirtu leh Pi Ngurthankhumi Sailo Aizawla Pianghleia High School zirtirtu te an tel ve a, thuziak, medal leh pawisa fai an dawng a ni.

Ban turin phut
Naupang khuaikhem ching nia puh, Govt.Maubuang Middle School hindi zirtirtu Lalchuhvela, tuna a hna atanga suspend mek chu ban ngei an phut tih Maubuang JAC hruaitute chuan an sawi a. Naupang khuaikhem ching chu naupang enkawl zui tlakah an ngai lova, hei vang hian a hna atang ban ngei an phut tih an sawi.

Police 3 chin hre lo
Bihar-a kar kalta-a Moist ten an ruk bo Police 3 te chungchangah thu chiang engmah a la awm thei lova. Moist-te chuan police 3 te hi an chhuah tawh niin sawi mah se, sorkar lam atangin nemnghehna a la awm lo a ni. Moist-te hian Police 4 an rukbo zinga 1 chu tunhnai khan an that a ni.

PM thlang hlawhchham
Nepal Prime Minister thar thlang tura nimina inthlanna neih chu a hlawhchham leh a, tun tum nen hian Prime Minister tur hi vawi 6 an thlang hlawhchham ta a ni. He inthlannaah hian candidate 2 te chuan tling tura vote hmuh ngaih zat an hmu pha lo leh ve ve a ni.

Brahmas-II enchhin
India chuan nimin khan Missile ‘Brahmos-II chu hlawhtling takin a enchhin. He ralthuam hi India leh Russia mithiamte kutchhuak a ni.

Tualchhung

Bawrhsapin a ral
Tunhnaia Rulin a chuk hlum tak Pu Vanlalnghaka chhungte chu nizan hmasa khan District Bawrhsap Pu H.Darzika’n Rs.2000/-in a ral.

DTO hna kaltluang lo
District Transport Office-a lirthei an chhinchhiahna computer chu kar khat chhung a chhiat tak avangin thawktute hna a kal tluang thei lo hle a, mipui hriatthiamna an dil a ni.

LPG booking
MIZOFED-in eirawngbawlna gas la nei lo te tana gas booking a hawn chu nimin khan mi thahnem takin an booked a. Dilna lehkha-ah lehkha tul thil tel ngai a awm nual avangin diltu tam tak an phar buai hle a ni.

Tualchhung

Midang tana Mit pek Ni
Nimin khan Serchhip Civil Hospital OPD-ah midangte tana Mit pek Ni, Eye donation Day hman a ni a. Hetah hian Doctor-te chuan thih hnua midang khaw hmu thei lote tana mit pek chu midang tana malsawmna a nih thu an sawi a ni. He hunah hian mi 15-in an thih hnuah midang tana mit an pek phal thu sawiin, an hming chhinchhiah nghal a ni.

DRDA kum 10-na lawm
DRDA Serchhip chuan nimin khan Serchhipa Office an function kum 10-na lawmin, Project Director leh staff-ten chaw hlui an kilho. He hunah hian Serchhip Dist.DRDA-a PD lo ni tawh Transports Deptt. Director Pu Dawngliana leh lo thawk tawh thin, hmun danga awm ta te pawhin an rawn hmanpui a ni.

Anthurium workshop
Nimin khan SSA BRC hall-ah Horticul ture Department buatsaihin Anthurium chin leh enkawl chungchangah workshop neih a ni a. He hunah hian Anthurium chingtute leh ching ve lem lo, a tui mi thahnem tak an kal a ni.

Rulin mi 2 a chuk leh
Nimin khan New Serchhip ah Chawngkawr nia hriatin mi 2 chukin, Serchhip damdawi Inah enkawl an ni.
New Serchhipa Pu Thanchungnunga In chhung khumah Rul 1 hmuh a ni a, he Rul hi Pu K.Lalfakawma(52) mi leh Laldinsanga(23) te chuan thah tumin an bei a. Laldin sanga’n thah tuma hmawlha a hawlh bet chu a kut zungchal ding lamah a chuk a. Hemi hnu hian Pu Lalfakawma chuan bei ve lehin a ni pawh hi a kut zungchal ding lamah tho lo chuk ve lehin, an that zui thei ta hram a ni.

Lawrkhawm

MIFCO chhanchhuah tum
Thla 7 dawn hlawh la tawh lo, MIFCO hnathawk ten eizawnna dang dap tum nia insawiin, nimin atang khan office an kai lo. Hetih lai hian MIFCO Chairman Pu C.Lalruata chuan MIFCO chhanchhuah tumin sorkar-in hma a la mek tih sawiin, Chief Minister leh Planning board hotute inbiaknaah MIFCO chhan chhuahna tur liau liauvin Rs. nuai 250 dah remti niin a sawi.

Ngaituah that atan dah
{ PRISM, SOSA leh FOMTU ten Greater Aizawl water supply scheme phase-II CBI chhui tir an duhna lehkha kumin kumtira PHE Minister hnena an thehluh chu ngaihtuah that leh atan dah a nih thu nimina sorkar thuchhuah chuan a tarlang a. Contractor ban a nih avanga court-a a khinna thu kal mek a awm avang leh Deptt. hna thawh mek tih thuanawp a nih loh nan sorkar chuan ngaihtuah that leh atan a dah ta a ni.

Department thar hawng
Department thar, Directorate of Geology & Mineral Resources chu nimin khan Industries Minister Pu S.Hiato-a’n a hawng. He Depart ment Director lo ni lailawk tur hian Industries Secretary Pu R.Lalrin awma ruat a nih thu Minister hian puangin, thawktu an vaiin mi 106 an awm zui dawn a ni.